Sanaartukkat tuniniakkat

Uani takusinnaavat Qeqqata Kommunia sanaartukkat suut tuniniagaanersut.

Qeqqata Kommuniata B-601, Siimuup Aqq. 10, Sisimiut tuniniarpaa. 

2018-imi februaarip aallaqqaataani isumaqatigiissuteqarnikkulluunniit tiguneqarsinnaavoq.

Illu 1965-imi sanaartorneqarpoq, 61,5 m2-isullu annertussuseqarluni. Illu imermut atassusigaanngilaq aammalu perusuersartarfia annittagaalluni. Piserusussinnaasunut B-601-imik alakkaatitsineq, Teknikkeqarnermut, Aatsitassanut Avatangiisinullu Immikkoortortami illuutinik nakkutilliisumut Hans Frederik Olsen-imut saaffiginnissuteqarnernikkut alakkaasinneqarsinnaapput. Hans Frederik oqarasuaat 867465-imut aamma e-mailadresse hfro@qeqqata.gl attavigineqarsinnaavoq.

B-601 taamatut isikkoqartillugu tuniniarneqarpoq, tunisereernerullu kingorna tuniniaasoq akisussaatinneqarsinnaanani.

Tunisinermi toqqaannartumik aningaasartuutit tamarmik, pisisumit matussuserneqassapput.

Qallunaat aningaasanngorlugu allaganngorlugu neqeroorut kiisalu ateq, najugaq aamma oqarasuaatip normua / emaililuunniit ilanngullugit uunga nassiunneqassapput tunniunneqarlutilluunniit:

Qeqqata Kommunia
Teknikkeqarnermut, Aatsitassarsiornermut Avatangiisinullu immikkoortortaq
Postboks 1014
3911 Sisimiut

Ilisarnaat: B-601-imik pisinissamik neqeroorut


Pisiarinissaanik neqeroorut allaganngorlugu allakkap puussaanut matoqqasumut poorlugu tunniunneqanngikkuni nassiunneqassaaq, kingusinnerpaamillu 2018-imi tallimanngornermi januaarip 12-iani nal. 12.00 kommunimit tiguneqareersimassalluni. Neqeroorutit piffissaagallartillugu tiguneqartut, ulloq taanna nal. 12.00 TAA-p ataatsimiittarfiani neqeroorutinik ammaanermi ammarneqassapput. Neqerooruteqartut allallu soqutiginnittut, neqeroorutinik tiguneqarsimasunik ammaanermi peqataanissaminnut soorunalimi tikilluaqqusaapput.

Neqeroorutit allanngortinneqarsinnaassanngillat, piumasaqaatitaqassanngillat nangaassuteqassanatillu. Tuniniaasup akuersineranit kingusinnerpaamik ullut tallimat qaangiuppata, pisinissamut toqqorsisoqanngikkuni qularnaveeqqusiisoqassaaq.

Neqeroorutinik tamanik Qeqqata Kommunia itigartitsisinnaatitaavoq.