Utoqqarnut immikkoortortaqarfik Ilaqutariinnut immikkoortortami ataaniittuuvoq, kommunit allaffiini inissisimaffeqartoq.
 
Innuttaasut inatsit malillugu utoqqalinermi pensionisiaqarsinnaanermik siusinaartumillu pensionisiaqarsinnaanermik pisinnaatitaaffeqartut, kiffartuunneqarnissaat ilitsersorneqarnissaallu immikkoortortap pingaarnertut suliassarai.

Pensionisiaqartut Utoqqarnut immikkoortortaqafimmi sulisuusunit siunnersorneqarlutillu ilitsersorneqarsinnaapput, inuit ataasiakkaat ulluinnarni atugaannik oqilisaataasinnaasunik atortorissaarutinik ikiorsiisarneq tassanngaaniittaaq ilaatigut isumagineqartarpoq.

Angerlarsimaffimmi ikiorteqarnermut utoqqaallu angerlarsimaffiani inissat pillugit Utoqqarnut immikkoortortaqarfik Maniitsumi Sisimiunilu utaqqarnut angerlarsimaffiinik suleqatiginnittarpoq. Utoqqalinermi pensionisiallit siusinaartumillu pensionisiallit sullinneqarnissaat angerlasimaffimmi ikiortit isumagisarpaattaaq.

Siusinaartumik pensionisiaqalernissamut qinnuteqaatit immikkoortortaqarfimmit aamma suliarineqartarput, siusinaartumillu pensionisiallit inuunermi atugaannik pitsanngorsaaqataallutik.
 
Atortorissaarutinik ulluinnarni atugassanik siusinaartumik pensionisialinnuttaaq Utoqqarnut immikkoortortaqarfik ikiuuttarpoq, soorluttaaq naammaqqutitut ikiorsiissutit, inummut tapit, pensionit assigisaallu tunniunneqarnissaat pillugit immikkoortortaqarfik isumaginninnermi suliffissaqartitsiniarnermilu ataatsimiititaliamut innersuussutit isumagisarai.

Utoqqarnut pensioninullu tunngasut annertunerusumik paasisaqarfigenerorusukkukkit una tooruk