Sisimiuni Inuiattut Ullorsiornissaq

Uani takusinnaavat Sisimiuni Inuiattut Ullorsiornermi pilersaarutit.
Fra:
21. juni 2016 09:00
Til:
21. juni 2016 23:55
Pris:
gratis

Juunip 21-ani 2016 Sisimiuni Inuiattut Ullorsiornissaq Nalunnguarfiup eqqaani. 

Ukioq manna Inuiattut ullorsiorneq Nalunnguarfiup tasiata eqqaani kiisalu Taseralimmi silataanilu ingerlanneqassaaq. Igaasarusuttut Inuusuttut illutaavata qulaatungaaniissinnaapput.

  • Nal. 9.00 Kommunip allaffissuata silataani katersuunneq Qamutilittarneq, Erfalasumik amusineq, ”Nuna asiilasooq” atorlugu erinarsoqatigiinneq, Borgmesteri Hermann Berthelsen oqalugiassaaq, erinarsoqatigiinneq. Tamatuma kingorna oqaluffimmut ingerlaaqatigiinneq katinngatilisaartut siuttoralugit. Peqatigiiffiit katinngatillit kajumissaarneqarput takkuteqqullugit.
  • Nal. 10.00 Naalagiarneq
  • Nal. 10.30 Imaani ajunaarsimasut eqqaassutissaannik nigaliliineq, oqalugiarneq tussiaqatigiinnerlu ”Eqqissilit imaani”
  • Nal. 11.30 Iliveqarfimmi katerinneq, nigaliliineq, oqalugiarneq tussiaqatigiinnerlu ”Guutiga illimmi”.
  • Nal. 12.00-14.00 Timersortarfimmi kaffisoqatigiinneq. Aliikkusersuisoqarlunilu erinarsortoqartassaaq.
  • Nal. 14.30 Puiseqqaanniuunneq umiatsialinnut. Ikaartarfiup eqqaaniit aallaqatigiittoqassaaq, ikaartarfiullu eqqaani eqqaassutissap eqqaani pisat tulaanneqassapput. Tikiusseqqaartut siulliit pingasut
    700,-, 600,- aamma 500,- koruuninik akissarsitinneqassapput. Pisat sinneri kommunimit
    ataaseq 300,- koruunilerlugu agguaatassatut pisiarineqassapput. MALUGIUK: Sila atoruminaappat
    puisinniartitsineq taamaatinneqassaaq.
    Puisit pisarineqartut SSP Igloop eqqaani pilanneqartassapput.
  • Nal. 14.00 - 18.00 Taseralik ammassaaq silataanilu tupersuarmi nipilersortarfik ammassaaq. Café Taseralik nerisassanik imeruersaatinillu tuniniaassaaq. Peqatigiiffiit kajumissaarneqarput nerisassanik kissartunillu tuniniaasinnaanermik.
  • Nal. 14.30-16.00: Qajaq Sisimiut Nalunnguarfimmi takutitsinerat: Assigiinngitsunik unammissutaasartunik takutit sineq kiisalu naggataatigut kikkunnut tamanut qajartornermik misileraatitsineq. Inuusuttut ornittagaani Nutaqqap silataani allunaasariaqattaarnermik takutitsisoqassaaq.
  • Nal. 15.00 - 15.30: Taseralimmi tusarnaartitsineq : Nipilersornermik atuarfimmi erinarsoqatigiit meeqqat tusarnaartitsissapput.
  • Nal. 15.00-18.00: Tupersuarmi aliikkusersuinerit: Nipilersortartut assigiinngitsut tusarnaartitsinerat.
  • Nal. 14.30 - 15.30: Nalunnguarfik kaajallallugu arpatsitseqattaarnerit. Ralak 09 suleqatigalugu meeqqat unammiuaartinneqassapput.
  • Nal. 16.00: Spejderit illuata saavani S-68 & SAK arsartartui unammiuaarnerat.
  • Nal. 19.00-22.00: Taseraliup inersuaani kalattoortartut takutitsinerat kiisalu unnuup sinnera kalattoornersuaq tamanut akunneratigut pattagiaasartartut tusarnaartitsisassapput.
  • Nal. 19.00-21.00: Nutaqqami meeqqat 14 tungaanut ukiulinnut qitinneq.
  • Nal. 21.00-24.00: Nutaqqami inuusuttunut 15-niit 25-nut ukiulinnut qitinneq.

Ullukkut aamma unnukkut Nutaraq tamulugassanik kissartunillu tuniniaassapput, ullullu ingerlanerani Inuit pinnguaataannik pinnguartitsissapput.
Bussit akeqanngitsumik ilaaffigineqarsinnaapput nal. 14.00-miit nal. 23.00-mut.

Malugiuk: Sila ajussagaluarpat ualikkut pisussat Sisimiut Timersortarfianni ingerlanneqarumaarput.