Tjenestemand – Nalinginnaasumik paasissutissiineq

Tjenestemand – Nalinginnaasumik paasissutissiineq 

Tjenestemand-i tassaavoq pisortaqarfinni atorfeqartinneqartoq atorfimmik immikkut pisariaqartutut nalilerneqartumik isumaginnittoq. Soorlu tassaasinnaapput:

  • Politiini sulisut
  • Pisortatut atorfiit ilaat


Tjenestemand-itut atorfiit qanoq amerlatigisut pisortani pigineqassanersut Namminersorlutik Oqartussat Kommunillu aalajangertarpaat. Tamatuma kingunerisaanik atorfiit ilaat tjenestemand-itut atorfigineqartussanngortinneqartarput. Tjenestemand-itut atorfiit ilaat ukiuni aalajangersimasumik sivisussusilinni atorfigineqartarput, tamannalu isumaqarpoq atorfik piffissami killiliinnarmi atuutissasoq.


Pisinnaatitaanerit
Tjenestemand-it atorfiit inuiaqatigiit eqqarsaatigalugit immikkut pisariaqaatilittut nalilerneqartut isumagisaraat. Taamaattumik tjenestemand-it aallaaviatigut soraarninngortinnatik soraarsinneqarsinnaanngillat, makku pissutaanngippata

  • sanngiinneq
  • atorfiup atorunnaarsinneqarnera
  • ukiuni aalajangersimasumik amerlassusilerlugit atorfinitsinneqarneq naappat
  • imaluunniit inuttut nammineq kissaateqartoqarpat


Pisussaaffiit
Tjenestemand-it sulisitsisuminnit pissarsiarineqarsinnaanissaminnut pisussaatitaapput. Tamanna isumaqarpoq atorfilik suliumajunnaaqqusaanngitsoq.


Tjenestemand-it aammalu atorfiit tjenestemand-imut assingusut
Tjenestemand-it pillugit inatsit 2003-mi allanngortinneqarpoq tjenestemand-itut atorfitoqqat atorunnaarsikkiartuaarneqarnissaat siunertaralugu. Tamatuma kingunerisaanik tjenestemand-itut atorfiit assigiingitsut marluupput:

  1. Tjenestemand-it 2003 sioqqullugu atorfinitsinneqartut, tjenestemand-it pillugit inatsisitoqqamut ilaatinneqartut
  2. Inuit tjenestemand-imut assingusumik atugassaqartinneqarlutik 2003-ip kingorna atorfinitsinneqartut aammalu inatsimmut nutaamut ilaatinneqartut


Atorfiit taakku marluk ilaatigut assigiinngissutigaat tjenestemand-inut soraarnerussutisiarititat aammalu akiliunneqarluni angalasinnaatitaaneq:

  • Tjenestemand-it 60-iliinerminni soraarninngorsinnaatitaapput aammalu ukiut marluk atorfeqareernermik kingorna akiliunneqarlutik angalasinnaatitaallutik
  • Inuit tjenestemand-imut assingusumik atorfinni sulisorineqartut aatsaat 65-iliinerminni soraarninngorsinnaapput aammalu aatsaat ukiut pingasut atorfeqareernermik kingorna akiliunneqarlutik angalasinnaatitaallutik

Allaaserisat attuumassutillit

Qeqqata Kommunia
Postboks 1014
3911 Sisimiut
Oqarasuaat: (+299) 70 21 00
Fax: (+299) 70 21 77
E-mail: qeqqata@qeqqata.gl
Nittartagaq: www.qeqqata.gl