Eqqagassat angisuut

Eqqagassat angisuut 

Eqqagassat angisuut igitassat angisoorsuit, igaffimmi eqqaavimmi eqqaaviup puussaanut ikineqarsinaanngitsut soorlu assersuutigalugu pequtit, nillataartitsiviit, igaffiit, cykkilit, papkassit, qisuit allalluunniit.

Illuinnarmi najugaqarpiit imaluunniit piginneqatigiilluni illuutilinni imaluunniit inigisaq nammineerluni pigisami najugaqaruit una kommunip eqqagassanut angisuunut atuutsitaa atorsinnaavat.

Eqqagassanik angisuunik igitsiniaruit, periarfissanik marlunnik toqqaasinnaavutit.

Teknikkimut Avatangiisinullu immikkoortortamut oqarasuaat 86 74 60 imaluunniit 86 74 60 atorlugu sianerit, eqqagassallu sumut inississimanerlugit oqaluttuaralugu. Ulloq eqqakkanik katersivigineqartarpoq pingasunngorneq. Eqqagassat angisuut aqqusernup sinaanut ilissavatit eqqaavilerisunut tigujuminartunngorlugit.

Eqqagassaatitit marlunngornermi aqquserngup sinaanut ilikkit pingasunngornermi eqqagassanik katersisoqartarmat, eqqagassat sumut tamaanga siaruannginnissaat pillugit.   

INI 

A/S Inissiaatileqatigiiffik Ini-mi najugaqaruit eqqagassanut angisuunut atuutsitaa atoruk containerit inissiat eqqaaniittut