Inigisat

Ilaqutariinnut sinaakkutissanik toqqissisimanartunik pilersitsinissamut inissiaq tunngavissaavoq pingaarutilik.
Taamaattumik inissianik imminut pilersornissamut periarfissat assigiinngitsut ilisimanissaat pingaaruteqarpoq. Paasissutissiissutitut naqitaq manna atorlugu aaqqissuussinerit assigiin-
ngitsut naatsumik ilisaritissavagut.
27. februar 2017

Inissiamik nammineq pigisaqarnissat takorloorukku, tamanna assersuutigalugu imatut angusinnaavat:

  • inissiaq maanna najukkat pisiaralugu
  • piginneqatigiilluni inissiamik pisillutit
  • inissiamik nammineerlutit pigisassannik pisillutit
  • illumik pisillutit

 Paasissutissiissutitut naqitami matumani ilaatigut suut piumasaqaatigineqarnersut pillugit paasissutissat nassaarisinnaavatit, taakkununngalu aningaasalersuinissamut periarfissat ilaapput.

Aamma inissiamik attartukkamik piginneqatigiilluni inissiaatillit peqatigiiffiannut imaluunniit piginnittut peqatigiiffiannut allannguisinnaanermut, imaluunniit qanoq ilillutit piginneqatigiilluni inissiaatillit peqatigiiffiannik pilersitseqataasinnaanerit pillugu paasissutissat nassaarisinnaavatit.

Tamatuma saniatigut innuttaasut ilarpaalui illuni inissialiornermi tapiissuteqartarnermut aaqqissuussinerup (BSU) ataani illuliani najugaqareerput, kisiannili inissiaatiminnik iluarsaassinissamut nutarterinissamullu akissaqaratik. Taakkununnga ilaaguit BSU-mut aaqqissuussineq aqqutigalugu iluarsaassinissamut aningaasanik qanoq iliorlutit qinnuteqarsinnaanerlutit annertunerusumik atuagaqarsinnaavutit.

2016-imi nutaatut soraarnerussutisiallit siusinaarlutillu soraarnerussutisiallit ukiuni marlunni kingullerni ukiumut 180.000 koruunit ataallugit isertitaqarsimasut illuminni iluarsaassinissamut, alliliinissamut pitsanngorsaanissamullu taarsigassarsiaqarsinnaapput.

Inissiaq pitsaasoq peqqinnartorlu ilaqutariinnut tunngaviliivoq toqqissisimanartoq. Aaqqissuussinerit atorneqarsinnaasut assigiinngitsut pillugit annertunerusumik atuagaqarsinnaavutit, immaqalu ilinnut ilaquttannullu eqqortumik nassaarniarnissamut isumassarsiorsinnaallutit.

Atuaqqigit