Nuunnermi tapiissutisiat – Nalinginnaasumik paasissutissiineq

Nuunnermi tapiissutisiat – Nalinginnaasumik paasissutissiineq 

Kalaallit Nunaanni suliffissaqartitsiniarneq pisortanit aamma namminersortunit ingerlatsivigineqarpoq. Namminersortuni aamma pisortani sulinermi atugassarititaasut inatsisit aqqutigalugit maleruagassiorneqarsimapput. Pisortani atorfillit atorfeqarnermi atugaat matumani aamma isumaqatigiissut, atorfillit ataasiakkaat malitaat, malillugit maleruagassiorneqarsimapput. Kinguliini allassimasut pisortani atorfilinnuinnaq atuupput.

Suliffimmik nutaamik peqalernermut, suliffik nutaaq najugaqarfigisanniit allami inissisimappat, atatillugu nuunnermi aningaasartuutinik amerlasuunik nassataqarsinnaavoq. Pisortani aalajangersimasumik atorfinitsinneqaruit, taamaammat nuunnermi tapiissuteqarfigineqarnissamut pisinnaatitaasinnaavutit.

Nuunnermi tapiissutinik pisinnaatitaavutit, illit suliffimmut nutaamut atatillugu nuuttussanngoruit:

  • Kalaallit Nunaanni illoqarfimmiit allamiit allamut
  • Danmark-imiit Kalaallit Nunaannut


Nuunnermi tapiissutinik pisinnaatitaaguit, sulisitsisuit nutaap aningaasartuutitit akilissavai makku:

  • Angalaneq
  • Pequtit assartornerat


Atorfissarsiuussinermi allaqqassapput:

  • Nuunnermi tapiissutinik pissarsisinnaatitaanersutit
  • Angalanermut aamma pequtit assartornerannut aningaasartuutit matussuserneqarnissaannut pisinnaatitaanersutit


Angalanermi aningaasartuutit
Angalaninnut aningaasartuutivit akilerneqarnissaannut pisinnaatitaaguit, maanna illoqarfigisanniit illoqarfigiligassannut nunaqarfigiligassannulluunniit angalanissat akilersissinnaavat. Aningaasartuutit akilersissinnaavatit ukununnga:

  • Illit
  • Ilaquttatillu


Pequtit assartorneqarnerat
Pequtivit assartorneqarnerata akilerneqarnissaanut pisinnaatitaaguit, illit sulisitsisuit akilissavai makku

  • Pequtivit poortorneqarnerat
  • Aamma najugaqarfissannut nutaamut nassiunnerat


Suliffeqarfimmut nutserisarfiusumut akuerisaasumut sulisitsisuit nutaap nuunnermi innersuussutitut akiliutissaq nassiutissavaa. Matuma kingorna suliffeqarfiup nutserisarfiusup attavigissavaatit, isumaqatigiissaasilu illit pequtitit qaqugu poortorneqassanersut.

Najugaqarfissannut nutaamut tikikkuit, suliffeqarfimmut nutserisarfimmut isumaqatigiissuteqassaatit, pequtitit sumut qaqugulu aggiunneqassanersut.


Suliffimmit soraarnermi
Atorfiit ilaasa nuunnermi tapiissuteqarfigineqarnissamut pisinnaatissinnaavaatsit, illit atorfinnit soraaruit. Taamaattoq sivikinnerpaamik ukiuni pingasuni atorfimmi tassani atorfeqarsimanissat piumasaqaataassaaq.

Atorfinnit soraaruit, ukiut pingasut suli atorfininninniit qaangiutinngitsut, illoqarfigisimasannut uterninni pequtivit assartornerannut akiliutsinnavianngilatit.

Allaaserisat attuumassutillit

Qeqqata Kommunia
Postboks 1014
3911 Sisimiut
Oqarasuaat: (+299) 70 21 00
Fax: (+299) 70 21 77
E-mail: qeqqata@qeqqata.gl
Nittartagaq: www.qeqqata.gl
Aningaasaqarnermut Sulisoqarnermullu Aqutsisoqarfik (ASA)
Aqqusinersuaq 5
Postboks 1039
3900 Nuuk

Oqarasuaat: (+299) 34 50 00
Fax: (+299) 32 44 48
E-mail: asa@nanoq.gl