airplanebooksbriefcase business cogs cross election entertainment fish house law lockmedicalpeopleselfservices socialtax

Suliariumannittussarsiuussineq

Suliariumannittussarsiuussisarnermut inatsit naapertorlugu suliariumannittussarsiuussisarnermut tunngasut kommunip tamanut saqqummiuttussaavai.

Tamanna aviisitigut, allagarsiussinikkut matumuunalu quppersakkakkut pisassaaq.

Suliariumannittussarsiuussineq kommunip sanaartornermut immikkoortotaqarfia peqatigalugu suliariumannittussarsiuussineq ingerlappagit, tamakku matumani quppernermi takusinnaassavatit.

Paasissutissat allat
Kommunimi suliariumannittussarsiuussinermut malittarisaasatigut arlaatigut apeqqutissaqaruit, Sisimiut Kommuneat attaviginissaanut tikilluaqqusaavutit.

Kommunip siusinnerusukkut suliariumannittussarsiuussimasai takorusukkukkit, sulianut toqqorsivimmi tamakku nassaarisinnaavatit.

Sisimiut Timersortarfiat naluttarfilerlugu allilerneqarnissaanut siunnersortinneq 

Sisimiuni Timersortarfik naluttarfilerlugu allilerneqarnissaanut pilersaarusiornermut atatillugu siunnersortimik matumuuna Qeqqata Kommuniata suliariumannittussarsiuuppaa.

Suliassaq ilaatigut Sisimiut Timersortarfiup qanoq issusaanik nalunaarsuinermik kiisalu iluarsartuunneqarnissaanut pisariaqartitsinermik ilusilersuinermik imaqarpoq. Timersortarfik 1971-79-imi sanaartorneqarpoq, 2006-imilu timigissartarfiliinikkut allilerneqarluni, maannakkullu 2232m2-imik annertussuseqarpoq.
Tamatuma saniatigut naluttarfiliilluni alliliinissamut atuinissamut siunnersuusiornermik kiisalu aningaasaateqarfinnut qinnuteqarnissanut siunnersuusiornissamik suliassaq imaqarpoq.

Neqeroorut kommunimut iluaqutaarnerpaaq malillugu suliassaq tunniunneqassaaq.

Qanoq issusianik nalunaarsuineq, iluarsartuunneqarnissamut pisariaqartitsinerup ilusilersornera aammalu naluttarfimmut atuisinnaanermut suliniutip piffissami februar 2021 – juni 2021 naammassineqarnissaa naatsorsuutigineqarpoq. Tamatuma kingornatigut suliniummut siunnersuummik aammalu neqeroortitsinissamut suliniummik ingerlatitseqqiinneq, suleriaqqinnissamut qaqugukkut aningaasaateqarfimmit neriorsuisoqarnissaa aammalu/imaluunniit aningaasaliisoqarnissaa apeqqutaalluni.

Suliariumannittusarsiuussinermut piffissaq, sumiiffissarlu neqeroortitsinermi nassuiaammi takuneqarsinnaassaaq.

Neqeroortitsinermi atortussat uunga inniminneerneqarsinnaapput:
mijo@qeqqata.gl oqarasuaat. 867395


Qeqqata Kommunia
Teknikkeqarnermut Avatangiisinullu immikkoortortaq
Guutaap Aqq. 5, B-1295
3911 Sisimiut

Tamanut suliariumannittussarsiuussineq - Qeqqata Kommunia, Maniitsumi kommunip allaffianik eqqiiaaneq

Qeqqata Kommuniani Teknikkimut Avatangiisinullu immikkoortoqarfiup matumuuna Maniitsumi kommunip allaffiani Eqqiiaaneq tamanut suliariumannittussarsiuuppaa.

Eqqiiaaneq piffissami januarip 1-ni 2021-mit decemberip 31-ta 2024-tungaanut ingerlassaaq.

Eqqiiaanerup annertussusaa Maniitsumi Kommuunip allaffiani eqqiiaanermut atatillugu suliassat allattorsimaffiini nassuiaatigineqarput.

Suliariumannittussarsiuussineq ingerlanneqassaaq Qeqqata Kommunia Teknikkimut Avatangiisinullu immikkoortoqarfimmi ulloq tallimanngorneq
decemberip 28-ni 2020 nal. 14:00.

Suliariumannittussarsiussinermi allassimaffii takunearsinnaapput qarasaasiakkut www.qeqqata.gl aamma Qeqqata Kommuniani Teknikkimut Avatangiisinullu immikkoortoqarfimmut saaffiginninnikkut inniminnerneqarsinnaapput allasimaffii Tlf. 817842 Mobil 247841 qarasaasiakkut nassiunneqarsinnaapput saafiginnikkuit mail knol@qeqqata.gl -mut. Atortut aamma uani nammineerluni aaneqarsinnaapput: Udbudsmateriale.

Decemberip 18-ta 2020 kingorna suliariumannittussarsiussinermi atortussanik inniminniisut naatsorsuutigissanngilaat akuerineqarnissat. Suliariumannittussarsiuussinermi allatukkat naatsersutigisasallu ulloq tallimanngorneq decemberip 4-ni 2020-mit nassiunneqarsinnaapput. 

Qeqqata Kommuniani Teknikkimut Avatangiisinullu immikkoortoqarfik Maniitsoq imminut pisinnaatippoq neqeroorutit takkuttut akornanni toqqaanissaminut, pissutsit immikkut ittut takutippassuk minnerpaamik neqeroortup qininnginissaanut imaluunniit tamaasa itigartillugit.

Nalunnguarfiup Atuarfiata Minihalliata eqqiarneqartarnera suliariumannittussarsiuunneqarnera 

Suliaq siuliani taaneqartoq Qeqqata Kommuniata matumuuna tamanut suliariumannittussarsiuuppaa.

Akigititap pitsaassutsillu akornanni pitsaanerpaamik tunniussisinnaasoq najoqqutarineqassaaq. Sullissineq, suliassap aaqqissuunneqarnera, matumani sulisut piginnaasaat misilittagaallu ilanngullugit pitsaassutsimut piumasaqaataasut inissinneqassapput.

Minihallen-ip eqqiarneqartarnissaani makkua pineqarput: Isaariaq, Eqaarsaartarfik, perusuersartarfiit uffarffiillu, toqqorsivik eqqiaanermullu toqqorsivik.

Ersarinnerusumik nassuiaatit, suliassallu nassuiaataa ersarinnerusoq, saaffiginnissuteqarnikkut pissarsiarineqarsinnaavoq:
Nalunnguarfik Atuarfia
Paamaap Kuua 10
3911 Sisimiut
e-mail: nalunng@qeqqata.gl

Suliariumannittussarsiuussinermi atortut, neqerooruteqartup mailikkut tigusinnaavai. Atortut aamma uani nammineerluni aaneqarsinnaapput: Udbudsmateriale.

Suliassamik tigusisumut isumaqatigiissut ukiuni pingasuni atuutissaaq, taannalu 2021-imi januarip 1-anit 2023-mi decemberip 31-iani naammassineqassaluni.

Neqeroorut allakkap puussaanut matoqqasumut poorlugu, kingusinnerpaamik 2020-imi decemberip 7-iani nal. 12:00 Nalunnguarfiup Atuarfianut tunniunneqassaaq. Neqeroorut qulaani e-mailimut aamma nassiunneqarsinnaavoq.