Qeqqata Kommunia > Om Kommunen > Administration

	March 09, 2010

Home

Om Kommunen

Administration

Økonomiskforvaltning

Aningaasaqarnikkut allatseqarfik

Aningaasaqarnikkut allatseqarfik kommunep iluani kiffartuussiviuvoq, tassanilu immikkoortortami pisortaq sisamanik suleqateqarluni sulisuullutik.

Immikkoortortami pingaarnertut suliassat ilaatigut makkuupput: kommunemi naatsorsuutit missingersuutillu suliarinerini aaqqissuussineq, ukiumoortumik naatsorsuutit saqqummiunnissaat, kommunemi kontut allattorsimaffiisa malinnaatinnissaat taamatullu kommunemi aningaasaqarnermut tunngasutigut suleriaatsit akisussaaffiginissaat.

Immikkoortortaqarfiup akiligassat, ullormiit ullormut akiliigasuaatissat naatsorsorneri, aningaaserivimmiittuutit akiliutillu oqimaaqatigiisinnissaat aamma nakuutigisarivai, taamatullu immikkut aningaasaliissutit nakkutigisaralugittaaq.

Immikkoortortaqarfiup illup iluani kiffartuussinerata aamma aningaasaqarnikkut aqutsinermi sakkussat atornissaasa isumaginissaat kiisalu pikkorissartitsinikkut, ataatsimiititsinikkut saaffiginnissutillu tunngavigalugit periusissat ingerlatsivinnut suliffeqarfinnullu siammarteriffiusimasunut ingerlateqqinnissaat ilangaatsiarivai.

Tamakku saniatigut aningaasaqarnermut allatseqarfiup atuinermi quppersagaq malinnaatittussaavaa, kiisalu kukkunersiuisut tikeraarsimanerminni nalunaarusiaasa akissuteqarfiginissaat taamatullu kommunemi aningaasaqarnikkut aqutsinerup periutsillu pitsanngorsarnissaat isumagisussaallugittaaq.

Saafiginnittarfik

Saafiginnittarfik tassaavoq, inuit toqqaannartumik ilitsersorneqarnissaminnik kommunimullu tunngasutigut apeqqutissaqarnerminni saaffiginnittarfiat.
Saaffiginnittarfik Maniitsumi Sisimiunilu kommunip allaffissuini inissisimapput, taakkulu assiginngitsorpassuit isumagisassaralugit, tamatumuuna innuttaasut kiffartuussinermi nalinginnaasumik pisariaqartitaasigut oqilisaanniarlugit.

Nunaqarfinni allaffeqarfiit namminneq saaffiginnittarfittaqarput, nunaqarfiit innuttaannik kiffartuussinertit ingerlataralugit.
Saaffiginnittarfik ulluinnarni kiffartuussinermi qitiuvoq, tamakkunanilu sulisut innuttaasut ikiorneqarnissaminni periarfissaasigut oqilisaassillutillu ilitsersuisarlutik aammalu immikkoortortat suliassaasigut arlaatigut oqilisaasisuullutittaaq.

Akissarsialeriffik

Kommunimi sulisunut pensionisialinnullu pingaarutilittut akissarsialerifik inissisimavoq. Qaammammusialinnut, ullunut 14-ikkaarlugit tiimimusialinnullu, taamatullu pensionisialinnut, tamakkumi siumut aalajangersariikkani ulluni aalajangersimasuni aningaasassatik tigusartussaammatigit. Taama sulineq ataqatigiissaarlugu akissarsialeriffimmi sulisut ingerlattarivaat.

Aammattaaq allaffimmi tassani ataatsimiinnersiutit kommunimilu sulisut angalanerini ajunngitsorsiassat isumagineqartarput, allaffeqarfiullu allaffeqarnerup iluani kommunimi suliffeqarfiit pisortaanik suliffeqarfinnillu kiffartuussinerit aamma ingerlataralugit, akissarsianut tunngasutigut apeqqutissaqartillugit.