Aningaasarsiat tapisiallu – Tapisiat pillugit nalinginnaasumik paasissutissiineq

Aningaasarsiat tapisiallu – Tapisiat pillugit nalinginnaasumik paasissutissiineq 

Pisortani suliffeqaruit tunngaviusumik aningaasarsiavit saniatigut tapisiaqarsinnaatitaasinnaavutit. Tapisiat sorliit pisinnaatitaaneritit isumaqatigiissutinni aalajangersarneqarpoq. Tamatuma saniatigut atorfinnut atasumik tapisiaqarsinnaatitaasinnaavutit.

Pisortani suliffeqartut tapisiaat assigiinngitsorujussuupput. Ataatsimut isigalugu tapisiat makku pigineqarput:

  • Isumaqatigiissut malillugu tapisiat aalajangersimasut
  • Suliamut tapisiat
  • Piginnaasat malillugit tapisiat
  • Inuttut tapisiat


Isumaqatigiissut malillugu tapisiat aalajangersimasut
Isumaqatigiissut malillugu tapisiat aalajangersimasut tassaapput atorfiit pissutigalugu tapisiat ingerlaannartumik pissarsiarisinnaasatit. Taakku assersuutigalugu tassaasinnaapput:

  • Aqutsisutut tapisiat, aqutsisutut atorfeqaruit
  • Suliartoqquneqaratarsinnaanermut tapisiat, suliartoqquneqaratarnissannut atorfinni pisussaatitaaguit imaluunniit immikkut aningaasarsiaqartinneqarnak sulinissannut pisussaatitaaguit


Isumaqatigiissut malillugu tapisiat atorfimmi atorfinitsinneqarninnut atatillugu isumaqatigiissutigineqartarnerat nalinginnaasuuvoq.


Suliamut tapisiat
Suliamut tapisiat tassaapput tapisiat suliassanik aalajangersimasunik isumagisaqarlutit pissarsiarisinnaasatit. Taakku assersuutigalugu tassaasinnaapput:

  • Oqaluttaanermut tapisiat, oqalutsitut atorfeqanngikkaluarlutit akuttunngitsumik oqaluttaasaruit
  • Piareersimasuulluni sulinermut tapisiat, assersuutigalugu isumaginninnermi siunnersortitut piareersimasutut suleqqusaaguit


Suliamut tapisiat atorfinni atorfininninnut atatillugu isumaqatigiissutigineqartarnerat nalinginnaasuuvoq, aammali ingerlaavartumik isumaqatiginninniutigineqarsinnaallutik, assersuutigalugu atorfiup imarisai allanngorneqarpata.


Piginnaasat malillugit tapisiat
Piginnaasat malillugit tapisiat tassaapput inuttut piginnaasatit tunngavigalugit pissarsiarisinnaasatit. Taakku assersuutigalugu tassaasinnaapput:

  • Allaffimmi fuldmægtig-itut atorfeqaruit aammalu Ammaassisoq aqqutigalugu ilinniaqqissimaguit
  • Peqqinnissami ikiortitut atorfeqaruit aammalu qinnguartaasartumut ikiortitut ilinniaqqissimaguit


Piginnaasat malillugit tapisiat atorfimmi atorfinitsinneqarninni isumaqatigiissutigineqartarnerat nalinginnaasuuvoq. Suliassaqarfiilli ilaannut atatillugu pikkorissarnerit ilinniaqqinnerilluunniit naammassisatit ilutigalugit piginnaasat malillugit aamma tapisiaqalersinnaavutit. Tamanna suliassaqarfimmut isumaqatigiissummi takuneqarsinnaasarpoq, tassa tapisiaqalernissamut periarfissat suunerat.


Inuttut tapisiat
Inuttut tapisiat tassaapput tapisiat inuttut suliatit piginnaanitilluunniit aallaavigalugit pissarsiarisinnaasatit. Taakku assersuutigalugu tassaasinnaapput attassiinnarnissamut tapisiat imaluunniit tapisiat agguaanneqartussat. Isumaqatigiissutit ilaannaat inuttut tapisiaqarnissamut periarfissiipput. Taamaattoqartillugu inuttut tapisiat ingerlaavartumik isumaqatiginninniutigineqartarnerat nalinginnaasuuvoq.


Malugiuk
Tapisiat sorliit pissarsiarisinnaanerinut atorfiit isumaqatigiissutillu apeqqutaapput. Tapisiat sorliit pissarsiarisinnaanerlugit annertunerusumik paasisaqarusukkuit aqutsisunnut sinniisorisannulluunniit saaffiginnissinnaavutit.

Piginnaasat malillugit tapisianut aammalu inuttut tapisianut atatillugu sulisitsisoq tapisiaqartitsinissamut itigartitsinissaminut periarfissaqarmat, aamma naak isumaqaraluarlutit tapisiaqarsinnaatitaasutit.

Allaaserisat attuumassutillit

Qeqqata Kommunia
Postboks 1014
3911 Sisimiut
Oqarasuaat: (+299) 70 21 00
Fax: (+299) 70 21 77
E-mail: qeqqata@qeqqata.gl
Nittartagaq: www.qeqqata.gl
Aningaasaqarnermut Sulisoqarnermullu Aqutsisoqarfik (ASA)
Aqqusinersuaq 5
Postboks 1039
3900 Nuuk

Oqarasuaat: (+299) 34 50 00
Fax: (+299) 32 44 48
E-mail: asa@nanoq.gl