Sisimiuni akitsorterilluni tuniniaaneq

Qaammatini pingasuni inuttassarsiorneqareerlutik tullinnguuttut Qeqqata Kommunianit akitsorterunneqarlutik tuniniarneqarput. Akitsorterineq inatsit una tunngavigalugu pivoq, Avatangiisit innarlitsaaliorneqarnissaanik Inatsisartut inatsisaat nr. 9, 22. november 2011-meersoq.

Akitsorterullugit tuniniakkat ataani takukkit - akitsorterineq 10. julimut kinguartinneqarpoq 

Pineqartut qaammatini pingasuni kommunimit inuttassarsiuunneqareerput - piginnittumilli saaffiginnittoqanngilaq. Taamaalilluni pineqartut kommunimit pigineqalerput. Inuttassarsiuussineq tuniniaanerlu inatsit naapertorlugu ingerlanneqarput.
Akisunerpaamik neqerooruteqartoq pineqartunik pisinissaminut neqeroorfigineqassaaq.
Isikkuatut isikkoqartillugit kiisalu utertinneqarsinnaanngitsumik tunineqassapput.
Akiliuteqarsimaneq, bankikkut nuussinikkut imaluunniit akiliisimanermut uppernarsaatikkut kiisalu pisiat tiguneqarnerani inissiivissatut piginnittunngortoq nunaminertamik atugassinneqarsimanermut uppernarsaateqarneratigut, kommunimit nalunaarsorneqareerpat, taava tunisat tunniunneqassapput

Neqerooruteqarusukkuit, neqeroorut allakkap puuanut matoqqasumut "AUKTION 10/7-2017"-imik ilisarnaaserlugu Teknikkimut Avatangiisinullu immikkoortortamut tunniunneqassaaq.
Neqeroorut 2017-imi juulip qulingat nal. 11.00 tikitsinnagu Teknikkimut Avatangiisinullu immikkoortumut tunniunneqassaaq.
Neqeroorutit ataasinngorneq 10/7-2017 nal. 11.00 Teknikkimut Avatangiisinullu immikkoortortami ammarneqassapput.

Neqeroorummut ateq, najugaq, oqarasuaat imaluunniit maili eqqaamallugu ilanngutissagakku

Tiguneqareernerata kingorna, pisiat aanissaanut ullut pingasut qaangiutsinnagit pissaaq.

Akitsorterullugit tuniniakkat ataani aakkit. Malugiuk neqeroorutit kingusinnerpaamik aatsaat 10/7 2017 tunniunneqassammata, tuniniakkani allaqqasoq 3/7 2017 kukkusuummat.

Biilit 
Biilit 1
Biilit 2
Billit 3

Umiatsiat 
Umiatsiaq 1
Umiatsiaq 2
Umiatsiaq 3
Umiatsiaq 4
Umiatsiaq 5
Umiatsiaq 6

Quit
Qui 1

Umiatsialiviit
Umiatsialivik 1
Umiatsialivik 2
Umiatsialivik 3
Umiatsialivik 4

Assigiinngitsut
Assigiinngitsut 1
Assigiinngitsut 2
Assigiinngitsut 3

Qeqqata Kommunia

Teknik og miljø

+299 70 21 00

qeqqata@qeqqata.gl