Ilinniartitsisunik Qeqqata Kommunianut ukiumut atuarfiusumut 2018/2019-mut

Ilinniartitsisussarsiorpugut atuarfimmi ineriartortumi suleqataanissamut tunniusimasumik atuartitsinissaminnut soqutiginnittunik
Qinnuteqarfissaq kingulleq:
27. marts 2018
Sumiiffik/Pisortaqarfik:
Sisimiut/Maniitsoq
Sivisussuseq:
Tamakkiisoq
Atorfininnermi ulloq:
Piaartumik isumaqatigiinnikkulluunniit
Akissarsiat:
Isumaqatigiissutit malillugit

Meeqqat atuarfiini ineriartortitsinermut peqataarusuppit? 

Ukiuni kingullerni Qeqqata Kommuniani meeqqat atuarfii annertuumik ineriartortinneqarput. Ukiuni tulliuttuni ineriartortitsineq ingerlatiinnarneqassaaq, tamannalu tunngavigalugu ilinniartitsisunik ineriartortitseqataarusuttunik allanngueqataarusuttunillu pissarsiorpugut.

Kalaallit Nunaanni Qeqqata Kommunia kommunini siullersaalluni iPad-itigut qarasaasiaqarnikkut ineriartortitsinissamik aallartitsinissamik aalajangerpoq. Tamatuma saniatigut 1. klassimiit tuluttut atuartitsisarnissaq aallunneqalerluni.

Atuartut ilinnialernissaminnut piareersimasunik pilersitsisunik, meeqqat atuarfiinik pilersitsinissarput sulissutigaarput. Taamaalillutalu atuarfiup angerlarsimaffiullu akornanni suleqatigiinnerup nukittorsarnissaa aallupparput, ilaatigut atuarfiup angerlarsimaffiullu akornanni suleqatigiinneq kiisalu nikeriarnerni ikaarsaarnerni - meeqqerivinniit atuarfimmut aammali ilinniaqqiffinnut ikaarsaarnerit pillugit atuarfinni siunnersortinik pingasunik atorfinitsitsisoqarluni. Tamatuma saniatigut kommunimi isumaginninnermut siunnersortinik qanimut suleqateqarneq februaarimit aallartinneqarpoq. Illoqarfinni atuarfinni ilaqutariinnut klassinik pilersitsisoqareerpoq.

Suliniuteqarfiusut ilaat taassaavoq, aqutsisut ersarinnerusut ineriartortinneqartullu.

Qeqqata Kommuniani atuartut ilinniartitsisullu tamarmik iPad-eqartuummata, qinnuteqartoq iPad-imik sakkutut ilisimasaqarnissaa iluaqutaassaaq.

Illoqarfinni atuarfiit sapaatip akunneranut pilersaarutinut, angajoqqaanut attaveqarnikkut atuarfiullu iluani attaveqarnikkut ulluinnarni skoleintra atugaraat. TEA (TAbulex Elev Administration) atuartunik nalunaarsuinermi ulluinnarni kiisalu ukiumut minnerpaamik marloriarluni Angusakkalerinermut atorneqartarpoq.

Taamaalillunilu ulluinnarni sulinermi qarasaasiarsorneq ilaalluni.

Ineriartortitseqataarusukkuit, atuarfinni tulliuttuni atorfiit inuttassarsiuutigineqartunut qinnuteqarit:

Aggustip aallaqqaataanit atorfinittussanik Nalunnguarfiup Atuarfia ilinniartitsisunik sisamanik pissarsiorpoq.

Nalunnguarfiup Atuarfianit:

Atuartut 400 missaanik amerlassuseqartut, 1. klassimiit 10. klassi tikillugu, klassinut 20-nut, aammalu immikkut atuartinneqartut klassinut arfineq-marlunnut agguataagaapput.

Ilinniartitsisunut 52-inut amerlassusiligaavoq.

Krea klassi atuartunut immikkut ineriartortinneqarnissamut pisariaqartitsisunut.

AKT-mi ilinniartitsisoq, atuartunut attaveqarniarnermikkut, pissusilersornermikkut atugarissaarnermikkullu ikiorsertarialinnut.

 

Ilinniartitsisoq ataaseq nukarlernut ukunani atuartitsissutini: qallunaatut, tuluttut matematikkilu

Ilinniartitsisut marluk akullernut ukunani atuartitsissutini: qallunaatut, tuluttut, pinngortitalerineq, sumiiffimmi qinigassat (nipilersorneq)

Ilinniartitsisoq ataaseq angajullernut ukunani atuartitsissutini: qallunaatut, tuluttut, sumiifimmi qinigassat

Nalunnguarfiup Atuarfia sukkasuumik ineriartorluarpoq ersarissunik anguniagassalimmik, atuartut pitsaanerpaamik atuarnissaanik, pitsaasunillu angusaqarlutik ingerlaqqittarnissaat anguniarlugu.

Ilinniartitsisoqatigiit ataqatigiilluartut immikkoortortanilu atuarfillu tamakkerlugu suleqatigiilluartut. Aqutsisut ersarinnerusut, anguniagassanillu ersaritsitsisut sulisunullu ataasiakkaanut piffissaqarfiginnittut.

 

Atuarfimmi pisortaq Riikki Grønvold oqarasuaat tlf: (+299) 86 43 88 imaluunniit email: rigr@qeqqata.gl aqqutigalugit attavigineqarsinnaavoq

 

 

Aggustip aallaqqaataa aallarnerfigalugu Mingortuunnguup Atuarfianut ilinniartitsisut marluk perorsaasorlu ataaseq piassarsiarineqarput.

 

Minngortuunnguup atuarfia:

Atuartut 410 missaanik amerlassuseqartut, 1. klassimiit 10. klassi tikillugu, klassinut 20-nut, aammalu immikkut atuartinneqartut klassinut qulingiluanut agguataagaapput.

Ilinniartitsisunut 53-inut amerlassusiligaavoq.

Krea klassi atuartunut immikkut ineriartortinneqarnissamut pisariaqartitsisunut.

AKT-mi ilinniartitsisoq, atuartunut attaveqarniarnermikkut, pissusilersornermikkut atugarissaarnermikkullu ikiorsertarialinnut.

 

Ilinniartitsisoq ataaseq immikkut atuartitsinermi fagini tamaginni atuartitsisartussamik.

 

Perorsaasoq ataaseq immikkut atuartitsinermi ikiortitut ilinniarsimasoq.

 

Ilinniartitsisoq ataaseq angajullernut ukunani atuartitsissutini: qallunaatut, tuluttut kiisalu inuttut inerikkiartorneq.

 

Minngortuunnguup Atuarfiani immikkut pingaartinneqartut:

• Atuarfik immikkoortunngorlugit aaqqitanik namminneq aquttunik immikkoortortalik

• Ukioq atuarfiusussamut eqaatsumik pilersaarusiorneq

• Atuartut ilinniarnissaminnut akisussaaqataanissaat

• Angajoqqaanik akuutitsineq

• Ilinniartitsisut eqeersimaartut perorsaanermilu ineriartortitsinermi tunniusimasut

• Anguniagassanut nutaanut piorsaaneq atuarfimmullu iliuusissatut pilersaarutit

 

Atuarfimmi pisortaq Nivi Heilmann Efraimsen oqarasuaat telefon (+299) 86 41 88 email: nihe@qeqqata.gl aqqutigalugit attavigineqarsinnaavoq

 

Aggustip aallaqqaataa aallarnerfigalugu Atuarfik Kilaaseeraq ilinniartitsisunik pissarsiorpoq.

Atuartut 350 missaanik amerlassuseqartut, 1. klassimiit 10. klassi tikillugu, klassinut 21-nut, aammalu immikkut atuartinneqartut klassinut tallimanut agguataagaapput.

Ilinniartitsisunut 50-inut amerlassusiligaavoq.

 

Ilinniartitsisut marluk Trin 1-mut:  Klasselærer funktion-eqarsinnaasoq, Kalaallisut, Engelsk-imi, Dansk-isut, Matematik, Inuiaqatigiilerineq, Upperisalerineq isumalioqqissaarnerlu, assassorneq Timersornerlu

 

Ilinniartitsisut pingasut Trin 2-mut: Klasselærer funktion-eqarsinnaasoq, Danskisut, Kalaallisut, Tuluttut, Matematik, Rel./fil.  Inuiaqatigiilerineq & Assassorissani

 

Ilinniartitsisut pingasut Trin 3-mut: : Klasselærer funktion-eqarsinnaasoq Tuluttut, Kalaallisut, Danskisut, Matematik, Inuiaqatigiilerineq & Rel./ Fil. Assassornerissani

 

Ilinniartitsisut marluk Spc. Klassini: Klasselærer funktion-eqarsinnaasoq, Fagini tamani atuartitsisinnaasoq, immikkut annertusisamik atuartitsinermik ilinniarsimasoq.

 

Atuarfik Kilaaseeqqami ilinniartitsisut allanngorartumik atuartitsisinnaanermik piginnaasaqalernissaat suliniuteqarfigaat, pikkorissaanikkullu ilinniartitsisut sakkussanik pissarsiaqartinneqarlutik.

Ilinniartitsisut Ileqqut pitsaasut arfineq marlunnut workshop-ertinneqassapput, atuartitsinermi ileqqut pitsaasut aqqusaarneqassallutik.

 

Maniitsumi tullinnguuttutigut periarfissaqarluarpoq:

- Meeqqerivimmiisitsinermi fritidshjemmimiisitsinermilu akit appasittut.

- Sunngiffimmi sammisassat, naluttarfissaq kulturikkullu illorsuassaq ilanngullugit

- Sunngiffimmi timersorneq, ilaatigut majuartaat sisorarfissallu pitsaasut

- Pinngortitami angalaarneq umiatsiamillu angalaarfissaqqissut

 

Atuarfimmi pisortaq Elna Heilmann oqarasuaat telefon (+299) 813122 imaluunniit email: kilaas@kilaas.gl aqqutigalugit attavigineqarsinnaavoq

 

Aggustip aallaqqaataa aallarnerfigalugu Qinnguata Atuarfia ilinniartitsisunik sisamanik pissarsiorpoq

Kangerlussuarmi Qinnguata Atuarfia nunaqarfiup atuarfiani atuartut 75-it missaaniipput. Klassinut arfinilinnut, immikkullu atuartitsinermut ataatsimut agguataagaallutik, atuarfinni 1. -10. klassit atuartuupput. Ilinniartitsisut tamarmik ilinniarsimasuusut quliupput, perorsaasutullu ilinniarsimasoq ataasiulluni.

Nikeriarfinnut tamanut ilinniartitsisussarsiorpugut. Atorfinni marluusuni pingaartumik kalaallisut ilinniartitsisoqartassaaq, atorfinnilu marluusuni allani danskisut tuluttullu ilinniartitsisoqartassalluni. Immikkut atuartitsinermi aamma ilinniartitsisoqaratarsinnaavoq.

Inuusuttuaqqat meeqqat atuarfianit naammassigunik ilinniaqqinnissaminnut, suliffeqalernissaminnullu sakkussaqarluarnissaat angujumallugu, atuagarsornikkut nammineersinnaassuseqarnikkullu ineriartortinneqarnissaat atuarfiup immikkut anguniagaraa. Pingaartitat allat tassaapput:

  • 22. Ullut tamaasa minutsini 22-ni timimik aalatitsisarneq

  • 8. - 10. klassini atuartunut tamanut immikkut ilitsersuisarneq

  • Atuartunut arlaatigut unammillernartitaqartunut aaqqiissutissarsiorluni oqaloqatiginnittarnerit

Qiimasumik, qiimmisaarnartunik nuannarisalimmik, meeqqanillu/atuartunillu atuagarsornikkut inuttullu sullissilluarsinnaasumik pisariaqartitsivugut. Ilinniartitsisoq atuartitsinermi suleqatigiinni suleqataasinnaasoq, atuartunillu pitsaasumik soqutiginartumillu atuartitsinissaminut ilisimasaminik atuisinnaasoq.

Atuarfiup kissaataanut naapertuukkuit, atuartitsinikkullu atuarfiup pisariaqartitaanik atuartitsisaruit, taava atorfik qinnutigiuk, Kalaallit Nunaanni nunaqarfinnit nuannernerpaasumi, kusanarluinnartumik pinngortitaqarlunilu uumasoqarfiusumi, arsarnerillu kusanarluinnartut takussaaffiini puigunaatsumik misigisassarsillutit.

Atuarfimmi pisortaq Jens Borch Scharnberg oqarasuaat: (+299) 84 10 27 imaluunniit email: Kangerlussuaq@atuarfiit.gl aqqutigalugit attavigineqarsinnaavoq

2018-imi aggustip aallaqqaataa aallarnerfigalugu Atammiup Atuarfik atuarfimmik aqutsisussamik pissarsiorpoq

Nuup Maniitsullu akornanni Atammik inissisimavoq, imaatigut angallannikkut anguneqarsinnaasoq. Atammik 200-t angullugit inuttutigaaq, taakkunanngalu 25-t missaaniittut atuartuullutik. Klassinut sisamanut, immikkullu atuartitsinermut ataatsimut agguataagaallutik, atuarfinni 1. - 8. klassit atuartuupput. Atuartut 9. - 10. klassimi atuartussanngortillutik, Maniitsumi Qeqqata Kommunip atuartunut angerlarsimaffianut nuuttarput, Atuarfik Kilaaseeqqamilu atuartarlutik. Ilinniartitsisunut kollegia tallimanik ilinniartitsisoqarpoq.

Atuartitsissutini fagini tamani nikeriarfinnilu tamani atuartitsisinnaasumittaaq, atuarfimmi aqutsisumik pissarsiortoqarpoq. Nunaqarfimmi atuarfimmi ilinniartitsisut kiisalu Maniitsumi Atuarfik Kilaaseeqqami ilinniartitsisut peqatigalugit, ukiup ingerlanerani faginut tunngasunik pikkorissaanerit peqataavigineqartassapput.

Nunaqarfimmi atuarfimmi pissanganartumik ineriartortumi, kajumissaarisumik, naleqqatigiittumik kiisalu ersarissumik perorsaanermik aqutsinermik upperisaqartumik pisariaqartitsivugut. Ilinniartitsisunik, angerlarsimaffinnik, sunngiffimmi immikkoortortamik, ingerlatsivimmik, pingaarnertullu meeqqanik suleqateqarluarnissamik pingaartitsisumik aqutsisumik pissarsiorpugut.

Ilinniartitaanermut pisortaq Anna Heilmann, oqarasuaat (+299) 81 78 68 imaluunniit email: annh@qeqqata.gl aqqutigalugit attavigineqarsinnaavoq

Akissarsiat atorfeqarnermilu atugassarititaasut 

Aningaasarsiat atorfininnermilu atugassarititaasut

Aningaasarsiat suliffeqartitaanerlu, soorlu angalanermi nuunnermilu aningaasartuutit malittarisassat aamma isumaqatigiissutit Naalakkersuisut ilinniartitsisullu kattuffiata IMAK-ip akornanni isumaqatigiissutit atuuttut naapertorlugit pissaaq.

Atorfinitsitaaneq aningaasarsianut isumaqatigiissutinut atugassarititaasut annerusumik naapertorlugit pissaaq. Qinnuteqartut Kalaallit Nunaanni tjenestemanditut atorfeqareersut, ilinniartitsisutut

tjenestemanditut atorfininnissaminnut periarfissaqarput. Tjenestemanditut atorfininneq pissaaq Namminersorlutik Oqartussat Kommuninilu tjenestemandit pillugit Inatsisartut inatsisaat nr. 21 18. december 2003-meersoq tunngavigalugu.

 

Meeqqanik pinerliisimannginnermut uppernarsaat

Atorfiit meeqqanik pinerliisimannginnermut uppernarsaammik piumasaqaateqartussaatitaaneq pillugu, inatsit naapertorlugu uppernarsaammik piumasaqaateqarfiupput. Inatsit naapertorlugu

kommuni meeqqanik pinerliisimannginnermut uppernarsaammik aatsaat pissarsereerpat atorfinitsitsineq aallartinneqarsinnaavoq. Taamaattumik maluginiaqqussavarput kommuni Rigspolitiinit meeqqanik pinerliisimannginnermut uppernarsaammik aatsaat pissarsereerpat piffissaq atorfiniffiusussaq isumaqatigiissutigineqarsinnaammat.

 

Meeqqanik pinerliisimannginnermut pineqaatissinneqarsimannginnermullu uppernarsaat Qeqqata Kommunianiit pissarsiarineqartussaq tunngavigalugu atorfinitsitsisoqassaaq.

 

Inissaqartitsisoqarsinnaavoq, malittarisassat atuuttut malillugit ineqarnermut qaammammut akiliisoqartassalluni il. il.

 

 Atorfinitsitsineq pissaaq 1. august 2018 imaluunniit isumaqatigiinnikkut.

 

 

Qinnuteqarfissamut immersugassaq aaneqarsinnaavoq uunga alakkarnikkut http://www.qeqqata.gl.

 

Qinnuteqaat soraarummeersimanermut uppernarsaatit assilinerinik, imminut ilisaritinnermik, CV, oqaaseqaatinik attuumassuteqarsinnaasunillu ilalerlugu tigoreersimassavarput ulloq 27. marts 2018.

Qinnuteqaat uunga nassiunneqassaaq: 

Qeqqata Kommunia

Sulisoqarnermut Immikkoortortaq

Postboks 1014

3911 Sisimiut

E-mail: job@qeqqata.gl

Web: www.qeqqata.gl/atorfik