Napparsimaneq – Isertitat

Napparsimaneq – Isertitat 

Kalaallit Nunaanni suliffeqarfeqarfiit pisortanit namminersortunillu ingerlanneqarput.
Namminersortut pisortallu suliffeqarfiutaanni sulinermut atatillugu pissutsit inatsisit aqqutigalugit naleqqussagaapput. Tamatuma saniatigut pisortani atorfeqartunut atorfinitsinneqarnermi atugassarititaasut isumaqatigiissummi sulisut ataasiakkaat atorfinitsinneqarneranni malinneqartuni aamma maleruagassiorneqarput. Matuma kinguliani allassimasut pisortani atorfeqartunut taamaallaat atuupput.

Sulisinnaatillutit suliffivit paarinissaanut pisussaatitaavutit. Napparsimaleruilli peqqissinissavit tungaanut angerlarsimaannarnissat pisariaqalersinnaassaaq. Pisortani atorfeqartutut napparsimaninnut atatillugu pisinnaatitaaffeqarlutillu pisussaaffeqarputit.


Pisussaaffiit
Suliffeqartillutit napparsimaleruit sulisitsisunnut arlalinnik pisussaaffeqarputit. Napparsimaleruit tamaalillutillu suliffiit paarisinnaanagu pisussaavutit:

  • Ullormi napparsimaffinni siullermi sulisitsisunnut saaffiginnissallutit napparsimanerillu nalunaarutigalugu
  • Ullut pingasut sinnerlugilluunniit nakorsamit oqaaseqaat atorlugu napparsimanerit uppernarsarlugu


Ullormi napparsimaffinni siullermit nakorsamit oqaaseqaat atorlugu napparsimanerit uppernarsassagit sulisitsisuit piumasarisinnaavaa.

Napparsimanermut uppernarsaat nakorsap oqaaseqaataa atorlugu pingaarnertut pisassaaq. Nakorsamit oqaaseqaammik sulisitsisut piumappat taanna sulisitsisunnit akilerneqassaaq.


Pisinnaatitaaffiit
Napparsimaguit taamaattumillu suliartorsinnaanak pisortani atorfeqartutut napparsimaninni aningaasarsiaqarsinnaatitaavutit. Tamanna isumaqarpoq piffissami napparsimaninni aningaasarsiaqarsinnaatitaasutit. Napparsimanerpit nalaani aningaasarsiaqarsinnaatitaaninnut qanoq aningaasarsiaqartitaanerit apeqqutaavoq:

  • Qaammammusiaqaruit, napparsimaninni aningaasarsiaqarsinnaatitaavutit. Napparsimanerpit nalaani aningaasarsiaqarsinnaatitaanissanni suliffiup tamanna pillugu malittarisassai naapertorlugit napparsimasutut nalunaassaatit aammalu napparsimalluni sulinnginneq pillugu immikkut ittunik isumaqatigiissuteqarsimaguit taakku aamma malinneqassapput
  • Akunnermusiaqaruit, napparsimaninni aningaasarsiaqarsinnaatitaanngilatit. Tamatumunnga taarsiullugu napparsimanersiuteqarsinnaatitaavutit. Napparsimanersiutinik qinnuteqarniaruit najukkanni suliffissarsiuussisarfimmut saaffiginnissaatit


Malugiuk
Isumaqatigiissummi atorfinitsinneqarninni malinneqartumi napparsimanerup nalaani aningaasarsiaqarsinnaatitaaninnik killilersuutinik allanik aalajangersaasoqarsinnaavoq.

Allaaserisat attuumassutillit

Qeqqata Kommunia
Postboks 1014
3911 Sisimiut
Oqarasuaat: (+299) 70 21 00
Fax: (+299) 70 21 77
E-mail: qeqqata@qeqqata.gl
Nittartagaq: www.qeqqata.gl
Aningaasaqarnermut Sulisoqarnermullu Aqutsisoqarfik (ASA)
Aqqusinersuaq 5
Postboks 1039
3900 Nuuk

Oqarasuaat: (+299) 34 50 00
Fax: (+299) 32 44 48
E-mail: asa@nanoq.gl