Sulinermik inuussutissarsiuteqartunut qularnaveeqqusiisarfik (LG) – Nalinginnaasumik paasissutissiineq qinnuteqarnerlu

Sulinermik inuussutissarsiuteqartunut qularnaveeqqusiisarfik (LG) – Nalinginnaasumik paasissutissiineq qinnuteqarnerlu 

Lønmodtagernes Garantifond (LG) (Sulinermik inuussutissarsiuteqartunut qularnaveeqqusiisarfik) tassaavoq aningaasaateqarfik, suliffeqarfik illit suliffigisat akiliisinnaajunnaarpat, taamaattumillu feeriaqarnersiutitit tigusinnaajunnaarlugit, feeriaqarnersiutissatit annaasatit tiguniarlugit qinnuteqarfigisinnaasat. LG tassaavoq Danmark-imi ATP-p ataani aaqqissuussineq.

LG aqqutigalugu feeriaqarnersiutissatit annaasatit tigusinnaajumallugit suliffeqarfimmi akiliisinnaajunnaartumik akissarsiaqartuusimassaatit. Feeriaqarnersiutissatit annaasatit matussuserneqarnissaat qinnutiginiarlugit qinnuteqarnermi immersugassiaq atussavat. Taanna periutsit pingasut atorlugit pissarsiarisinnaavat:
  • Qinnuteqarnermi immersugassiaq uani pissarsiarisinnaavat: www.atp.dk
  • Inuussutissarsiornermut, Aatsitassaqarnermut Suliffeqarnermullu Naalakkersuisoqarfimmut saaffiginnissinnaavutit
  • Sinerissami Suliffissarsiuussisarfinnut saaffiginnissinnaavutit

Feeriaqarnersiutissatit annaasatit tigusinnaajumallugit qinnuteqarninni makku ilanngullugit nassiunneqarnissaat eqqaamassavatit:
  • Akissarsiavit allagartaat
  • Akileraartarnermut allagartaq

Qinnuteqaat e-mail-ikkut uunga nassiussinnaavat: LG@atp.dk.

Qinnuteqaatit aamma Inuussutissarsiornermut, Aatsitassaqarnermut Suliffeqarnermullu Naalakkersuisoqarfimmut tunniussinnaavat imaluunniit nassiussinnaavat.

Qinnuteqaatit Naalakkersuisoqarfimmit tiguneqaruni ATP-mut ingerlateqqinneqarnissaa isumagissavaa.

Malugiuk
Akiliisinnaajunnaarneq pillugu allagaq Nunatta Eqqartuussivianit tiguneqaqqaartinnagu qinnuteqaatit LG-mit suliarineqarsinnaanngilaq. Akiliisinnaajunnaarneq pillugu allakkap siusinnerusukkut suliffigisavit akiliisinnaajunnaarnera uppernarsassavaa. Akiliisinnaajunnaarneq pillugu allagaq LG-mit tiguneqarpat qinnuteqaativit naammassillugu suliarinissaata tungaanut qaammatit marluk missaat ingerlasinnaapput.

Qinnuteqaatit suliarineqareeruni aningaasat illit konto-nnut toqqaannartumik ikineqassapput.

Allaaserisat attuumassutillit

Qeqqata Kommunia
Postboks 1014
3911 Sisimiut
Oqarasuaat: (+299) 70 21 00
Fax: (+299) 70 21 77
E-mail: qeqqata@qeqqata.gl
Nittartagaq: www.qeqqata.gl
Aningaasaqarnermut Sulisoqarnermullu Aqutsisoqarfik (ASA)
Aqqusinersuaq 5
Postboks 1039
3900 Nuuk

Oqarasuaat: (+299) 34 50 00
Fax: (+299) 32 44 48
E-mail: asa@nanoq.gl