Ilaqutariinnermut isumaginninnermut suliffissaqartitsiniarnermullu immikoortortaqarfiup Sisimiut illoqarfiani inissisimasumi ataani immikkoortuni pingasuusuni Ilaqutariinnermut ikiorsiisarnermullu immikkoortortaqafik immikkoortortaavoq. 

Innuttaasuni imaluunniit ilaqutariinni tamakkiisuunissaq aallaavigalugu pinaveersaartitsinissamik sulinissaq immikkoortortaqarfiup anguniagaraa, aamma inuit innuttaasutut ilaqutariittulluunniit nukissaqarnerat aallaavigineqartarpoq.  

Immikkoortortaqarfiup kommunip innuttai immikkoortortuni pingaartuni aralinni, ilaqutariinnermut aamma ikiorsiisarnermut apeqqutinik pisoqarfiusuni isumaginninnikkut siunnersuinermik sullittarpai.  

Ilaatigut meeqqanut inuusuttunullu pinaveersaartitsilluni suliniutinut tunngasut, meeravissiartaarnerit, angajoqqaarsianut imaluunniit ulloq unnuarlu paaqqinnittarfinnut inissiinerit, pilersuisussaanermut pisortanit ikiorsiissutinik tunniussinerit, inigisamut akiitsunut tunngasut, kiisalu Ilaqutariinnermut ataatsimiititaliami aalajangigassanik suliassanik suliaqartarneq pineqarsinnaapput.

Immikkoortortaqarfiup isumaginninnikkut nakkutilliineq siuttuuffigaa, meeqqanik imminnut nakkutigisussanngorlugit qimaannakkanik politiinik suleqateqarluni katersisarlutik ikiuisarlutillu, aammalu inersimasut katsorsartissimasut ingerlaqqinniarneranni malinnaasarlutik.  

Taakku saniatigut Ilaqutariinnut sullissivik Ilaqutariinnermut ikiorsiisarnermullu immikkoortortaqarfimmut atasunngorlugu aaqqissuussaanikkut aqutsisoqarnikkullu inissisimavoq, tamatumani Ilaqutariinnut sullissiviup sulisui, taakkununnga ilanngullugit ilaqutariinnut katsorsaasoq, isumaginninnikkut perorsaasoq, angerlarsimaffinni ikiortit aamma pinaveersaartitsinermi siunnersorti, ilaqutariinnut siunnersuisartut suleqatigalugit ilaatigut meeqqat ajunngitsumik ineriartornissaannut atatillugu kommunimi ilaqutariinnut attaveqarnermik suliniutinillu suleqatigiittarlutik.