Sap. ak. 41: Innarluutillit sap. akunneqartinnissaannut qinnuteqarit

Isumaginninnermut Inatsisinillu Atuutsitsinermut Naalakkersuisup ukioq manna inunnut innarluutilinnut sapaatip akunneqartitsinermi sammisassaq unaassasoq aalajangersimavaa:
"Inummut timikkut/tarnikkullu innarluutilimmut meeraaneq"
3. oktober 2018

Inunnut innarluutilinnut suliassaqarfimmi tapersersorneqarnissamut neqeroorutit suliniutillu tamanut samminissaasa tamatigoortuunissaasalu pisariaqartinneqarnerat sammisami erseqqissarneqarpoq. Taamaattumik pingaaruteqarpoq inuup innarluutillip ikorfartorneqarnissamik kisimi pisariaqartitsinnginnerata ukkatarineqarnissaa. Pineqartoq ilaqutariinnut ilaavoq, - innarluutigineqartorlu ilaqutariinni tamanut sunniuteqarpoq. Ilaqutaasut isiginiarnerulissagivut suliniutillu angusaqarfiunissaat ilaqutariinnullu tamanut tunngaveqarnissaat qulakkiissagivut Naalakkersuisut kissaatigaat. Tamanna pingaartumik meeqqanut inunnik innarluutilinnik angajoqqaaqarlutik peroriartortunut atuuppoq.

Inummut timikkut/tarnikkut innarluutilimmut meeraanermut atasumik unammilligassat taakkorpiaat ukkatarineqarnissaat Naalakkersuisut ukioq manna sammisami matumani kissaatigaat. Meeqqammi taakku arajutsineqakkajuttarput maannakkuugallartorlu meeqqanut neqeroorutigisartakkavut ikittuinnaapput.

Sammisap ukkatarineqarneratigut unammilligassat sumiiffinni paasineqarnerunissaat maluginiarneqarnerunissaallu Naalakkersuisut neriuutigaat. Meeqqap ilaqutariillu inuiaqatigiinnit avatangiiserisaminnit annertunerusumik paasineqarnissaat kiisalu ulluinnaanni pisariaqartitaminnik ikorfartorneqarnissaat pisariaqarpoq.

Inunnut innarluutilinnut sapaatip akunneqartitsinermi sammineqartumut attuumassuteqartunik suliniuteqarnissanut aaqqissuinissanullu Isumaginninnermut Aqutsisoqarfimmut taperneqarnissamik qinnuteqarsinnaaneq periarfissaavoq.

Qinnuteqaat Isumaginninnermut Aqutsisoqarfimmit kingusinnerpaamik 5. oktober 2018-imi tiguneqareersimassaaq.

Qinnuteqaat Isumaginninnermut Aqutsisoqarfimmut mailikkut iass@nanoq.gl-imut imaluunniit allakkatigut Isumaginninnermut Aqutsisoqarfimmut, Postboks 260, 3900 Nuummut "SAPAATIP AKUNNERA 41"-mik nalunaaqutserlugu nassiunneqassaaq.

Qinnuteqarnissamut immersugassat susassaqartunut nassiussorneqassapput.

Apeqqutit  inunnut innarluutilinnut sapaatip akunneqartitsinermut tunngasut  iass@nanoq.gl-imut tlf.nr. +299 34 66 78-mut ingerlatinneqassapput

Maluginiaruk: Tapiiffigineqarnissamik qinnuteqaatit ukioq manna sammisamut attuumassuteqassapput. Qinnuteqaatit tassunga attuumassuteqanngitsut itigartinneqassapput.

Qinnuteqaat uani aasinnaavat: Uge 41 qinnuteqaat