Alcoa-miit naatsorsuut
Alcoa pillugu nutaarsiassat kingulliit matumaniipput. Suliffeqarfitsik pillugu nammineq allaaserisaqalaarsimapput, aammali sanaartornerup ingerlatsinerullu nalaani atorfiit qassit atorfissaqartinneqassanersut Alcoa nammineq naatsorsuisimalluni. Tamatuma saniatigut alumiiniumik aatsiterivimmi sulissagaanni sutigut piginnaasaqartariaqarnersoq allaatigineqarpoq. Ilinniakkat suut atorfissaqartinneqassanersut Alcoa-p aamma nassuiaatigaa.

Alcoa overview and employment opportunities.

Innuttaasut suleqatigiit
Aluminiumik suliniummut atatillugu aningaasaqarnikkut nammineq napatittumik aningaasartuutaavallanngitsumik Maniitsup ineriartortinneqarnissaanut Qeqqata Kommuniata takorluugaanut atatillugu pilersaarutitut titartaanikkut siunnersuusiortussanik innuttaasunik suleqatigiinnik arlalinnik pilersitsisoqarnikuuvoq. Tassunga atatillugu Maniitsup Qeqertaani aluminiumik aatsiterivimmik pilersitsisinnaaneq pillulgu pilersaarutaasimavoq.

Innuttaasunik ataatsimiisitsineq tunngavigalugu 2009-mi innuttaasunik suleqatigiinnik sisamanik pilersitsisoqarpoq:
   • Inissiat aaqqissuussaanerlu
   • Ilaqutariinneq sunngiffillu
   • Suliffeqarneq ilinniartitaanerlu
   • Kulturi takornariaqarnerlu

Innuttaasut suleqatigiit nalunaarusiaat atuarsinnaavatit uani

2011-mi innuttaasut suleqatigiit pingasut makku suliarivaat: aaqqissuussaaneq, illoqarfiup kusassarneraqarnera aammalu kulturi (nalinginnaasumik). Suleqatigiit ikinnerpaamik arfinileriarlutik ataatsimiissapput taavalu siunnersuutimmik tunniussaqarlutik. Taakku katersorneqassapput nalunaarusiaaqqatullu suliarineqarlutik kommunimut tunniunneqassapput. Immikkoortut ilaat ima pitsaatigissasut anguniaagaavoq, ingerlariaqqinnissami atorneqarsinnaassallutik.