Soraarnerussutisiat – Tjenestemand

Soraarnerussutisiat – Tjenestemand 

Tjenestemand-itut pisortani atorfeqaruit inuunerpit sinnera soraarnerussutisiaqartinneqassaatit. Inuunerup sinnera soraarnerussutisiat inuunerup sinnera tunniunneqartarput. Tassa imaappoq soraarninngorninnit inuunerpit sinnera soraarnerussutisiaqarsinnaatitaasutit – qanorluunniit ukioqqortulertigigaluaruit. Soraarnerussutisiassavit amerlassusissaannut makku apeqqutaapput

  • piffissami soraarninngorfinni aningaasarsiatigut inissisimaffiit
  • aammalu 25-inik ukioqalernerpit kingorna ukiut qassit tjenestemand-itut sulisimanerlutit. Taamaattorli ukiuni 37-ini tjenestemand-itut sulisimaneq soraarnerussutisiassat naatsorsorneranni annertunerpaaffissaavoq


Tunniussineq
Tjenestemand-iuguit tjenestemand-itut soraarnerussutisiassavit ilinnut tunniunneqarnissaat sulisitsisunnit isumagineqassaaq pensionisiaqarlutit soraarnissavit akuerineqarneranut atatillugu. 60-inik ukioqaleruit tjenestemand-itut soraarnerussutisiassatit ilinnut tunniunneqarsinnaatitaapput.


Soraarsitaaneq
Pissusissanik saneqqutsinermik peqquteqartumik soraarsitaaguit aatsaat 60-inik ukioqaleruit soraarnerussutisiassatit pissarsiarisinnaassavatit. Pissusissanik saneqqutsinermik peqquteqartumik aatsaat soraarsitaasoqarsinnaavoq atorfimmi unioqqutitsisoqarsimappat. Tamanna assersuutigalugu tassaasinnaavoq peqquserlunneq imaluunniit aningaasanik paaritinneqartunik tillinneq.

Missingiilluni naliliineq tunngavigalugu soraarsitaasimaguit tjenestemand-itut atorfinnit ullormit soraarninnit soraarnerussutisiassatit pissarsiarissavatit. Taamaattorli sivikinnerpaamik ukiuni qulini tjenestemand-itut atorfeqarsimanissat piumasaqaataavoq.

Missingiilluni naliliineq tunngavigalugu soraarsinneqarneq tassaavoq sulisitsisuit nalilerpagu suliassatit ingerlassinnaanngikkitit imaluunniit piffissap akuerineqarsinnaanerup ingerlanerani suliffinnut utersinnaanngitsutit naatsorsuutigippagu.


Naatsorsuineq
Soraarninnut atatillugu soraarnerussutisiassavit annertussusissaat sulisitsisuit naatsorsussavaa ilinnullu paasissutissiissutigalugu.

Allaaserisat attuumassutillit

Qeqqata Kommunia
Postboks 1014
3911 Sisimiut
Oqarasuaat: (+299) 70 21 00
Fax: (+299) 70 21 77
E-mail: qeqqata@qeqqata.gl
Nittartagaq: www.qeqqata.gl
Aningaasaqarnermut Sulisoqarnermullu Aqutsisoqarfik (ASA)
Aqqusinersuaq 5
Postboks 1039
3900 Nuuk

Oqarasuaat: (+299) 34 50 00
Fax: (+299) 32 44 48
E-mail: asa@nanoq.gl