Soraarnerussutisiat – SIK

Soraarnerussutisiat – SIK 

Innuttaasut kikkulluunniit 65-inik ukioqalernerminni utoqqalinermi soraarnerussutisiaqarsinnaatitaapput. Tamatuma saniatigut pisortani atorfeqaruit suliffiit aqqutigalugu soraarnerussutisiassanik katersisarputit. SIK-p isumaqatigiissutaa malillugu atorfinitsinneqaruit illit sulisitsisullu SIK-p Sulinermik Inuussutissarsiuteqartut Soraarnerussutisiaqalernissamut Aningaasaateqarfianut (SISA) qaammatit tamaasa soraarnerussutisiassanut akiliuteqartassaasi.


Tunniussineq
60-inik ukioqaleruit soraarninngorsinnaatitaalissaatit aammalu SISA-mi soraarnerussutisiassatit tunniunneqassallutik. Aamma soraarninngornissat kinguartissinnaavat assersuutigalugu 65-inik ukioqalernissavit tungaanut. Soraarninngornissat kinguartikkukku soraarnerussutisiassat amerliartuinnassapput.

Soraarnerussutisiassavit amerlassusissaannut makku apeqqutaapput

  • illit sulisitsisullu soraarnerussutisiaqalernissamut aningaasaateqarfimmut qanoq annertutigisumik akiliisimanersusi
  • piffissami soraarninngorfivit nalaani qanoq sivisutigisumik inuuneqarsinnaanerpit naatsorsorneqarnera (soraarnerussutisiaqalernissamut aningaasaateqarfimmit naatsorsorneqassaaq aammalu taagorneqarluni kisitsisit paasissutissallu tunngavigalugit naatsorsuineq (aktuarmæssig beregning))


Siusinaartumik soraarnerussutisiat
Siusinaartumik soraarnerussutisiaqaleruit, assersuutigalugu peqqiilliornerit pissutigalugu sulisinnaajunnaaruit soraarnerussutisiaqalernissamut aningaasaateqarfimmit soraarnerussutisiassatit pissarsiarisinnaavatit – aamma 60-inik ukioqalersimanngikkaluaruilluunniit. Siusinaartumik soraarnerussutisialinnut soraarnerussutisiat tunniunneqartarnerat pillugu maleruaqqusat immikkut ittut soraarnerussutisiaqalernissamut aningaasaateqarfiup maleruaqqusaani allassimapput.


Malugiuk
Akunnermusiaqaruit aatsaat 20-nik ukioqalernerpit kingorna sulisitsisut SISA-mut soraarnerussutisiassannut akiliisalissaaq.

Aallaavittut isigalugu soraarnerussutisiassannut aaqqissuussaq atorunnaarsissinnaanngilat. Tassa imaappoq aatsaat soraarninngoruit soraarnerussutisiassanut aningaasaateqarfimmit aningaasassatit pissarsiarisinnaavatit.

Peqatigiiffimmi ilaasortaaguit soraarninngornissat sioqqullugu tassunga saaffiginnittariaqarputit, siusinaartumik soraarnerussutisiat imaluunniit utoqqalinermi soraarnerussutisiat pineqarnerat apeqqutaatinnagu, tamatumalu kingorna soraarnerussutisiaqalernissamut aningaasaateqarfiit saaffigalugu.

Peqatigiiffimmi ilaasortaanngikkuit soraarnerussutisiaqalernissamut aningaasaateqarfimmut nammineq saaffiginnissaatit.

Allaaserisat attuumassutillit

Qeqqata Kommunia
Postboks 1014
3911 Sisimiut
Oqarasuaat: (+299) 70 21 00
Fax: (+299) 70 21 77
E-mail: qeqqata@qeqqata.gl
Nittartagaq: www.qeqqata.gl
Aningaasaqarnermut Sulisoqarnermullu Aqutsisoqarfik (ASA)
Aqqusinersuaq 5
Postboks 1039
3900 Nuuk

Oqarasuaat: (+299) 34 50 00
Fax: (+299) 32 44 48
E-mail: asa@nanoq.gl