Soraarnerussutisiat – Qaammammusiallit

Soraarnerussutisiat – Qaammammusiallit 

Innuttaasut tamarmik 65-inik ukioqaleraangamik utoqqalinersiuteqarlernissamut pisinnaatitaapput. Pisortani atorfeqaruit taakku saniatigut sulinerit aqqutigalugu soraarnerussutisiassannik isertitaqartarputit. Qaammammusiaqaruit nalinginnaasumik soraarnerussutisiaqarnermut aaqqiissuussinermut ilaasimassaatit, matumani

  • imaassinnaavoq illit soraarnerussutisiassannut ikioraavigisannut illit sulisitsisut kisimi qaammammut ikisisartoq
  • imaluunniit illit sulisitsisullu qaammammut aningaasanik ikisisartut


Tunniussineq
60-inik ukioqaleruit soraarnerussutisiaqalernissamut pisinnaatitaavutit illillu soraarnerussutisiassanik ikioraavinniit soraarnerussutisianik tunineqarsinnaalissallutit. Aamma soraarnerussutisiaqalernissat kinguartissinnaavat, assersuutigalugu 65-inik ukioqalernissavit tungaanut. Soraarnerussutisiaqalernissavit kinguartittarnera sivitsoraluttuinnartillugu, soraarnerussutisiassatit amerligaluttuinnassapput.

Soraarnerussutisiavit amerlassusissaasa aallaavigissavaa ilaatigut

  • Soraarnerussutisiassannut ikioraavinnut illit sulisitsisullu qanoq amerlatigisunik ikisisimanersi
  • Illit soraarnerussutisiaqalereernerpit kingorna qanoq sivisutigisumik inuunissat naatsorsuutigineqarnersoq (soraarnerussutisiassannut ikioraavigisannit naatsorsorneqartoq aamma kisitsisinik atuilluni (aktuarmæssig) natsorsuinermik taaneqartartoq)


Siusinaartumik soraarnerussutisiat
Siusinaartumik soraarnerussutisiaqalersimaguit, assersuutigalugu peqqissutsivit sulisinnaajunnaarsissimallutit, soraarnerussutisiassannut ikioraavinniit soraarnerussutisiassatit tigusinnaavatit – aamma suli 60-inik ukioqalinngikkaluarlutit. Siusinaartumik soraarnerussutisialinnut soraarnerussutisiassanik tunniussinermut maleruagassat immikkuullarissut, soraarnerussutisiassanik ikioraaviit malittarisassaannik ataasiakkaani atuarneqarsinnaasarput.


Malugiuk
Sulisartut peqatigiiffiannut ilaasortaaguit, taanna soraarnerussutisiaqalernissat imaluunniit utoqqalinersiuteqalernissat sioqqullugu attaveqarfigisariaqarpat matumalu kingorna soraarnerussutisiassannut ikioraavigisat attaveqarfigalugu.

Sulisartut peqatigiiffiannut ilaasortaanngikkuit, nammineerlutit soraarnerussutisiassannut ikioraavigisannut saaffiginnissaatit.

Allaaserisat attuumassutillit

Qeqqata Kommunia
Postboks 1014
3911 Sisimiut
Oqarasuaat: (+299) 70 21 00
Fax: (+299) 70 21 77
E-mail: qeqqata@qeqqata.gl
Nittartagaq: www.qeqqata.gl
Aningaasaqarnermut Sulisoqarnermullu Aqutsisoqarfik (ASA)
Aqqusinersuaq 5
Postboks 1039
3900 Nuuk

Oqarasuaat: (+299) 34 50 00
Fax: (+299) 32 44 48
E-mail: asa@nanoq.gl