Qanigisaralugit ilaquttat napparsimanerat toqunerallu – Sulinnginnissamik qinnuteqarneq

Qanigisaralugit ilaquttat napparsimanerat toqunerallu – Sulinnginnissamik qinnuteqarneq 

Qanigisaralugit ilaquttat perulullutik napparsimalertillugit amerlasuut najorusuttarpaat. Aammattaaq qanigisaralugit ilaquttat toqukkut qimaguttut amerlasuut inuulluaqqorusuttarpaat. Taamaattorli tamanna suliffimmut aningaasaqarnermullu ataqatigiissikkuminaattarpoq. Pisuni taamaattuni qanigisaralugit ilaquttat najornissaannik kissaatit akuerineqarnissaat eqqarsaatigalugu pisortani sulisut amerlanersaat aningaasarsiaqarlutik sulinngissinnaatitaapput akiliunneqarlutillu angalasinnaatitaallutik.

Qanigisaralugu ilaquttavit ilaat perululluni napparsimappat toquppalluunniit suliffinni aqutsisut saaffigissavat qanoq ilillutit sulinngissinnaanerlutit immaqalu akiliunneqarlutit angalasinnaanerlutit erseqqinnerusumik paasiniarlugu.


Piumasaqaatit
Aningaasarsiaqarlutit sulinngiffeqarsinnaanissanni immaqalu akiliunneqarlutit angalasinnaanissanni uppernarsarsinnaassavat qanigisaralugu ilaqutarisat perululluni napparsimasoq imaluunniit toqukkut qimagussimasoq:

  • Qanigisaralugu ilaqutarisat perululluni napparsimappat sulinnginnissannik qinnuteqarniaruit nakorsamit oqaaseqaammik sulisitsisunnut tunniussissaatit. Nakorsamit oqaaseqaammik pissarsissaatit. Napparsimasoq ima perulutsiginersoq ilaqutaasut aggersarneqartariaqarlutik nakorsamit nalilerneqassaaq. Tamanna nakorsamit oqaaseqaammit erseqqissumik allassimassaaq
  • Qanigisaralugu ilaqutarisaq toqukkut qimagussimappat toquneranut uppernarsaatip nuutinnera sulisitsisunnut tunniutissavat. Toquneranut uppernarsaatip tunniunnissaa angerlarnissannut utaqqissussinnaavat


Naammagittaalliuteqarneq
Perululluni napparsimasoqarnera toqusoqarneraluunniit pissutigalugit sulinnginnissat qinnutigisimagukku aammalu eqqunngitsumik itigartinneqartutut misigisimaguit peqatigiiffinnut naammagittaalliuteqarsinnaavutit. Tamatuma kingorna peqatigiiffivit suliaq ilinnut tunngasoq sulisitsisunnut oqaloqatigiissutigisinnaavaa.

Allaaserisat attuumassutillit

Qeqqata Kommunia
Postboks 1014
3911 Sisimiut
Oqarasuaat: (+299) 70 21 00
Fax: (+299) 70 21 77
E-mail: qeqqata@qeqqata.gl
Nittartagaq: www.qeqqata.gl
Aningaasaqarnermut Sulisoqarnermullu Aqutsisoqarfik (ASA)
Aqqusinersuaq 5
Postboks 1039
3900 Nuuk

Oqarasuaat: (+299) 34 50 00
Fax: (+299) 32 44 48
E-mail: asa@nanoq.gl