Innarluutilinnut immikkoortortaqafik isumaginninnermi suliffissaqartitsiniarnermilu ingerlatsivimmi immikkoortortaqarfiat ataaniippoq, kommunet allaffiini inissisimaffeqartoq.

Innuttaasut inatsit naapertorlugu annertuumik innarluutilittut ikiorserneqartariaqartut inuillu inatsimut ilaanngikkaluartut, taamaattorli assingusumik ajornartorsiuteqarnertik pissutigalugu ikiorserneqartariaqartut immikkoortortaqarfimmit isumagineqartarput.

Innarluutilinnut ullut atukkat sapinngisamik pitsaasuunissaat immikkoortortaqarfiup sulissutigisarpaa, ikiorsiissutissat iliuusissatullu pilersaarutit suliarineri ingerlateqqinnerilu ilaatigut isumagalugit, inatsisillu ataani innarluutilittut nalunaarsuisoqassatillugu Isumaginninnermut Naalakkersuisoqarfik suleqatigisarlugu.

Piginnaanngorsaaqqiinissamut, akissarsianut tapiissutit siusinaartumillu pensionisianut qinnuteqaatit ingerlatsiviit allat immikkoortortaat suleqatigalugit aamma suliarineqartarput, suliallu isumaginninnermi suliffissaqartitsiniarnermilu ataatsimiititaliamut innersuussutigisarlugit, ilaqutariinni paarsinermut tunngasut suliffeqarfiit suleqatigalugit suleqataaffigisarpai.

Innuttasut innarluutillit kiffartuunneqartanerannut tunngasut annertunerusumik paasisaqarfigenerorusukkukkit una tooruk.