Tallimanngorneq den 12. februar 2016, nal. 15.00, Maniitsumi Nipilersornermik Ilinniarfik pisortatigoortumik atoqqaarfissiorneqartussanngorpoq.

Qeqqata Kommuniata meeqqanik inuusuttuaqqanillu pingaartitsilluni suliniuteqarneranut atatillugu nipilersornermik ilinniarfik pilersinneqarpoq. Ilinniarfik kommunip pigisaraa aningaasalersugaralugulu. Ilinniarfik illoqarfiup qeqqani inissisimavoq tikikkuminartumi, meeqqeriviusimasup Ajap inissisimaffiani.
Fra:
12. februar 2016 15:00
Til:
12. februar 2016 17:00
Sumiiffik:
Maniitsoq
Aaqqissuisoq:
Maniitsumi Nipilersornermik Ilinniarfik
Tallimanngorneq den 12. februar 2016, nal. 15.00, Maniitsumi Nipilersornermik Ilinniarfik pisortatigoortumik atoqqaarfissiorneqartussanngorpoq.
Qeqqata Kommuniata meeqqanik inuusuttuaqqanillu pingaartitsilluni suliniuteqarneranut atatillugu nipilersornermik ilinniarfik pilersinneqarpoq. Ilinniarfik kommunip pigisaraa aningaasalersugaralugulu. Ilinniarfik illoqarfiup qeqqani inissisimavoq tikikkuminartumi, meeqqeriviusimasup Ajap inissisimaffiani.

Ilinniarfimmi aallunneqartussaapput erinarsornerit nipilersornerillu, ilinniartitsinikkut sungiusartitsarnikkullu. Nipilersuutit assigiinngitsut ilinniartitsissutigineqartassapput, pilerlaanut sungiusarluarsimasunullu. Erinarsorneq aamma erinarsoqatigiinneq ingerlanneqartassapput. Ullukkut meeqqat inuusuttuaqqallu atuisuunerusassapput, unnukkut inuusuttut inersimasullu.

Nipilersornerup illua ilinniarfiinnaasussaanngilaq, aammattaarli ornittarfiusussaavoq. Taamaasilluni nipilersornermik ilinniarfik kommunip pinaveersaartitsinermik siusinaartumillu iliuuseqaarnermik pingaartitsineranut ilapittuutaavoq. Illup ilua aaqqissussaavoq assigiinngitsunik ingerlassassanut sammisassaqartitsinernullu naleqqussarlugu, ilaatigut igaffeeraqarnermigut.

Ilinniarfik sapaatip akunnerata tullianit aallartissaaq. Erinarsornermik nipilersornermillu kajumittut allatsissinnaanngussapput.
Maniitsumi Nipilersornermik Ilinniarfik ningioqarpoq Musikkonservatoriami ilinniarsimasumik, misilittagaqarluartunik pingasunik ilinniartitsisoqarpoq, kiisalu ataatsimik ikiorteqarluni.

Atoqqaarfissiortitsinermi oqalugiassapput Siverth K. Heilmann Borgmesterip tulliata aappaa, kiisalu Ida Mortensen, Maniitsumi Nipilersornermik llinniarfiup pisortaa. Kingorna erinarsoqatigiittoqarlunilu nipilersortoqalaassaaq.