Emma Jensen

Emma Jensen, Qeqqata Kommuniani nuutsisarfimmi sulisoq, 2018-imi apriilip 15-iani pisortat suliffeqarfiini ukiuni 40-ni sulisimanerminik nalliuttorsiussaaq.
13. april 2018

Ukiuni 40-ni nuutsisarfimmi sulineq 

Emma Jensen, Qeqqata Kommuniani nuutsisarfimmi sulisoq, 2018-imi apriilip 15-iani pisortat suliffeqarfiini ukiuni 40-ni sulisimanerminik nalliuttorsiussaaq.

Emma Jensen siullermik Sisimiut Kommuniani kingornalu Qeqqata Kommuniani sivisuumik sulisimanerminik kingumut qiviarsinnaavoq, nuutsisarfimmilu sulinermini innuttaasut oqarasuaatikkut kommunimut saaffiginninnerminni amerlanertigut siullertut oqaloqatigisartagarivaat.

Tamannalu Emma Jensen suleqatitut ilisimaneqarluartutut pingaartinneqartutullu isigineqaatigilernikuullugu. Sulisoqranermut pisortap Inger Eriksen-ip eqqoriarpaa, Kalaallit Nunaat tamakkerlugu Emma Jensen sivisunerpaamik nuutsisarfimmi sulisuusimassasoq.

Emma Jensen 1978-imi apriilip 15-iani Sisimiut Kommunerisimasaata nuutsisarfiani sulilerpoq. 1984-imi januaarip aallaqqaataani allaffimmi ikiortitut atorfinippoq. 1986-imi apriilip aallaqqaataani assistentitut atorfinippoq, 2006-imilu januaarip aallaqqaataanit overassistentitut atorfeqalerluni.

Kommuni suliffigissallugu pitsaasuuneranut Emma Jensen uppernarsaataasoq, Inger Eriksen-imit isigineqarpoq. Ukiut taakku Emma Jensen-ip sulinermini ullut ikittuinnaat napparsimasimavoq.

Emma Jensen-ip nalliuttorsiornera apriilip 13-iani kommunip allaffiani, ilaquttat, ikinngutit suleqatillu peqatigalugit malunnartinneqarpoq. Emma Jensen ukiuni taakkunani annertuumik sulisimaneranut Qeqqata Kommuniani borgmester Malik Berthelsen qujassuteqarpoq.