Sulinngiffeqarneq – Sulinngiffeqarnermut aningaasaateqarfik aamma sulinngiffeqarnermi akiliunneqarluni angalaneq

Sulinngiffeqarneq – Sulinngiffeqarnermut aningaasaateqarfik aamma sulinngiffeqarnermi akiliunneqarluni angalaneq 

Sulinngiffeqarneq akisusinnaasarpoq. Assersuutigalugu timmisartumut ikissutissanut aamma unnuisarfimmiinnermut akiliuteqartoqartarpoq. Taamaammat pisortani atorfillit ilaat sulinngiffeqarluni angalanissamut tapiiffigineqarnissamik qinnuteqarsinnaapput.

Sulinngiffeqarluni tapiiffigineqarnissamik pisortani atorfillit tamarmik pisinnaatitaanngillat. Tamanna illit isumaqatigiissummi atukkanni aalajangigaavoq. Illit isumaqatigiissutivit aalajangertarpai:

  • Sulinngiffeqarnermut tapiissutinik qinnuteqarnissamut pisinnaatitaanersutit
  • Qanoq annertutigisunik qinnuteqarsinnaanersutit
  • Aaqqissuussinermut kina akiliisussaanersoq. Nalinginnaasumik illit sulisitsisut taannaasarpoq, qaammatit tamaasa aningaasanik aalajangersimasunik amerlassusilinnik akiliuteqartartoq


Tapiissuteqartarnermik aaqqissuussinerit tapiissutinik qinnuteqarfigisinnaasatit assigiinngitsut pigineqarput. Aaqqissuussinerit agguataarneqarsinnaapput ukununnga:

  • Sulinngiffeqarnermut aningaasaateqarfiit
  • Sulinngiffeqarluni angalanernut tapiissuteqaatit
  • Sulinngiffeqarnermi akiliunneqarluni angalaneq


Illit akissarsiavit allagartaanni imaluunniit isumaqatigiissutinni, aaqqissuussinermut sorlermut ilaanersutit atuarneqarsinnaavoq taamaalillunilu sulinngiffeqarnissamut tapiiffigineqarnissamik sumut qinnuteqarsinnaanersutit. Isumaqatigiissummut taama ittumut ilaanerlutit paaserusukkukku, akissarsiavit allagartaat misissortariaqarpat imaluunniit isumaqatigiissutit atuarlugu. Suli nalornissuteqaruit, suliffinni sinniisoq imaluunniit peqatigiiffik ilaasortaaffiit aperisinnaavat.

Allaaserisat attuumassutillit

Qeqqata Kommunia
Postboks 1014
3911 Sisimiut
Oqarasuaat: (+299) 70 21 00
Fax: (+299) 70 21 77
E-mail: qeqqata@qeqqata.gl
Nittartagaq: www.qeqqata.gl
Aningaasaqarnermut Sulisoqarnermullu Aqutsisoqarfik (ASA)
Aqqusinersuaq 5
Postboks 1039
3900 Nuuk

Oqarasuaat: (+299) 34 50 00
Fax: (+299) 32 44 48
E-mail: asa@nanoq.gl