Pilersaarusiornermik periusissaq 2018 - 2022 Anguniakkat.

Ukiuni tulliuttuni sisamani Kommunalbestyrelsip anguniagaat 2018-imit 2022 tikillugu pilersaarusiornermi periusissatigut saqqummiunneqarput.
Qeqqata Kommuniani Pilersaarusiornermi periusissat 2018 – 2022, 2018-imi septemberip 13-aniik 2018-imi november-ip aappaata tungaanut tusarniutigineqarluni, matumuuna tamanut saqqummiunneqarpoq.
13. september 2018

Kommunip pilersaarusiorfigineqarnerata siunissami suliassanut, pilersaarusiornermi periusissami anguniakkanik naammassinninnissamut tunngaviusussat, pilersaarusiornermi periusissat Kommunalbestyrelsip oqallisaarutigai.

Kommunip pilersaarusiorfigineqarnerani tapiuliussanik suliaqartarnikkut, kommunip pilersaarusiorfigineqarnera nutarterneqartassaaq.
Atuarluarnissannik kommunalbestyrelsip kissaappaatit, neriuutigalugulu isummatit kissaatitillu aamma ilanngunneqarsimassasut.

Pilersaarusiornermi periusissat uani aaneqarsinnaavoq

Oqaaseqaatissaqaruit, isumassarsiaqaruit siunnersuutissaqaruilluunniit, uunga nassiutissavatit:

Qeqqata Kommunia,
Ilisarnaat. ”Planstrategi”
Postboks 1014,
3911 Sisimiut
E-mail: qeqqata@qeqqata.gl

Tusarniaanermi kingusinnerpaamik 2018-imi novemberip 2-iani tigoreerneqareertussaallutik.

Inussiarnersumik inuulluaqqusillunga

Malik Berthelsen
Borgmesteri