Itillimi Meeraateqarfik Nuunu-mi aqutsisumik

Nuunu meeraateqarfiuvoq meeqqanut ukioqanngitsuniit arfinillit tikillugit ukiulinnut arfineq-pingasunut inissaqartitsisoq. Sulisut amerlassusiligaanerat aqutsisoq ilanngullugu pingasuupput.
Nuunu-mi sulisut allat peqatigalugit, meeqqanut ineriartortitsinermik sammisaqartitsinermillu ingerlataqarusuttuuguit, taava atorfik taanna ilinnut piukkunnaateqarpoq.
Qinnuteqarfissaq kingulleq:
11. maj 2018
Sumiiffik/Pisortaqarfik:
Itilleq
Sivisussuseq:
Tamakkiisoq
Atorfininnermi ulloq:
1. juli 2018 imaluunniit isumaqatigiinnikkut
Akissarsiat:
Isumaqatigiissutit malillugit

Suliassat akisussaaffiillu 

Suliassat akisussaaffiillu:

  • Meeqqerivitsialaap atuutilersinneranut peqataassaatit
  • Pitsaasumik angajoqqaanik suleqateqarnissamik qulakkeerinneqataassaatit
  • Nuunu-mi ulluinnarni ingerlatsisuussaatit, assersuutigalugu tamat isiginninneq, suliffissanut malittarisassanik ilisimasaqarneq, aningaasaqarnikkut akisussaaneq aaqqiagiinnginnernilu aaqqiissuteqartutut.
  • Atuisunik meeqqeriveqarnermilu allaffik suleqatigissavatit.
  • Itillimi suliamik allanik suliaqartunik akimortumik suleqateqassaatit.
  • Meeqqanut suli atualinngitsunut perorsaanikkut inerikkiartuutaasunik ulluunerani neqeroorutit pillugit Inatsisartut inatsisissaat nr. 16, 3 december 2012-imeersoq naapertorlugu sulineq ingerlanneqarpoq.
  • Qeqqata Kommuniata nittartagaani nassuiarneqarnikuusut, Qeqqata Kommuniata politikkikkut takorluugai, Meeqqanut Inuusuttunullu politikki, perorsaanikkut anguniakkat malillugit sulissaatit, 

 

Piginnaasassat:

Perorsaasutut ilinniarsimasuusutit

Meeqqeriveqarnermi tunngasunut misilittagaqartuusutit

Suliat akimorlugit sulisinnaasuusutit

 

Naatsorsuutigaarput illit:

Inatsisinik ilisimaarinnissasutit

Suliniutinut nutaanut ammasuusutit, suleqatikkuminartuusutit, kiinneraartuusutit akuersaartuusutillu

Aalajaatsuussasutit, akisussaassuseqarlutillu

Aningaasaqarnikkut aqutsillaqqissuusutit

Akissarsiat atorfinitsitaanermilu atugassarititaasut 

Akissarsiat atorfeqartitaanermilu atugassarititaasut, taakkununnga akiliunneqarluni angalanermut pequtillu assartorneqarnissaanut pisinnaatitaaffiit ilanngullugit, Namminersorlutik Oqartussat aamma NPK akornanni isumaqatigiissutit atuuttut naapertorlugit pissapput.

Inissaqartitsisoqarsinnaavoq, malittarisassat atuuttut malillugit akilersorneqartussamik.

Meeqqanik pinerliisimannginnermut uppernarsaat

Atorfiit meeqqanik pinerliisimannginnermut uppernarsaammik piumasaqaateqartussaatitaaneq pillugu, inatsit naapertorlugu uppernarsaammik piumasaqaateqarfiupput. Inatsit naapertorlugu

kommuni meeqqanik pinerliisimannginnermut uppernarsaammik aatsaat pissarsereerpat atorfinitsitsineq aallartinneqarsinnaavoq. Taamaattumik maluginiaqqussavarput kommuni Rigspolitiinit meeqqanik pinerliisimannginnermut uppernarsaammik aatsaat pissarsereerpat piffissaq atorfiniffiusussaq isumaqatigiissutigineqarsinnaammat.

 

Meeqqanik pinerliisimannginnermut pineqaatissinneqarsimannginnermullu uppernarsaat Qeqqata Kommunianiit pissarsiarineqartussaq tunngavigalugu atorfinitsitsisoqassaaq.

 

Atorfininneq pissaaq 1. juli 2018 imaluunniit isumaqatigiinnikkut.

 

 

Atorfik pillugu paasissutissat sukumiinerusut Meeqqeriveqarnermut allaffimmi pisortamut Pia Lennet (+299) 86 74 02, email: pile@qeqqata.gl saaffiginninnikkut pissarsiarineqarsinnaapput.

 

Qinnuteqaat soraarummeersimanernut uppernarsaatit assilinerinik, imminut ilisaritinnermik, CV, oqaaseqaatinik attuumassuteqarsinnaasunillu ilalerlugu tigoreersimassavarput ulloq 11. maj 2018-mi

Qinnuteqaat uunga nassiunneqassaaq: 

Qeqqata Kommunia

Sulisoqarnermut Immikkoortortaq

Postboks 1014

3911 Sisimiut

E-mail: job@qeqqata.gl

Web: www.qeqqata.gl/atorfik

Attavissaq:

Pia Lennert

(+299) 86 74 02

pile@qeqqata.gl