Sisimiuni kommunip talittarfiutaani kilisaatit usingiartarnerinik Qeqqata Kommunia pitsanngorsaavoq

Kilisaatit Sisimiuni usingiartarnerat pisariinnerulerpoq. Qeqqata Kommuniani Aningaasaqarnermut ataatsimiititaliaq februaarip 13-iani ataatsimiinnermini Sisimiuni talittarfimmi containerinut innaallagissamut aqqutinik pilersitsisoqarnissaanik aalajangiivoq, talittarfik kommunimit pigineqarpoq, Qeqqata Kommunianiillu akilerneqarnikuulluni.
16. februar 2018

Sisimiuni kommunip talittarfiutaani kilisaatit usingiartarnerinik Qeqqata Kommunia pitsanngorsaavoq 

Kilisaatit Sisimiuni usingiartarnerat pisariinnerulerpoq. Qeqqata Kommuniani Aningaasaqarnermut ataatsimiititaliaq februaarip 13-iani ataatsimiinnermini Sisimiuni talittarfimmi containerinut innaallagissamut aqqutinik pilersitsisoqarnissaanik aalajangiivoq, talittarfik kommunimit pigineqarpoq, Qeqqata Kommunianiillu akilerneqarnikuulluni.

Suliffeqarfiit umiarsualivinnut sammisunik suliaqartut kiisalu kommunip iliuusissatut pilersaarusiaani aalajangiinermut tunngavigineqarpoq. Sapaatip akunnera naallugu talittarfiup atorneqarsinnaanissaa annertuumik kissaatigineqarpoq, taamaalillunilu Sisimiuni nalinginnaasumik usingiaanermut atugassarititaasunik pitsanngorsaataassalluni.

Talittarfimmi nutaami containerinut innaallagissamut aqqutinik ikkussuinikkut, kilisaatit tulassinnaasut saniatigut talittarfimmi nutaami marlunnik inissaqalissaaq, taakkulu ataatsikkut usingiarneqarsinnaalissallutik, tamannalu usingiaanissamut sulisussatut pisariaqartinneqartunut atatillugu pitsaasumik sunniivigeqatigiinnermik pilersitsissalluni. Containerinulli qerititsivinnut innaallagissamut aqqummik ikkussisoqarnissaa pisariaqarpoq, taamaalilluni usingiaanermi nioqqutissat qereqqaannassallutik. Containerinut qerititsivinnut innaallagissamut aqqutit saniatigut, innaallagissamut aqqutissaq containerit qerititsiviusut nillissusaasa nakkutiginissaanut modem-imik aamma peqarpoq.

Talittarfimmi nutaami containerinut innaallagissamut aqqutinik ikkussinermi, Imarpikkoortaatinut talittarfimmi ullumikkut usingiaanermi atorneqartartumut, taamatullu umiarsuarnut assartuutinut RAL-imit atorneqartarnera patsisaalluni inissaaleqiffiusumut sanilliullugu, usingiaanissamut atugassarititaasut pitsaanerit sukkanerusullu anguneqassallutik.

Borgmesteri Malik Berthelsen nassuiaavoq:

”Kommunip talittarfiani containerinut innaallagissamut aqqutiliinikkut, imartatsinni kilisaatinut aalisartartunut usingiaanissamut periarfissanik pitsaanerusunik qulakkeerinnissaagut. Taamaattumik nammineq talittarfiutitsinni containerinut innaallagissamut aqqutinik ikkussuinissamut aningaasanik immikkoortitsisimanerput nuannaarutigaarput. Raajat taamatullu aalisarneq annertusiartormat, kilisaatinut minnerunngitsumillu aalisarnermik inuussutissarsiortortatsinnut pitsaasunik atugassaqartitsinissaq pingaaruteqarpoq. Umiarsuilli takornariartaatsit aasaanerani talittarfimmik atuisinnaanissamik periarfissaqarnissaat suli pingaaruteqarpoq, taamaattumillu talittarfinnut attuumassuteqartunik sammisaqartitsinerit tamaasa misissorneqarnissaat pingaaruteqarsimavoq, tamarmimmi inissaqartinneqassammata.”