Assistentimik Sisimiuni Majoriaq-mut

Qeqqata Kommunia Sisimiuni Majoriaq-p ataani Suliffissarsiuussisarfimmi assistentissarsiorpoq
Qinnuteqarfissaq kingulleq:
25. januar 2018
Sumiiffik/Pisortaqarfik:
Sisimiut
Sivisussuseq:
Tamakkiisoq
Atorfininnermi ulloq:
1. februar 2018-imi imaluunniit isumaqatigiinnikkut
Akissarsiat:
Isumaqatigiissutit malillugit

Suliassat akisussaaffillu:  

 
  • Inuussutissarsiorfinnut ornigulluni attaveqarneq kiisalu sulisitsisut suliffissarsiortullu akornanni attaveqarnermik ingerlatsineq
  • Suliffissanik innersuussineq
  • Pikkorissarfissanik (PKU/AMA) ingerlatsineq
  • Sulinngiffeqarallarniutissat, napparsimanersiutit pikkorissarnersiutisiassallu pillugit qinnuteqaatinik suliaqarneq
  • Sulianut attuumassutilinnut sullissisunut Majoriaq-mut saaffiginninnermi innersuussigallartarneq, matchgruppenik agguataarineq kiisalu qarasaasiat atorlugit inunnut paasissutissanik nalunaarsuineq
  • Inuussutissarsiuteqartut aamma suliffissarsiuussisarfiup suleqataanik ataatsimiititaliat siunnersuisuusartut ataatsimiinnerini peqataaneq
  • Allaffissornermi suliassat nalinginnaasut
  • Suliffissarsiuussisarfimmut suleqatigiinnut tamanut peqataaneq
  • Suliffissaaleqisunik nalunaarsuineq
  • Innersuussinermik siullermeersumik ingerlatsineq, kiisalu innuttaasunut paasissutissatut atortunik agguaassineq aamma ilinniarfissat, pikkorissarfissat suliffissallu pillugit ujaasinerit pillugit nalinginnaasumik paasissutissiisarneq
  • Sulinngiffeqarallarnersiutinik kiisalu napparsimanersiutinik ingerlatsineq

Majoriaq aaqqissuussaanikkut suliffeqarfiuvoq, aaqqissuussaanikkut inuussutissarsiorfinnut ilinniarfissanik suliaqartoq, suliffissarsiuussisarfiup iliuusissatut pilersaarutai ataasiakkaat, sulisut piginnaasaannik ineriartortitsineq kiisalu kommunip  aqqutissiuussisoralugulu ilisarititsisarnermik suliniuteqarfiusoq.

Suliffeqanngitsunut aammalu sulereersunut Majoriaq aqqutissiuussinermik, ilinniaqqinnermi- kingornalu- aamma piginnaanngorsaqqinnissamut periarfissanik neqerooruteqartarpoq, taamaalilluni suliffimmiiginnarnissaq qulakkeerneqassalluni. Majoriaq sumiiffinni inuussutissarsiutinut ilinniarfinnik sulianik ingerlataqarpoq kiisalu sumiiffimmi ilinniarfissanik ilisarititsinernillu suliaqarluni. Majoriaq sumiiffinni, nunap ilaani aammalu nuna tamakkerlugu inuussutissarsiorfiit sulisinnaasunik piukkunnaatilinnik tamakkiisumik peqartuarnissaa qulakkiissavaa, taamaalilluni qaninnerusoq ungasinnerusorlu isigalugit inuussutissarsiorfiit sapinngisamik isiginiarneqassallutik.

 

Naatsorsuutigaarput:

  • allaffissornikkut ilinniagaqarsimasuusutit
  • aalajaatsuusutit suleqatiginnikkumasuusutillu
  • sullitanut suugaluartunulluunniit sullissillaqqissuusutit
  • kalaallisut ajornanngippallu qallunaatut oqalussinnaallutilu allassinnaasutit, kingullerli piumasaqaataanngilaq
  • Qarasaasiamik, minnerpaamik naammaginartumik qaffasissusilimmik atuisinnaasuusutit
  • suliassatigut eqaatsumik suleriaaseqartuusutit
  • Isumagissaartuussaatit.

Akissarsiatigut atorfinitsitaanermilu atugassarititaasut 

Akissarsiat atorfinitsitaanermilu atugassarititaasut atorfininnerup nalaani Naalakkersuisut aamma SIK akornanni isumaqatigiissutit atuuttut malillugit iluarsineqassapput.

Pinerliisimannginnermut uppernarsaat: Atorfik taanna pinerliisimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaammik piumasaqaateqarfiuvoq. Inatsit naapertorlugu kommune pinerliisimannginnermut uppernarsaammik aatsaat pippat atorfinitsitsineq aallartinneqarsinnaavoq. Taamaattumik malugeqqussavarput kommune Politiinit pinerliisimannginnermut uppernarsaat aatsaat tiguppagu atorfiniffiusussaq isumaqatigiissutigineqarsinnaammat.

 

Inissaqartitsisoqanngilaq.

Atorfinitsitsineq pissaaq 1. februar 2018-imi imaluunniit isumaqatigiinnikkut.

Atorfik pillugu paasissutissat sukumiinerusut Centerleder-imut Malene Larsen-imut, oqarasuaat (+299) 86 71 59, e-mail: mala@qeqqata.gl saaffiginninnikkut pissarsiarineqarsinnaapput.

Qinnuteqaat soraarummeersimanermut uppernarsaatit assilinerinik, imminut ilisaritinnermik, CV, oqaaseqaatinik attuumassuteqarsinnaasunillu ilalerlugu tigoreersimassavarput ulloq 

25. januar 2018-imi

Qinnuteqaat uunga nassiunneqassaaq: 

Qeqqata Kommunia

Sulisoqarnermut immikkoortortaq

Postbox 1014

3911 Sisimiut

E-mail: job@qeqqata.gl

Web: www.qeqqata.gl

Attavissaq:

Malene Larsen

(+299) 86 71 59

mala@qeqqata.gl