Sanaartornermut ingeniørimik/Sanaartornermut konstruktørimik Sisimiunut

Sisimiuni Teknikkimut Avatangiisinullu immikkoortortami sanaartornermut ingeniøritut/sanaartornermut konstruktøritut atorfik piaartumik inuttassarsiorneqarpoq.
Qinnuteqarfissaq kingulleq:
27. marts 2018
Sumiiffik/Pisortaqarfik:
Sisimiut
Sivisussuseq:
Tamakkiisumik
Atorfininnermi ulloq:
Piaartumik isumaqatigiinnikkulluunniit
Akissarsiat:
Isumaqatigiissutit malillugit

Atorfininneq isumaqatigiissutillu 

Qeqqata Kommuniani Sisimiuni Teknikkimut Avatangiisinullu Immikkoortortami sanaartukkanut immikkoortortaqarfimmi sanaartornermut ingeniøritut imaluunnit konstruktøritut atorfik inuttaaruppoq. 

 

Atorfik maannakkut aaqqissuussaanikkut sanaartukkanut immikkortortami inissisimavoq.

 

Teknikkimut Avatangiisinullu immikkoortortaq maannakkut 13-inik sulisoqarpoq. Atorfiup suliassaqarfii tassaapput Sisimiut nunaqarfiillu, Kangerlussuaq, Sarfannguit Itillerlu.

 

Sanaartukkanut immikkoortortaqarfiup akisussaaffii:

  • Nutaanik sanaartornerit, allanngortiterinerit, alliliinerit aamma nutarterinerit.

  • Aqqusinernik asfaltiterinerit

  • Kuuffissualersuineq, nutaanik aamma nutarterinerit.

  • Sanaartorfissagissaaneq

  • Sannaartornermut tunngasunik innutaasunik sullissineq

  • Ilitsersuineq

  • Nunaqarfinniit saaffiginnissutit/sullissineq

 

Qeqqata Kommunia sanaartugassanik assigiinngitsorpassuarnik suliniuteqarnissamik pilersaaruteqarlunilu aallartitassaqarpoq, taamaammallu suliassarpassuarnut tamakkiisumik isiginninnissat pingaaruteqarpoq.

 

Suliassat pingaarnerit:

Kommunip illuliortiternikkut sanaartornikkullu suliassaatia, taassunga ilanngullugit:

Sannaartortitsisunit saqqummiussat, pilersaarusiornerit, neqeroortitsinerit, suliariumannittussarsiuussinerit, suliariumannittussarsiuussassanik nalilersuinerit, sanaartornermi aqutsineq, illuliornermi sanaartukkanillu aningaasatigut aqutsineq, sannaartornerup aallartinneraniit naammassinissaanut aqutsineq, sanaartukkatigut suliat pillugit politikkikkut ataatsimiititalianut innersuussinerit, neqerooruteqarnermut suliniutit, pilersaarusiornermut ataatsimiinnerit, sanaartornissaq pillugu ataatsimiinnerit, isumannaallisaaneq pillugu ataatsimiinnerit, illuliornermi sanaartornermullu sulianik nalunaarsuineq, Sanaartorneq pillugu ilitsersuineq  innutaasunillu sullissineq.

 

Ingerlatsivimmi sulisut, taassunga ilanngullugu sanaartornermut immikkoortortami aamma sanaartornermi oqartussaasut sulinngiffeqarnerini paarlattaaneq.

 

Sanaartukkanik iluarsartuussinermut allannguinermullu tunngatillugu immikkoortortani suliassaqartunut sanaartornermullu ingeniørinut siunnersuineq.

 

Siuliani allassimasut atorfimmi pingaarnertut suliassaapput, ingerlatsiviup iluani suliat akimorlugit suliniutinik annertuumik ingerlatsiviusussat.

 

Piginnaasassat:

  • Sanaartornermut ingeniøritut/sanaartornermut konstruktøritut assingusumilluunniit ilinniagaqarsimasutit, ajornanngippat assassornermut tunuliaqutilimmik.

  • Atorfimmut assingusumi ukiuni arlaqartuni misilittagartutit, ilinniakkamilluunniit naammasseqqammerlutit pisortat ingerlatsiviinik soqutigisaqarluartuusutit.

     

Piginnaasassat:

  • Oqaatsitigut allattariarsornikkullu assiliartalersuinikkullu attaveqaqateqallaqqissasutit

  • Nutaanik pilersitsisinnaasutit, nammineersinnaasutit, peqqissaartuusutit, ataqatigiissaarisinnaasutit suliamullu tunngasutigut tamat isiginnissuseqartutit

  • Suliannut inunnullu ataatsimut isiginnillutit pullaveqarsinnaasutit

  • Qarasaasiamik kiisalu tegneprogramminut il.il. ilisimasaqassasutit.

  • Marluinnik kalaallisut/danskisut oqalussinnaaneq iluaqutaassaaq

  • Qinnuteqartoq suleqatigiissitani sulisinnaanissaa aammalu ingerlatsiviup iluani suliassanut allanut piginnaaneqarnissaa pingaartipparput.

  • Ulapaarfimmi eqqissillutit sulisinnaassuseqartutit.

Akissarsiat atorfininnermilu atugassarititaasut 

Akissarsiat atorfinitsitaanermilu atugassarititaasut, matumani akiliunneqarluni angalasinnaatitaanerit pequtillu angallanneri ilanngullugit, Naalakkersuisut aamma pineqartup peqatigiiffiata isumaqatiginninniarsinnaatitaasup akornanni isumaqatigiissutit atuuttut naapertorlugit ingerlanneqassapput.

Inissaqartitsisoqarsinnaavoq, isumaqatigiissutit atuuttut malillugit akilersorneqartussamik.

Pinerliisimannginnermut uppernarsaat: Atorfik taanna pinerliisimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaammik piumasaqaateqarfiuvoq. Inatsit naapertorlugu kommune pinerliisimannginnermut uppernarsaammik aatsaat pippat atorfinitsitsineq aallartinneqarsinnaavoq. Taamaattumik malugeqqussavarput kommune Politiinit pinerliisimannginnermut uppernarsaat aatsaat tiguppagu atorfiniffiusussaq isumaqatigiissutigineqarsinnaammat.

 

Atorfininneq pissaaq piaartumik imaluunniit isumaqatigiinnikkut.

Atorfik pillugu annertunerusumik paasissutissat Teknikkimut Avatangiisinullu pisortamut Hans Ulrik Skifte (+299) 86 74 50, e-mail: haus@qeqqata.gl imaluunniit sanaartonermut sulianut aqutsisumutNiels Mønsted (+299) 86 74 71, e-mail: niem@qeqqata.gl saaffiginninnikkut pissarsiarineqarsinnaapput.

Qinnuteqaat soraarummeersimanermut uppernarsaatinik, imminut ilisaritinnermik attaveqaatissanillu ilaqartoq 27. marts 2018-mi tigoreersimassavarput.

Qinnuteqaat uunga nassiunneqassaaq: 

Qeqqata Kommunia

Sulisoqarnermut immikkoortortaq

Postbox 1014

3911 Sisimiut

E-mail: job@qeqqata.gl

Hans Ulrik Skifte/Niels Mønsted

(+299) 86 74 50/86 74 71

haus@qeqqata.gl/niem@qeqqata.gl