Kattuffiit isumaqatigiissuteqarfigineqarsimasut – Nalinginnaasumik paasissutissiineq

Kattuffiit isumaqatigiissuteqarfigineqarsimasut – Nalinginnaasumik paasissutissiineq 

Kalaallit Nunaanni suliffissaqartitsiniarneq pisortanit aamma namminersortunit ingerlatsivigineqarpoq. Namminersortuni aamma pisortani sulinermut atugassarititaasut inatsisit aqqutigalugit maleruagassiorneqarsimapput. Pisortani atorfilinnut atorfeqarnermi atugassarititaasut matumani aamma isumaqatigiissutit, atorfeqartunit ataasiakkaanit malinneqartut, malillugit maleruagassiorneqarsimapput.

Isumaqatigiissut tassaavoq sulisitsisup ataatsip imaluunniit amerlasuut aamma sulinermik inuussutissarsiutillit amerlasuut akornanni isumaqatigiissut.
Isumaqatigiissutit kattuffiit assigiinngitsut aamma Namminersorlutik Oqartussat akornanni isumaqatiginninniutaasimapput aalajangersorsimavaallu maleruagassat makkununnga assersuutigalugu:

  • Akissarsiat minnerpaaffissaat
  • Tapit
  • Sulisitsisup sulisullu soraarnerussutisiassanut tapiissutaat
  • Sapaatip akunneranut piffissaq suliffiusussaq
  • Qaangiuttoornermut akissarsiassat
  • Soraarniarluni siumut kalerriinissamut piffissaliussaq


Kalaallit Nunaanni kattuffiit arlalippassuupput. Isumaqatigiissutit assigiinngitsut malillugit nalinginnaasumik kikkut atorfeqarnersut uani atuarsinnaavat.


Ilinniagaqarluarsimasut (AC)
Ilinniagaqarluarsimasut qitiusumik suleqatigiiffiat (Akademikernes Centralorganisation, AC) sulisut ilinniagaqarluarsimasut aqutsisutut akisussaaffeqanngitsut, ilinniagaqarluarsimasut suleqatigiiffiata suliarisartagaanni bachelor-itut imaluunniit kandidat-itut soraarummeersimasut peqatigiiffigaat. Tassaasut

  • Illussanik titartaasartut
  • Tarnip pissusiinik ilisimasallit
  • Ilinniarfeqarfinni ilinniartitsisut
  • Ingeniør-it
  • Ilinniarnertuunngorniarfinni ilinniartitsisut


AK
Tjenestemand-it kattuffiat (Atorfillit Kattuffiat, AK) tassaavoq ukununngaartoq:

  • Tjenestemand-it akissarsiat inissisimaffianni 34-miittut aamma ataaniittut
  • Tjenestemand-imut assingusumik atorfillit
  • Inunnik isumaginninnermut siunnersortit aamma sulianik suliarinnittartut
  • Ilinniagaqarluarsimanermik tunuliaqutaqarnani siunnersortit
  • Piareersarfinni atorfillit


ASG
Kalaallit Nunaanni Ilinniagaqarluarsimasut kattuffiat (ASG) tassaavoq ukununngaartoq:

  • Tjenestemand-inut akissarsiat inissisimaffianni 35-miittut aamma qulaaniittut
  • Pisortani aqutsisut/pisortat


DJØF
Danmarks Jurist- og Økonomforbund (DJØF) tassaavoq, ilinniagaqarluarsimasut sulisorisat DJØF-ip suliaqarfiini bachelor-itut imaluunniit kandidat-itut soraarummeersimasut aqutsinermik akisussaanngitsut kattuffiat. Tassaavoq ukununngaartoq:

  • Inatsisilerituut
  • Aningaasarsiornermik ilisimasallit


Naalagaaffimmi allaffimmiut (HK stat)
HK stat tassaavoq allaffimmiunut tikisitanut peqatigiiffik.


IMAK
Kalaallit Nunaanni ilinniartitsisut kattuffiat (IMAK) tassaavoq ukununngaartoq:

  • Ilinniartitsisut
  • Meeqqat atuarfiannut toqqaannartumik attuumassuteqatumik sulisuusoq alla


PIP
Perorsaasut Ilinniarsimasut Peqatigiiffiat (PIP) tassaavoq ukununngaartoq:

  • Perorsaasut
  • Perorsaanermut suliffeqarfinni aqutsisut


PPK
PPK tassaavoq peqqinnissami sulisunoortoq, paaqqutarinninnermik sulisunut PIP suliaqarfiisa iluanni ilinniagaqarsimasunut. Tassa imaappoq:

  • Pillorissaasut
  • Tagiartuisartut
  • Peqqissaasut
  • Peqqissaasut ikiortaat
  • Ernisussiortut
  • Igaffimmi ningiut
  • Uumassusilinnik misissuisartut aamma nakorsaatilerisut
  • Immikkoortortani ningiut/ittut


SIK
Sulinermik Inuussutissarsiuteqartut Kattuffiat (SIK) tassaavoq SIK-ip suliaqarfiini ilinniagaqarsimasut aqutsinermut akisussaanngitsut sulisut peqatigiiffiat. Tassa imaappoq:

  • Niuerneq aamma allaffik
  • Peqqissaanermi ikiortit
  • Peqqissaanermi ikiortit ikiortaat
  • Meeqqerisut, inunnik isumaginninnermi ikiortit aamma taakku ikiortaat
  • Illuutinik nakkutilliisut aamma kiassaateqarfinni aqutsisut
  • Ulluunerani paaqqinnittartut
  • Oqalutsit
  • Inuussutissalerinermik suliallit
  • Ornittakkani atorfillit
  • Angajoqqaarsiat
  • Ilnniartut aamma atuartut
  • Nakorsat allattaat
  • Ajoqit aamma pattattut
  • Imarsiortut akunnermusiallit
  • Nunaqarfinni peqqissaaveqarfimmi atorfillit
  • Napparsimmavinni annaassiniartartut


SIK aamma tassaavoq ukununngaartoq:

  • Ilinniagaqarsimasut aamma ilinniagaqarsimanngitsut akunnermusiallit
  • Ilinniagaqarsimasut aamma ilinniagaqarsimanngitsut qaammammusiallit
  • Aqutsisutut atorfiit ilaat


SSK
SSK tassaavoq sulinermik aqutsisunoortoq.


Teknisk Landsforbund
Teknisk Landsforbund tassaavoq Teknisk Landsforbund-ip suliaqarfiini ilinniagaqarsimasut aqutsinermut akisussaanngitsut sulisut peqatigiiffiat. Tassa imaappoq:

  • Tekniker-it
  • Illussanik ilusilersuisartut


TP
Dansk Journalistforbund (TP) tassaavoq ukunnganoortoq:

  • Tusagassiortut
  • Ingerlatsinermut tekniker-it
  • Paasissutissiinermik suliallit
Qeqqata Kommunia
Postboks 1014
3911 Sisimiut
Oqarasuaat: (+299) 70 21 00
Fax: (+299) 70 21 77
E-mail: qeqqata@qeqqata.gl
Nittartagaq: www.qeqqata.gl