Isumaginninnermi siunnersorti Sisimiuni Ilaqutariinnut kiffartuussivimmut

Ilaqutariinnut kiffartuussivimmi Sisimiuni isumaginninnermi siunnersortitut atorfik inuttassarsiuunneqarpoq
Qinnuteqarfissaq kingulleq:
22. december 2017
Sumiiffik/Pisortaqarfik:
Sisimiut
Sivisussuseq:
Tamakkiisoq
Atorfininnermi ulloq:
Piaartumik isumaqatigiinnikkulluunniit
Akissarsiat:
Isumaqatigiissutit malillugit

Atorfininneq isumaqatigiissutillu 

Qeqqata Kommunia Ilaqutariinnut Kiffartuussivimmi Sisimiuniittumi  inunnik isumaginninnermi siunnersortitut atorfik.

Sulineq pikkoriffeqartumik suliat inuttullu inissisimanerit immikkoortilluinnarlugit suliffigineqassaaq. Pingaartipparput suleqatit qanimut suleqatigilluarnissaat sullissisutut inuttullu ineriartornerit  ilanngullugit. Allanngueqataanissannut pikkoriffeqarlutit suliaqarusukkuit periarfissatsialassuuvoq.

 

Suliassat akisussaaffiillu

  • Ilaqutariinnut ataasiakkaanut siunnersuinissamik pilersaarusioqataaneq ingerlatseqataanerlu
  • Meeqqanik ilaqutariinnillu kiffartuussiveqarfimmut innersuunneqarsimasunik siunnersuineq
  • Ilaqutariinnut kiffartuussivimmi ilaqutariinnut siunnersuineq, tamatumunnga ilanngullugu ataasiakkaanik eqimattanillu ilaqutariinnut siunnersuineq
  • Meeqqaanut ilaqutaanullu tunngasunik suliassanik pilersaarusioqataaneq ingerlatseqataanerlu
  • Ilaqutariinnut kiffartuussivimmi suliatigut ineriartortitseqataanikkut tapertaaqataaneq

 

Piginnaasat

  • Isumaginninnermi siunnersortitut ilinniagaqarsimasuuvutit,
  • Ilaqutariinnik sullissinermik misilittagaqartuuvutit
  • Suliassatigut pikkoriffeqartuuvutit
  • Akisussaassuseqarputit, ammasuullutit suleqatikkuminartuullutillu
  • Nammineerlutit sulisinnaassuseqarputit
  • Marluinnik oqaaseqassasutit, qallunaatut  kalaallisullu

 

Qinnuteqartussap ilaqutariinnik sullissinermik misilittagaqartuunissaa pingaartinneqassaaq, soorlu ilaqutariinnik siunnersuinermik ilaqutariinnilluunniit katsorsaanermik.

Akissarsiat atorfininnermilu atugassarititaasut 

Akissarsiat sulinermilu atugassarititaasut, matumani akiliutsilluni angalasinnaatitaaneq pisattanillu assartuisitsinerit ilanngullugit, Namminersornerullutik Oqartussat Atorfillit Kattuffiata isumaqatigiissutaat atuutut naapertorlugit.

 

Meeqqanik pinerliisimannginnermut uppernarsaat

Atorfiit meeqqanik pinerliisimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaammik piumasaqaateqarfiupput. Inatsit naapertorlugu kommuni meeqqanik pinerliisimannginnermut uppernarsaammik aatsaat pissarsereerpat atorfinitsitsineq aallartinneqarsinnaavoq. Taamaattumik maluginiaqqussavarput kommuni Rigspolitiinit meeqqanik pinerliisimannginnermut uppernarsaammik aatsaat pissarsereerpat piffissaq atorfiniffiusussaq isumaqatigiissutigineqarsinnaammat.

Meeqqanik pinerliisimannginnermut pineqaatissinneqarsimannginnermullu uppernarsaat Qeqqata Kommunianiit pissarsiarineqartussaq tunngavigalugu atorfinitsitsisoqassaaq.

 

Inissaqartitsisoqarsinnaavoq.

 

Atorfininneq pissaaq 1. februar 2018 imaluunniit isumaqatigiissuteqarnikkut.

 

Atorfimmut sukumiinerusumik paasissutissat Ilaqutariit Kiffartuussiveqarfianni pisortamut Dorthe Margrethe Møller, oqarasuaat (+299) 86 60 77, allalluniluunniit domo@qeqqata.gl saaffiginninnikkut pissarsiarineqarsinnaapput.

 

Qinnuteqaat soraarummeersimanermi uppernarsaatinik, paasissutissanik inummut tunngasunik, oqaaseqaatinik innersuussutillu ilalerlugu kingu­sinnerpaamik 22. december 2017-mi 

Qinnuteqaat uunga nassiunneqassaaq:  

Qeqqata Kommunia

Sulisoqarnermut immikkoortortaq 

Postbox 1014

3911 Sisimiut

E-mail: job@qeqqata.gl

We: www.qeqqata.gl/atorfik

Attavissaq:

Dorthe Margrethe Møller

(+299) 86 60 77

domo@qeqqata.gl