Sisimiuni Meeqqanut Ilaqutariinnullu Immikkoortortaqarfimmi Isumaginninnermi siunnersorti / sullissisoq

Qeqqata Kommuniani Ilaqutariinnut immikkoortortaq (Sisimiut) Isumaginninnermi siunnersortimik/sullissisumik ataatsimik pissarsiorpoq.
Ilaqutariinnut Immikkoortortami sulisut 25-upput, taakkulu Immikkoortortaqarfimmi aqutsisoq, Ikiorsiinermut Immikkoortortaqarfik, Allatseqarfik, Utoqqarnut Immikkoortortaqarfik, Innarluutilinnullu Immikkoortortaqarfik ilanngullugit, Meeqqanut Ikiorsiinermullu Immikkoortortaqarfimmi atorfinni akuerisaasuni qulingiluaasuni, sulisut agguataaqqallutik.
Qinnuteqarfissaq kingulleq:
21. november 2018
Sumiiffik/Pisortaqarfik:
Sisimiut
Sivisussuseq:
Tamakkiisumik
Atorfininnermi ulloq:
2019-imi januaarip aallaqqaataani isumaqatigiissuteqarnikkulluunniit
Akissarsiat:
Isumaqatigiissut malillugu

Naatsorsuutigaarput: 

Immikkoortortaqarfiit, pingaartumilli meeqqat inuusuttullu immikkut sammineqarlutik, Ilaqutariinnut immikkoortortami sulisut suliatigut inuttullu ineriartorput. Qeqqata Kommunia suleqatigiissitanik arfinilinnik pilersitsinikuuvoq, taakkulu tamarmik meeqqanut inuusuttunullu immikkoortortaqarfimmut ukkatarinnittuullutik. Suleqataasut tamarmik suleqatigiinni peqataapput, tassanilu suliffiup avataaneersut iluaneersullu qanimut suleqatigineqarlutik. Taakkua saniatigut pilersaarummik suliaqartoqarpoq ”Qeqqata-model”-mik taaguutilik, taannali ilaqutariinnut immikkoortortami sullissinermi model-iussaaq.

Meeqqanut ilaqutariinnullu suliat, siunnersuinerit ilitsersuinerillu kiisalu inatsit atuuttoq naapertorlugu ikiorsiiniutinik aallartitsisarneq, iliuusissatut pilersaarusiornerit inuttullu atukkanik misissuinerit, innersuussisarnerit, akimortumik suleqatigiit ataatsimiisinneqartarnissaat, illup iluani avataanilu suleqatigisanik ataatsimiittarnerit, Immikkoortortami suliatigut paarlaasseqatigiinneq kiisalu suliat takkussuuttut isumaginninnermi siunnersortip pingaarnertut suliarisassavai.

 

Naatsorsuutigaarput;

  • Isumaginninnermi tunngasuni inatsisinik ilisimasaqartuusutit.

  • Kommunimi suliassanik suliaqarnermik il.il misilittagaqassasutit.

  • Tunniussimasuullutillu tutsuiginartuusutit

  • Akuersaartumik isiginnittariaaseqartuusutit

  • Akimortumik suleqatigisanik kiisalu sulianik sullissisut ataatsimiittarnerinik misilittagaqartuusutit

 

Ilinniakkatigut piginnaasat:

  • Isumaginninnermi siunnersortitut arlaatigulluunniit isumaginninnermut attuumassuteqartumik ilinniarsimasuusutit

  • Marluinnik oqaaseqartuusutit.

  • Oqaatsitigut allattariarsornikkullu piginnaasaqarluartuusutit

 

Inuttut pisinnaasat:

• Sullissinermik sungiusimasaqartutit

• Ilakkuminartuusutit

• Suliassanut ilisimaarinnittuusutit, pimoorussisuullutillu

• Suleqatikkuminartuusutit

• Tamat isiginnissinnaalluartuusutit aamma pisuni ulapaarfiusuni.

Akissarsiat atorfinitsitaanermilu atugassarititaasut: 

Akissarsiat atorfinitsitaanermilu atugassarititaasut isumaqatigiissutit sukkulluunniit atuuttut malillugit aaqqinneqassapput.

 

Inissaqartitsisoqarsinnaavoq, tassanilu malittarisassat atuuttut malillugit ineqarnermut qaammammut akiliisoqartassalluni.

 

Piaartumik, isumaqatigiissuteqarnikkulluunniit atorfinitsitsisoqassaaq.

 

Pinerlussimannginnermut uppernarsaat:

Pinerluuteqarsimannginnermut uppernarsaammik pissarsisussaatitaanermut inatsit naapertorlugu atorfimmut uunga pinerluuteqarsimannginnermut allagartamik pissarsiniartoqartussaavoq.  Inatsit naapertorlugu pinerluuteqarsimannginnermut uppernarsaat kommunimit tiguneqareerpat aatsaat atorfinittoqarsinnaavoq.   Taamaattumik erseqqissaatigineqassaaq, kommunip pineqaatissinneqarsimannginnermut allagartaq politiinit tiguneqareernerata kingorna ulloq atorfiniffissaq aatsaat isumaqatigiissutaasinnaammat,

Atorfik pillugu paasissutissat annertunerusut pisortap tullianut Estella Buhrkall oqarasuaat: (+299) 86 74 31 mail; esbu@qeqqata.gl imaluunniit Immikkoortortaqarfimmi aqutsisoq Bibi Alaufesen oqarasuaat (+299) 86 73 19 mail; bial@qeqqata.gl atorlugit pissarsiarineqarsinnaapput

 

Qinnuteqaat ilinniarsimanermut uppernarsaatinik, imminut ilisaritinnermik, oqaaseqaatinik attaveqarfissanillu ilalik kingusinnerpaamik tigoreersimassavarput ulloq 21. november 2018.

Qinnuteqaat uunga nassiunneqassaaq: 

Qeqqata Kommunia
HR Afdeling
Postboks 1014
E-mail: job@qeqqata.gl
Web: www.qeqqata.gl

Attavissaq:

Estella Buhrkall

+299 86 74 31

esbu@qeqqata.gl