Ornittagaq Naasoq tullersortimik immikkoortortamilu aqutsisumik pissarsorpoq

Ornittagaq Naasoq-mi pisortap tulliatut aappaalu immikkoortortami aqutsisutut, Sisimiuni meeqqat atuartussaatitaasunut Qeqqata Kommuniata paaqqinnittarfiutaani atorfiit marluk inuttassarsiuunneqarput
Qinnuteqarfissaq kingulleq:
1. august 2018
Sumiiffik/Pisortaqarfik:
Sisimiut
Sivisussuseq:
Tamakkiisoq
Atorfininnermi ulloq:
1. september 2018
Akissarsiat:
Isumaqatigiissutit malillugit

Ornittagaq Naasoq tullersortimik immikkoortortamilu aqutsisumik pissarsorpoq 

Ornittagaq Naasoq meeqqanut 2. aamma 3. klassimi atuartunut ulluunerani paaqqinnittarfiuvoq, 1. klassimi 4. klassimilu atuartunut immikkut akuersissuteqarfiusinnaasoq. Oktobarip aallaqqaataanit marsip 31-ata tungaanut, 5. aamma 6. klassimmi atuartunut unnukkut neqerooruteqarfiusoq.

Ornittagaq Naasoq ulluunerani meeqqanut 72-inut, unnukkullu 50-inut inissaqartitsivoq.

Aqutsisoq ilanngullugu sulisunut qulingiluat amerlassusiligaavoq. Illu sannaveqarluni, aalanissamut periarfissaqarluartumik inersuaqarluni aggilugaavoq.

 

Suliassat akisussaaffiillu:

Meeqqanut atuartussaatitaasunut inerikkiartuutaasumik perorsaanikkut neqeroorutinik suliaqassaatit.

Pitsaasumik angajoqqaanik suleqateqarnissamik qulakkeerinneqataassaatit

Ulluinnarni Ornittagaq Naasoq-mik ingerlatsisuussaatit, assersuutigalugu sulinissami piffissaliussanut malittarisassat, aningaasaqarnikkut akisussaaneq aaqqiagiinnginnernilu aaqqiisuteqarneq.

Meeqqanut inuusuttunullu sunngiffimmi neqerooruteqartunut allanut atuarfinnillu suleqateqassaatit.

Qeqqata Kommuniata nittartagaani nassuiarneqarnikuusut, Qeqqata Kommuniata politikkikkut takorluugai, Meeqqanut Inuusuttunullu politikki, perorsaanikkut anguniakkat malillugit sulissaatit.

 

Piginnaasassat:

Perorsaasutut ilinniarsimasuusutit

Akuersaartumik angajoqqaanik sulisunillu suleqateqarsinnaasuusutit

Suliat akimorlugit sulisinnaasuusutit

Suleqatikkuminartuusutit, sungiussiasuusutit takunnillaqqissuusutillu

Tunngaviusumik aqutsisutut ilinniagaqartuusutit, piumasaqaataanngilarli.

 

Naatsorsuutigaarput illit:

Inatsisinik ilisimaarinnissasutit

Suliniutinut nutaanut ammasuusutit, suleqatikkuminartuusutit, kiinneraartuusutit akuersaartuusutillu

Aalajaatsuussasutit, akisussaassuseqarlutillu

Aningaasaqarnikkut aqutsillaqqissuusutit

Akissarsiat, atorfinitsitaanermilu atugassarititaasut 

Akissarsiat atorfeqartitaanermilu atugassarititaasut, taakkununnga akiliunneqarluni angalanermut pequtillu assartorneqarnissaanut pisinnaatitaaffiit ilanngullugit, Namminersorlutik Oqartussat, kommunit NPK-llu akornanni isumaqatigiissutit atuuttut naapertorlugit pissapput.

 

Meeqqanik pinerliisimannginnermut uppernarsaat

Atorfiit meeqqanik pinerliisimannginnermut uppernarsaammik piumasaqaateqartussaatitaaneq pillugu, inatsit naapertorlugu uppernarsaammik piumasaqaateqarfiupput. Inatsit naapertorlugu

kommuni meeqqanik pinerliisimannginnermut uppernarsaammik aatsaat pissarsereerpat atorfinitsitsineq aallartinneqarsinnaavoq. Taamaattumik maluginiaqqussavarput kommuni Rigspolitiinit meeqqanik pinerliisimannginnermut uppernarsaammik aatsaat pissarsereerpat piffissaq atorfiniffiusussaq isumaqatigiissutigineqarsinnaammat.

 

Meeqqanik pinerliisimannginnermut pineqaatissinneqarsimannginnermullu uppernarsaat Qeqqata Kommunianiit pissarsiarineqartussaq tunngavigalugu atorfinitsitsisoqassaaq.

 

Inissaqartitsisoqarsinnaavoq, malittarisassallu atuuttut naapertorlugit akiliuteqartoqartassalluni.

 

September aallaqqaataani isumaqatigiissuteqarnikkulluunniit atorfinittoqassaaq.

 

Atorfik pillugu paasissutissat annertunerusut, Ornittagaq Naasoq pisortaq Paneeraq Petersen-imut, oqarasuaat (+299) 86 51 60 -imut imaluunniit e-mail: naasoqsisimiut@qeqqata.gl-imut saaffiginninnikkut pissarsiarineqarsinnaapput.

Qinnuteqaat ilinniarsimanermut uppernarsaatit assilinerinik, imminut ilisaritinnermik, oqaaseqaatinik, attaveqarfissanillu ilalik kingusinnerpaamik ulloq 01. august 2018 tigoreersimassavarput.

Qinnuteqaat uunnga nassiunneqassaaq: 

Qeqqata Kommunia

Sulisoqarnermut Immikkoortortaq

Postboks 1014

3911 Sisimiut

E-mail: job@qeqqata.gl

Web: www.qeqqata.gl/atorfik

Attavissaq

Pia Lennert

+299 86 74 02

pile@qeqqata.gl