Overassistentimik Sisimiuni Sulisoqarnermut immikkoortortamut

Qeqqata Kommuniani Sisimiuni Sulisoqarnermut immikkoortortami overassistentitut atorfik inuttassarsiuunneqarpoq.
Qinnuteqarfissaq kingulleq:
2. maj 2018
Sumiiffik/Pisortaqarfik:
Sisimiut
Sivisussuseq:
Tamakkiisumik
Atorfininnermi ulloq:
1. juni 2018
Akissarsiat:
Isumaqatigiissut malillugu

Suliassat akisussaaffiillu: 

  Sulisussarsiornerit, matumani ilanngullugit

• Atorfiit inuttassarsiuunneqartut allagarsiunneqartarnissaat.

• Qinnuteqartunik allakkatigut attaveqartarnerit

• Atorfinitsitsinernut atatillugu allakkiornerit

• Atorfinitsitsinernik atorfinnillu tunuarniutinik ataqatigiissaarinerit, soorlu nutserisunut attaveqartarnerit, angalanissat, utaqqiisaasumi inigisassat initaarnissallu

• Allaffissornikkut suliassanut atatillugu akissarsialerivimmut ikiuuttarnissaq

 

Allaffissorneq, matumani ilanngullugit

• Allaffissornermi suliassanik namminersorluni suliaqarneq, allakkatigullu attaveqartarnerit

• Sisimiut aamma Maniitsoq illoqarfiani nunaqarfiinilu atorfilinnut tamanut immikkut paasissutissanik pilersitsineq malinnaasitsinerlu

• Immikkoortortaqarfimmi ulluinnarni allaffissornikkut suliassanik suliaqarneq

• Atorfinnut atatillugu suliassanik suliaqarneq

• Akiligassanik konteriineq

• Sulisoqarnermut politikkimut, inatsisinut isumaqatigiissutinullu atuuttunut tunngatillugu apeqqutinik akissuteqartarneq

• Tassanngaannartumik suliassanik suliaqarneq Sulisoqarnermut siunnersorti qanimut suleqatigalugu

Piginnaasassat:

• Atorfimmut naleqquttumik ilinniagaqarsimassasutit

• Sulisunut tunngatillugu suliaqarnermik misilittagaqassasutit

• Aaqqissuussaasumik sulisinnaassuseqassasutit

• Kiffartuussilluarsinnaassasutit

• Peqqissaartumik sulisinnaassuseqarlutillu suleqatikkuminartuussasutit

• Marluinnik oqaaseqartuusutit (kalaallisut qallunaatullu)

Akissarsiatigut atorfinitsitaanermilu atugassarititaasut: 

Akissarsiat atorfinitsitaanermilu atugassarititaasut Naalakkersuisut aamma SIK akornanni isumaqatigiissutit atuuttut naapertorlugit aaqqinneqassapput.

Inissaqartitsisoqanngilaq.

Atorfininneq pissaaq 1. juni 2018-imi imaluunniit isumaqatigiinnikkut.

Pinerliisimannginnermut uppernarsaat:

Atorfik taanna pinerliisimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaammik piumasaqaateqarfiuvoq. Inatsit naapertorlugu kommune pinerliisimannginnermut uppernarsaammik aatsaat pippat atorfinitsitsineq aallartinneqarsinnaavoq. Taamaattumik malugeqqussavarput kommune Politiinit pinerliisimannginnermut uppernarsaat aatsaat tiguppagu atorfiniffiusussaq isumaqatigiissutigineqarsinnaammat.

Atorfimmut paasissutissat annertunerusut Sulisoqarnermut pisortamut Inger Eriksen-imut, oqarasuaat (+299) 86 73 27, e-mail: iner@qeqqata.gl imaluunniit sulisoqarnermut siunnersorti Inga Olsen, oqarasuaat: (+299) 86 73 28, e-mail: inol@qeqqata.gl saaffiginninnikkut pissarsiarineqarsinnaapput.

Qinnuteqaat soraarummeersimanernut uppernarsaatit assilinerinik, imminut ilisaritinnermik, CV, oqaaseqaatinik attuumassuteqarsinnaasunillu ilalerlugu tigoreersimassavarput ulloq 2. maj 2018

Qinnuteqaat uunga nassiunneqassaaq: 

Qeqqata Kommunia
HR Afdeling  
Postboks 1014

3911 Sisimiut
E-mail: job@qeqqata.gl  
Web: www.qeqqata.gl

Attavissaq:

Inger Eriksen

(+299) 86 73 27

iner@qeqqata.gl