Kommunimut tunngasut
Tassani kommunimut tunngasutigut paasissutissat nassaarisinnaavatit, soorlu ilaatigut:
       • Nutaarsiassat

       • Atorfiit inuttassarsiukkat

       • Sulisut

       • Allaffeqarfik

       • Innuttaasut

       • Ammasarfiit adressillu

Qeqqata Kommunia
Qeqqata Kommunia Kalaallit Nunaata kitaata sineriaaniippoq. Kalaallit Nunaat nunarsuarmi qeqertat annersarivaat, innuttaasullu 56.000-usut sinerissami kangerlunnilu illoqarfinni nunaqarfinnilu najugaqarlutik. Qeqqata Kommuniani 10.000 inutsiarlugit najugaqarfigivaat.

Qaasuitsup killeqarfiani kommuni
Kommuni Qaasuitsup killeqarfiata Itilleq kujaqqutitsiarlugu aveqqavaa.
Silaannaa issittup silaannaralugu, ukiumilu issitsillugu ammut 35º-it angusarlugit aasakkullu kiatsillugu qummut 20º-it angusarlugit.
Kommuni ukioq kaajallallugu sikuneq ajortumiippoq, taamaattumillu ukioq kaajallallugu nioqqutissanik pilersugaalluni.
Kommuni qimmeqarfiit taamalu qimusserfiusinnaasut kujallersarivaat, Sisimiullu qimusseqarfiullutik.
Aamma kommunimiippoq Kalaallit Nunaanni mittarfeqarfiit annersaat, Kangerlussuaq, taassumalu imarpik qulaallugu nunallu iluani angalasut sulissutaralugit, Kalaallillu Nunaata timmisartutigut pingaarutilimmik attaveqarnerat isumagisaralugu.

Inuutissarsiuteqarneq
Aalisarneq kommunimi inuutissarsiutit pingaarnersarivaat, illoqarfinnillu marluusuni arlalissuarnik angisuunik angallateqarfiullutik taamatullu kilisaateqarfiullutik, annerusumillu raajat, assagiarsuit saarulliillu alisarneqartarlutik. Tamakku saniatigut illoqarfinni nunaqarfinnilu aalisartorpassuaqarpoq piniartorpassuaqarlunilu, taakkulu puisinniartarlutik kiisalu tuttunik umimmannillu aavartarlutik.

Kangerlussuaq Kalaallit Nunaanni nunaqarfittut immikkuullarissuuvoq, tassa mittarfeqarnermigut nunarsuarniillu tamaniit ilisimatusartunit najorneqartarnermigut, kiffartuussinikkut takornariaqarfiulluarnermigullu ineriartortinneqarluarsimagami.

Inuiaqatigiit kalaallit eqeersimaartut
Peqatigitillugu kommunimi takornariaqarneq siunissami inuutissarsiutaalluartussaavoq. Qeqqata Kommunianut tikeraartutut najugaqartussatulluunniit pigaanni, misigisassarpassuit unamminartullu nunatami oqaluttuassartalissuarmi, pinngortitami ulluinnarnilu eqeersimaarfiulluartumi utaqqiinnarput.