desember 18, 2014
 
Dansk  Kalaallisut
Kangerlussuaq

Kalaallit Nunaanni nunaqarfiit annersaat
Kangerlussuaq Kalaallit Nunaanni nunaqarfinni annersaavoq. Kangerlummi 170 km.-it missaannik isorartutigisup qinnguani 1992 tikillugu amerikarmiut sakkutooqarfittut ingerlatsillutik mittarferujussuarmik, hangar-inik illorsuarnillu ingerlataqarput. 2002-mi Kangerlussuaq Sisimiut Kommuneani nunaqarfinngorpoq, maannalu Qeqqata Kommuniani nunaqarfiuvoq.
1950-ikkut ingerlaneranni Kangerlussuaq tamanut atuuttumik nunat assigiinngitsut akornanni mittarfittaarpoq, ullorlu manna tikillugu mittarfik Kalaallit Nunaanni angallannermi aallaaviulluni.

Nunaqarfiup eqqaani nuna
Kangerlussuup eqqaani pinngortitarsuaq pisoorsuuvoq. Ukiut 4000 matuma siorna Saqqaq kultur Kangerlussuarmut annguppoq, aavartarnerlu aallartinneqarluni. Ullumikkut ukiut 4000-it qaanngiutereersut aavartarneq suli atuulluarpoq, tamaalilluni oqaluttuarisaaneq kulturilu ingerlaannarput. Sermersuarmut qanittumi tuttut piaqqiortarfeqarput masarsoqarfeqarlunilu.
1964-imi Kangerlussuup eqqaa umimmannik tunup avannaaneersunit nuutsivigineqarpoq, tassanngaannartumillu amerliartupiloorlutik, sulilu amerliartorlutik.
Tuttunniartarneq umimmanniartarnerlu inuutissarsiutigalugu piniartunut sunngiffimminnilu pinialuttartunut akuersissuteqarnikkut ingerlanneqartarpoq.
Umimmaat angisuut amerlasuullu, aammalu tuttut kusanartut uumasullu nuartat minnerit takornarissanut kikkunnulluunniit misigisassaapput kusanartut, namminnerluunniit najugarisaanni piniarneqarsinnaasut.

Pisummik angalaarnerit angalaarfissallu
Kalaallit Nunaanni nunataqarnerpaaq najugaqartunit, aammali Kalaallit Nunaata avataanit Kalaallit Nunaanniillu pisummik angalanermik nuannarisaqartunit tikerarluarneqartarpoq.
Ungasinnerusumut qaninnerusumulluunniit pisummik angalanerni pingaartumik Kangerlussuup Sisimiullu akornanni pisuffiusartoq eqqaaneqarsinnaavoq. Pisuffiusartoq 180 km.-inik isorartutigaaq, silap pisuttullu qasujuissusaat apeqqutaallutik ulluni arfinilinnit aqqaneq-marluk tungaannut pisuffigineqartarluni. Pisuffimmi ataasiinnaanngitsumik unnuiffiusinnaasunik illuaraqarpoq.

Pisuffiusinnaasut amerlasuut akornanni taaneqarsinnaassut aamma ilagaat Aasivissuarnut aqqutaa, Kangerluussuup avannaatungaani 18.5 km-isut ungasitsigisumiittoq. Pisulluni angallavissaq siumuvinnarlugu ulloq ataaseq atorlugu utimullu ulloq ataaseq atorlugu pisunneqarsinnaavoq.

Takornariaqarneq ineriartortuartoq
Kangerlussuarmut Kangerlussuarmiillu timmisartumik tikikkuminarnerata takornariaqarneq arlalitsigut periarfissaqalersinneqarpoq.

Motoorilinnik angallassissutilinnik / pisulluni sermersuup tikinneqarsinnaaneranut periarfissaq, aammalu sermersuarmi nammineq pisussinnaanerup periarfissaa, imminermi takornarissanut misigisassaavoq nallerneqarsinnaanngitsoq.
Kangerlussuup eqqaani uumasoqarluarneq pinngortitarsuarlu sammisassanut assigiinngitsunut imminermini unammillernartuuvoq, sumiiffimmi najugalinnut takornarissanullu.
Ukiup nikerarneri pinngortitamik assigiinngitsumik misigisaqarnissamik periarfissiivoq.

Ukiuunerani nillertorujussuaq, atisat eqqortut atorlugit pinngortitami angalaartoqarsinnaalluni, nunarsuarlu alianaatsoq qimerluualaarlugu. Sumiiffimmi najugallit takornarissallu Kangerlussuup eqqaanilu pisussinnaaneq qimussersinnaanerlu nuannarineqartaqaaq.

Ukiuunerani unnuakkut silaannarsuaq arsarnernik kusanarnerpaamik ulikkaartarpoq – taamatut pisartup takornarissat Kangerlussuarmut uteqqittarnissaannut kajumisaarutaavoq.

Innuttaasut
Kangerlussuaq 2012-imi oktobarip aallaqqaataani 533-nik-nik innuttaasoqarpoq, Kalaallit Nunaannilu nunaqarfiit annersaanni suliarisariaqartut aallaavigalugit mittarfimmik kommunellu ingerlataanik ingerlatsinissami suliassat assigiinngitsut suliarisarpaat.
 


Nunaqarfimmi kiffartuussineq


Kommunip kiffartuussisarnera eqqarsaatigalugu nunaqarfinni ataasiakkaani kommunep allaffii nammineq takkunnikkut saaffissatuaapput, ilaatigut nammineq iliuuseqarnikkut imaluunniit Sisimiuni kommunip allaffiani sulisunut attaveqarnikkut suliassat Kangerlussuarmi Kiffartuussiviup nammineq isumagisinnaasarpai.

Kiffartuussiviup suliassaatai:

  • Inuit allattorsimaffiat: nuunnermik nalunaarutit, adressit allanngortinnerat 
  • Katisitsinerit 
  • Nutserisoqarfik: nutsigassaq oqinnerusut
  • Akileraaruseriffik: siumoortumik nalunaarsuiffissaq, nammineerluni nalunaarsuineq
  • Naatsorsuuseriffik: karsi, fakturat
  • Teknikkimut avatangiisinullu: nunaminertanik atugassiinerit, aputaajaanerit, aqquserngit aserfallatsaalineqarnerat, eqqiluisaarneq, bus-inik ingerlatitsineq, piniarnermut uppernarsaatit, sermersuup tungaanut aqquserngup isumagineqarnera
  • Meeqqanut kulturimullu: atuarfik, fritidsklubbi, meeqqeriviit, Kongrescenteri, timersortarfik, bowlinghaali, ilinniarnissamik qinnuteqartut
  • A/S Inissiaatileqatigiiffik INI: attartornermik isumaqatigiissutit, attartornissamik qinnuteqaatit, kissaatigisamik nuunniarnerit, attartornermik atorunnaarsitsineq
  • Akissarsialeriffik: akunnermusiallit, hovedkorti/frikorti/B-korti, atorfinitsitsinerit 
  • Suliffissarsiuussisarfik: annertussusileriikkamik ikiorsiissutit, suliffissarsiortutut allatsinerit
  • Isumaginninneq: meeqqanut akilersuutit, meeqqanut tapit, ineqarnermut tapiissutit, suliat innarluutilinnut tunngasut, pisortanit ikiorsiissutit, isumaginninnermi suliassat naliginnaasut, pinaveersaartitsineq, Oqartussaassuseqarfiit assigiinngitsunik suliallit ataatsimiititaliaat, SSSPB, siusinaartumik utoqqalinerlu pissutigalugu pensionisiat
  • Isumaginninnermi pigaartuuneq

Attavigiuk

Kangerlussuarmi Kiffartuussivik
Postbox 89
3910 Kangerlussuaq

Ammarsarfii:
Ataasinngorneq, marlunngorneq, sisamanngornikkut, tallimanngornerlu nal. 10:00 – 14:00
Pingasunngornikkut matoqqasassasoq.

Oqarasuaat: (+299) 84 12 77
Fax: (+299) 84 13 77

Aqutsisoq:
Minannguaq Zeeb
Oqarasuaat: (+299) 84 12 77
Mobil: (+299) 52 42 77
E-mail


Qinnguata Atuarfia

Kangerlussuarmi atuarfik, Qinnguata Atuarfia, 70-inik atuartoqarpoq, alloriarfinnut pingasunut avinneqarsimapput, atuarfimmilu init atuartitsiviusut quliullutik.

Ilinniartitsisut piffissamik tamakkiisumik atorfillit qulit atuartitsineq ingerlattarpaat, init atuartitsiviusut saniatigut atuakkanik atorniartarfeqarlunilu, fysikkertarfeqarlunilu, ilusilersuisarfeqarlunilu, igasarfeqarlunilu, ilinniartitsisunut ineqarlunilu piareersartarfeqarpoq (pædagogisk værksted).
 
Atuarfik quleriinnik initaqarpoq, ininilu qullerni paaritittarfeqarlunilu fritidsklubbeqarpoq. Paaritittarfik ”Fritteren”-imik taaneqartartoq nal. 08.00-16.00 ammasarpoq, meeqqat 1.-3. klassit ornissinnaavaat. ”Fritteren”-imi sulisut marluupput.

Fritidsklubbi imaluunniit Klubbi nal. 16.00-23.00 ammasarpoq, sulisullu pingasuullutik. Pingasunngornermi haalimiittoqarsinnaavoq, meeqqanut iserneq akeqarani. Nalunnguartoqarsinnaallunilu haalimi pinnguarineqarsinnaasunik tamanik pinnguarfiusinnaavoq.

Pingasunngornikkutaaq bowlingertarfimmi sammisassaqartitsisoqartarpoq, meeqqat akeqanngimik imminnut unammiuaarsinnaallutik.

Nunaqarfiup inuusuttaanut fritidsklubbimi assigiinngitsunik atugassaqarpoq, qarasaasiap internetimut attaveqqartup, kioskeeqqallu mamakujunnik, nerisassanik imeruersaatinillu nioqqutillip saniatigut nipilersuutinik assigiinngitsunik, billardertarfimmik, bordtennissertarfimmik allarpassuarnillu sammineqarsinnaasunik aamma peqarpoq.
 
Atuareernerup kingorna
Atuarfik unnukkut atuartitsivittut aamma atorneqartarpoq, soqutigineqarnerilu apeqqutaallutik pikkorissarnernik assigiinngitsunik ukiup affaanut neqerooruteqarfiusarluni. Allattariaarsornermut pisinnaasat pikkorissarfigeqqinnissaanut immaqalu aamma ilaatigut tuttut umimmaallu nassuinik sanalunnermut pikkorissaajartortumut peqataanissamut periarfissaavoq.

Qinnguata Atuarfia
B667
3910 Kangerlussuaq
Oqarasuaat: (+299) 84 10 27
Fax: (+299) 84 10 28
E-mail


Sygeplejestation

Nunaqarfiup peqqissaavia mittarfeqarfiup qanittuaniippoq.

Tassani nunaqarfiit innuttai angalasullu ajoqusersimasut napparsimasulluunniit passunneqartarput. Nakorsaatinik tunniussineq, annikitsumik ajoqusersimasunik passussineq inuillu annertunerusunik ajoqutillit Sisimiunut nakorsartikkiartornissaat peqqissaaviup isumagisarpai.

Peqqissaavik
B50
3910 Kangerlussuaq
Tlf: (+299) 84 12 11
Fax: (+299) 84 10 37

Ammasarfiit:
Ataasinngornermiit tallimanngornermut nal. 09.00 – 10.30

Piffissat taakkua avataatigut, ikiorneqarnissamik pisariaqartitsisoqarnermi peqqissaasoq saaffigineqarsinnaavoq oqarasuaat (+299) 84 12 11-mut.


Umiarsualivik

Kangerlussuup qinnguani, sinerissamiit 185 kilometeritut qinngorpasitsigisumi, Kangerlussuaq umiarsuliveqarpoq. Umiarsualivik immikkut ittuuvoq, tassa talittarfiup tungaanut aalajangersi-masumik ingerlavissaqarami, taannalu akuttunngitsumik itisilertariaasarluni, tassa sermersuarmiit aattornerit annertuunik kuugussaqartarmat.

Ingerlavissaq
Umiasuarluni umiarsualivimmut talissinnaasumik anngukkaanni, naleqqat marluk najoqqutaralugit ingerlaosqassaaq. Umiarsuilli tamarmik talissinaasanngillat. Ingerlavissartaa 3 meteritut ititigivoq, tininnerpaaffianilu taamaallat meterit marlussuusarlutik. Nunaqarfinnut umiarsuit angallataasartut, tassa sinerissami ingerlassisartut, talissinnaapput aatsaalli ulinngaerani.
 
Sineriassorlutik angallassisut
Umiarsualivik ukiut tamaasa amerliartortunik takornarissanik angallassisunik tikiffiusarpoq, aasaa-neranilu sapaatip akunneri tamaasa angallassisut tikittarlutik. Umiarsualivimmi sulisut ilaatigut umiarsuarmut/-miillu kisarsimaartunut kuffertinik nerisassanilluunniit ikaarussuisinnaasarput. Taa-matuttaaq nunami perusuersartarfeqarpoq, ilaasunit atorneqarsinnaasunik.
 
Atugassarititaasut
Umiarsuit minnerusut umiarsualiviup talittarfik puttasoq usinik ilaasunillu niooraanermut ikioraa-nermullu atorsinnaavaat, puttasulli talittarfittut atugassiaanngillat.
 
Kangerlummi kisaatilinnik puttaquteqarpoq, taakkuli taamaallaat umiarsuup uuliamik assartuutip ukiumoortumik Kangerlussuarmut pajunnerani. Piffissani allani umiarsuit annerusut kisaatillit puttaqutit atorsinnaasarpaat. Pingaaruteqarporli umiarsualivimmi nakkutilliisut attaviginissaat atuisinnaanissamik siumoortumik qinnuteqarluni. Matuma ataani attaveqarfissat takukkit.
 
Umiarsualivimmi sulisut nunnigussissutit marluk ingerlatarivaat, tamarmik immikkut containerinik 20 fodsinik marlunnik 40 fodsimilluunniit usisinnaasut. Taakku Royal Arctic Line-p pilersuinermi assartuutai juunimi septembarimilu pajukkaangata atorneqartarput.

Royal Arctic Line
 
Talittarfiup qaavani arlalitsigut makuninnga atugassarititaqarpoq:
 
- Ikummatissamik tunitsivik
- Perusuersartarfiit
- Imeq tamat atorsinnaasaat
- Oqarasuaat, taxanik piniarnermi atorneqarsinnaasoq
 
Umiarsualivik Mittarfeqarfiit – GLV-mit kiffartuunneqartuuvoq, umiarsualivimmilu sulisut tamatigut VHF-imi kalai 13-ni attaveqarfigisuarpaat, umiarsualivimmi sulinermi aamma atorneqartartoq, aammali VHF-ip kanalia 16 atorneqarsinnaavoq.

Kangerlussuarmi Umiarsualivik
GLV - Kangerlussuaq
Oqarasuaat: (+299) 84 13 00
VHF kanal: 13 imaluunniit 16

GLV


Paaqqiivik "NUKA"

Akuleriisitsilluni paaqqinnittarfik ”Nuka” Qeqqata Kommunianit pigineqarpoq, 1993-imilu Namminersornerullutik Oqartussanit maannakkut allakkeriviusumi pilersinneqarluni.

1995-imi juunip aallaqqaataani ”Nuka” maannakkut inissisimaffigisaanut nuunneqarpoq, Sisimiut Kommuneanullu marlunnik immikkoortortalerlugu – meeraaqqerivik meeqqerivillu – tunniunneqarluni.

2006-imi oktobarip aallaqqaataani paaqqinnittarfik meeraaqqerivimmik ilaneqaqqippoq, taamaalillunilu maannakkut meeqqanut 48-nut inissaqartitsilluni. Meeqqat ima agguarneqarput: ukioqanngitsunit pingasunik ukiullit tikillugit ininut marlunnut avinneqarput, inillu taakku marluk tamarmik aqqaneq-marlunnik meerartaqarlutik. Pingasuniit arfinillit tikillugit ukiullit 24-t inimi ataatsimiisinneqarput.

”NUKA” naatsumik oqaluttuaralugu
Paaqqinnittarfimmi kajumissaarineq/ilinniartitsineq atorneqarneruvoq. Inerteqquteqarneq atugaanngilaq – angorusunneqartut eqqartorneqartarput – oqaasertalersuisoqartarlunilu.

Sulisut oqaluttariaatsiminnut eqqummaaripput, oqalunnerminnilu nipitik qaffannagit inussiarnersumik oqaluttarnissartik anguniagaralugu.

Pinnguartarfik oqquusimasumiilluni ungalusaqarlunilu arsaattarfiup eqqaaniippoq.

Aasaanerani ippernat paaminartaqaat, taamaakkaluartorli meeqqerivimmiut taqusserlutik asiartarput.

Eqalunniarsinnaasarput, tuttullu umimmaallu qanittuaraammata aamma piniariarsinnaasarlutik.

Ukiakkut assigiinngitsunik paarnartariartarput. Paaqqinnittarfimmit avatangiiseq atorluarneqartarpoq, soorlu suliassaminnut naasunik, ivikkanik, orpikkanik, sioqqanik ujaqqanillu katersisarlutik. Silagitsillugu silamiinnerusarput. Ukiup qanoq ilinera aallaavigalugu sammisassaqartitsinerit ingerlanneqartarput, pingaartumillu juullilernerani, seqinniarneq, anaalerivissiorneq, poorski il.il. pingaartinneqartarlutik.

Ukiuleraangat issileraangallu ilaatigut pisuttuanngitsoortarput. Apigaangat qimussersinnaasarput.

Ilaatigooriarluni kikkunnut tamanut nuannaarutaasumik ikinngutit ilaquttallu paaqqinnittarfimmut pulaartarput.

Ammasarfiit:
Paaqqinnittarfik ullut tamaasa 06:45-mit 17:00-p tungaanut ammasarpoq.
Januaarip arferngani kunngi pingasuni aamma maajip aallaqqaataani Sulisartut ulluanni/Namminersornerulernerup eqqunneqarnerani ullup affaa ammasarpoq.
Juunip 21-ani Inuiattut Ullorsiornermi paaqqinnittarfik matoqqasarpoq.

Attavissaq:
Postbox 59
3910 Kangerlussuaq
Oqarasuaat: (+299) 84 11 75       
Fax: (+299) 84 11 73
E-mail


Pisiniarfiik, aningaaserivik aamma Tele-Post

Kangerlussuarmi aningaaserivimmik peqanngilaq, kisianni Sparbank Vest sullitai nunaqarfiup Tele-Post Centeriani aningaaserivimmi suliassatik nalinginnaasut suliarisinnaavaat nalinginnaasumik ammaffimmi.

Illumittaaq tassani allakkeriveqarpoq, Sisimiunisut Tele-Post centeriugami, tassani sumiiffimmi innuttaasunut sullissinerit assigiinngitsut nassaarineqarsinnaallutik, taakkununnga ilanngullugit telebutikki, telemut atortunik nioqquteqartoq aamma internettimut atassusiliisartuusoq. Kangerlussuarmittaaq ulloq unnuarlu ammasumik allakkanut nakkartitsiveqarpoq nalinginnaasumillu allakkeriveqarluni.


TELE-POST Center
B 1846, Pisiniarfiup eqqaani
3910 Kangerlussuaq

Oqarasuaat: (+299) 84 30 55
E-mail

Ammasarfiit:
Ataasinngornermiit tallimanngornermut nal. 09.00-15.00
Matoqqasoornermi Mittarfeqarfiit aningaasaqarnermut allaffiat atorneqarsinnaavoq, tassani sullissinermut karseqarpoq, aningaasanik tigusiniartunut. Dankort, VISA, Eurocard, Mastercard, Maestro, Visa Electron, JCB Cards aamma Diners Club atorneqarsinnaapput. 

Erseqqissaatigineqassaaq aningaasanik killilimmik taamaallaat tigusiniartunut karsi atortinneqartarmat.

Mittarfeqarfiit aningaasaqarnermut allaffiat sullissinermilu karsiat Albatros Rejser illoqatigivaat mittarfimmi mittarfiup illutaata kitaatunginnguani 100 meterit missaani ungasitsigisumi. 

Ammasarfiit:
Ataasinngornermiit sisamanngornermut nal. 08.30-15.00
Tallimanngornermi nal. 08.30-1400

Ulluinnarni inuussutissat
Kangerlussuaq Pilersuisup ingerlataanik nunaqarfinni pisiniarfinni immikkoortortaqarpoq. Tassani ulluinnarni inuussutissat, taakkununnga ilanngullugit qerisuunngitsut, immikkut toqqagassat, atisat inuussutissarsiornermullu attuumassuteqartut atortussat nioqqutigineqartarput.

Pilersuisup ammasarfii:
Ataasinngornermiit tallimanngorenermut nal. 09.00-1800
Arfininngorneq sapaallu nal. 10.00-14.00

Taakku saniatigut nunarsuaq tamakkerlugu mittarfiup isertarfiani akitsuuteqanngitsunut niuertarfeqarpoq, aamma Kangerlussuarmi kalaalimineerniarfimmi, nunaqarfiup piniartuinut aalisartuinullu tunitsiviusumi kalaaliminernik pisisoqarsinnaavoq. Kalaalimineerniarfik mittarfeqarfiup biilinut unittarfiata eqqannguani inissisimavoq.


Sunngiffik kulturilu

Kangerlussuarmi atuakkanik atorniartarfik
Kangerlussuarmi atuakkanik atorniartarfik atuartunut nunaqarfimmiunullu atorniartarfittut atorneqarpoq. Atuakkanik atorniartarfik Qinnguata Atuarfiata illuata ilaani inissimavoq, nalunaaqutarlu 14.00 tungaanut atuarfiup atuakkanik atorniartarfiatut atorneqartarluni.
 
Kangerlussuarmi atuakkanik atorniartarfiani anginngitsunnguami meeqqanut, inuusuttunut inersimasunullu atuakkiat qallunaatoortut kalaallisoortullu atugassaapput, nutaanillu kalaallisuunik saqqummertoqarneri tamaasa pissarsiarineqartarput.
 
Atuagassiat assigiinngitsut aamma atuarsinnaavatit atuagassiallu qaammammut saqqummertartut kingulliit atuakkanik atorniartarfimmi pigineqartuaannarput. Politiken ullormut saqqummertartoq immikkut ittumik neqeroorutitut Danmarkimiit timmisartukkut tikisinneqartarpoq, taamatullu AG Sermitsiarlu saqqummertut kingulliit aamma atuarsinnaavatit.
 
Atuakkanik nassaarerusutannik atuakkanik atorniartarfimmi sulisup aamma ikiorsinnaavaatit. Kaffisorusaajutigalugu nerrivimmi sofamiluunniit atuakkamik aviisinilluunniit atuarujuunnginnermi atorniartarfimmi atorniartartunut atortorissaarutinik elektroniskinik ujarliuteqanngimmat atuakkanik atorniartarfimmi sulisumit ikiorneqariaannaalluni taamaattumik ajunngeqaaq.
 
Kangerlussuarmi atuakkanik atorniartarfik
B667 Fritidsklub ini qulleq
3910 Kangerlussuaq
Oqarasuaat: (+299) 84 14 01
E-mail 
 
Ammasarfii:
Marlunngorneq: 14-16
Pingasunngorneq: 14-18
Sisamanngorneq: 14-16
Tallimanngorneq: 14-18
Arfininngorneq, sapaat ataasinngornerlu matoqqasarpoq

Golferneq
Nunarsuarmi Golfertarfiit 18-inik putoqartoq avannarpasinnersaat Arctic Circle Region-imiippoq.

Kisianni “Sondre Arctic Desert Golf Course” nalinginnaasumik golfertarfiunngilaq. Avannaarsuata nunataani inoqajuitsutut isikkoqartumi golfertarfik qaqqani moriissuni, sioqqani, kuummit marlunnik akunnilimmik, sermersuarmiit Kangerlussuup kangerluanut toqqaannartumik kuuttumit inissisimavoq.

Putut 18-iusut nunatami allangortinneqanngitsumi siammarsimapput, nunataami fairwaysinik, greens-inik tee-inillu toqqaaffiusimapput, tamatumalu kingorna golferneq aallartillugu, silaannarmi pitsaasumik kavaajaqarluni, pitsaasunik kamippaaqarluni assammilu aaqqatini oqortunik isumannaatsoq iluaqutaasussaalluni.

Golfertarfik isumassarsianit pitsaasunit annikitsumillu aningaasartuuteqarluni pilersitaavoq, sulilu ullumikkut golfertarfik tikeraarnerani sammisassat allanit assigineqanngitsut misigisassaapput. Klubbi kalittakkamik illuuteqarpoq, golfertarfimmilu golfertartut biiliinik imaluunniit periarnissaq utaqqineqassanngilaq – qaqqat, sermeq Arctic Circle Regionillu tamaani pinngortitartaa immikkut ittoq nuannariinnassavat.

Mittarfeqarfiup illutaani Hotel Kangerlussuup saaffiginnittarfia saaffigineratigut golferutit attartorneqarsinnaapput, aamma tassani “Sondre Arctic Desert Golf Course”-imut isissutissat green fee-t akikitsut akilerneqartarput.

Hotel Kangerlussuaq
Box 1006
3910 Kangerlussuaq
Oqarasuaat: (+299) 84 11 80
Fax: (+299) 84 12 84
E-mail
Quppersagaq

Kangerlussuarmi timersortarfik timigissartarfillu
Kangerlussuarmi timersortarfik naluttarfillu illumi ataatsimi inissisimapput, ammasarfiilu assigiinginnarlutik.

Timersortarfiup inersuartaani timersornerit assersuutigalugu arsarneq, sulorarneq assigisaalu aallussinnaavatit – aammalu bordtennissernissannik nunaqarfiullu timigissartarfiani nukkassaatinut atortorissaarutinut akiliillutit atuinissannik periarfissaqarputit.

Ammasarfii:
Ataasinngornermiit-tallimanngornermut nal. 14.00-22.00
Arfiniinngorneq sapaallu nal. 12.00-18.00 
Naluttarfimmut iserneq:  40,-


Copyright 2009-2014 Qeqqata Kommunia