Nunani Avannarlerni Siunnersuisoqatigiit Avatangiisit pillugit Nersornaasiuttagaat 2018-imut innersuussaqarit

Ukioq manna Nunani Avannarlerni Siunnersuisoqatigiit Avatangiisit pillugit Nersornaasiuttagaanni qulequtarineqarpoq, imaani uumasut illersorneqarnissaannut suliniutit. Kikkut tamarmik innersuussisinnaapput.
11. maj 2018

Nunani Avannarlerni Siunnersuisoqatigiit Avatangiisit pillugit Nersornaasiuttagaat 2018-imut innersuussaqarit 

Ukioq manna Nunani Avannarlerni Siunnersuisoqatigiit Avatangiisit pillugit Nersornaasiuttagaanni qulequtarineqarpoq, imaani uumasut illersorneqarnissaannut suliniutit. Kikkut tamarmik innersuussisinnaapput.

Avatangiisit pillugit Nersornaat nunani avannarlerni suliffeqarfimmut, kattuffimmut inummulluunniit avatangiisit sissuerlugit maligassiuilluartumik suliaqarsimanera pillugu, imaluunniit allatigut avatangiisinut sunniuteqarluartumik immikkuullarissumik suliniuteqarsimanera pillugu nersornaasiunneqartarpoq.

Suliffeqarfimmik, kattuffimmik imaluunniit inummik immikkut imaani uumasunik illersuinissamik suliaqartumik nalunngisaqarpit? Maanna nersornaammut akimasuumut innersuussinissannut periarfissaqarputit. Innersuussutigineqartup suliaqarnera Nunanut avannarlernut arlaatigut attuumassuteqassaaq, suliarlu nunani avannarlerniissaaq
aamma/imaluunniit nunani avannarlerniinngikkaluartunik suleqateqarnikkut suliaassalluni.

Innersuusserusukkuit www.norden.org-imi immersugassaq immersorsinnaavat. Innersuussut annerpaamik quppernermik ataatsimik takissuseqassaaq.
Innersuussinissamut ulloq killigitinneqartoq tassaavoq 14. maj 2018.

Nunani Avannarlerni Avatangiisit pillugit Nersornaaserneqartussatut innersuunneqartut septembarimi nalunaarutigineqassapput, nersornaasiinerlu 24-ssaanik pissaaq Oslomi 30. oktober 2018.
Paasisaqarnerorusukkuit www.norden.org takuuk imaluunniit Pinngortitamut Avatangiisinullu Naalakkersuisoqarfik Naalakkersuisup, email pan@nanoq.gl imaluunniit oqarasuaatikkut 345000.