Dronning-ip nersornaasiuttagaanik Bodil nersornaaserneqartoq

Bodil Brandt , Qeqqata Kommuniani ilinniartsitisutut sulisoq, ukiuni 40-ni atorfeqarsimanermini dronning-ip nersornaasiuttagaanik sølv-isumik ataasinngornermi ualikkut nersornaaserneqarpoq.
Sisimiuni kommunip allaffiani persuarsiutigineqarluni nersornaat borgmester Malik Berthelsen-imit tunniunneqarpoq.
1. oktober 2018


Ilaatigut Borgmester Malik Berthelsen imak oqaaseqarluni "Bodili, nammineq uanga ilinniartitsissorinikuunngikkaluarlutit, nalunngilara ilinniartitsisutut sulinerit pingaartittorujussuullugulu ataqqisorujussuugit, minnerunngitsumillu atuartuutigisartakkappit atuarfimminnik ataqqinnittuunissaat pimoorussinissaallu pingaartittorujussuugitit.

Bodil…i, amerlanerulluta ilittut ikkaluarutta, qularnanngiivippoq kommunitsinni ilinniagaqarsimassuseq suli qaffasinnerusumik inissisimassagaluartoq, taamaattumik kommunitsinni innuttaasunut pingaarutilimmik maligassiuisunut ilaalluinnarputit, tamannalu bormesteritut tulluusimaarutigaara, ilittut ittumik ukiuni taamak amerlatigisuni kommunerput sulisoqarmat."

Kunngeqarfik Danmarkimi nersornaatitut tunniuttagaanni, Dronningip nersornaatitut tunniuttagaat pisoqaanersaavoq. Aalajaatsumik sulisimanermut akissarsissutissanngorlugu, 1792-imi pilersinneqarpoq