Nipilersornermut ilinniarfik aallarteqqilerpoq

Maniitsumi nipilersornermik nuannarisallit qilanaarsinnaanngorput
8. september 2017

Nutaamik aallartileruttorpugut.
Atuarfimmi atuartut peqataanissamut immersugassanik pinikuupput, atuartullu peqataasareersut attavigineqareerput. Peqataaniartut amerlassasut naatsorsuutigaarput, ajoraluartumilli utaqqisoqaaluttarluta, taamaammat sivisuumik utaqqisuniinnissaq naatsorsuutigineqartariaqarpoq.

Ilanngunnissaq eqqarsaatigigaanni ilinniartitsinernut takkuttarnissaq, imaluunniit takkussinnaanngikkaanni nalunaarnissaq eqqaamassallugu pingaaruteqarpoq. Kisimiilluni ilinniartitsiviuvoq, taamaammat takkutinngitsooraanni ilinniartitsisoq qinngarnartumik unillatsiarfeqassaaq. Aammattaaq ilisimaneqassaaq angerlarsimafimmi ullut tamaasa sungiusartoqartassammat. Nipaatsumiusariaqarpoq isumaqatigiissutigineqassallunilu tamanna qanoq pissanersoq. Aatsaat sungiusartaraanni nipilersorneq ilikkarneqarsinnaavoq. Aallartinnissaq qilanaareqaarput, Maniitsumi illoqarfinnilu allani sammisaqartitsinissat pilersaarusiorneqalereerput.

Siullertut guitarernermik ilinniartitsisoq Mikkel Andersen 15-25 september maaniissaaq, guitarertartussallu ilinniartissallugit.
Mikkel skypekkut ilinniartitsisartut marluusut aapparaa. Aappaa tassaavoq Oriol Pares, saxofonernermik ilinniartitsisartoq.
Nipilersornermut ilinniarfik tapersersuisumik peqatigiiffeqarpoq, taanna aningaasaliisartunik allanillu ujarlernermut ikiuuttarluni, nutaatullu elevrådimik aallartitsissaagut. Imaassinnaavormi meeqqat isumassarsianik pitsaasunik peqartut.
Ukiup ingerlanerani tusarnaartitsinerit angisuut mikisullu ingerlatissavagut. Meeqqat suut nipilersussallugit ilikkarsimaneraat aggerlutit tusarnaariakkit!

Ida Mortensen, Nipilersornermut ilinniarfimmi pisortaq