Sulisut sinniisui – Nalinginnaasumik paasissutissiineq

Sulisut sinniisui – Nalinginnaasumik paasissutissiineq 

Kalaallit Nunaanni suliffeqarfeqarfiit pisortanit namminersortunillu ingerlanneqarput. Namminersortut pisortallu suliffeqarfiutaanni sulinermut atatillugu pissutsit inatsisit aqqutigalugit naleqqussagaapput. Taakkua saniatigut pisortat suliffeqarfiini sulisut atorfinitsitaanerannut atugassarititaasut, isumaqatigiissutit sulisunut ataasiakkaanut atuuttut malillugit aaqqitaapput. Ataani pineqartut pisortat suliffeqarfiini sulisunuinnaq atuupput.

Sulisut sinniisuat atassuteqaataavoq

  • sulisut pisortallu akornanni
  • aamma sulisut sulisullu peqatigiiffiata akornanni


Sulisut sinniisuat suleqatiminut tunngatillugu pisortanut sinniisuuvoq. Sulisutut sulisut sinniisuat saaffigissavat, assersuutigalugu makkua naammaginngikkukkit

  • Sulinermi pissutsit
  • Suliffimmik naliliisarneq
  • Sulinermi atugarisat
  • Atorfinitsinneqarnermi pissutsit


Aamma suliffimmi sulisoq ajornartorsiuteqalerpat sulisut sinniisuat tassaavoq aallaqqaammut iliuuseqartussaq.

Sulisut sinniisaat pisortanut isumaqatiginninniarsinnaanngorlugu peqatigiiffimmit ilaatigut ukuninnga ilinniartinneqartarpoq:

  • Isumaqatiginninniarnermi periutsit
  • Sulisitsisut sulisullu akornanni inatsisitigut maleruaqqusat


Sulisut sinniisaata ilaannikkooriarluni isummat suliffiup pisortaasa isumaannut naleqqutinngitsut saqqummiuttartussaavai. Taamaattumik sulisunut sinniisut pillugit maleruaqqusaqarpoq, sinniisunik soraarsitsiniarnermut ajornakusoortitsisinnaasunik.


Sulisut sinniisussaannik toqqaaneq
Suliffimmi ikinnerpaamik tallimanik sulisoqaruni assigiimmik isumaqatigiissummik peqartunik, taava sulisut sulisutut sinniisussaminnik taassumalu sinniisussaanik toqqaassapput.

Suliaqarfiup ataatsip iluani sulisut arlariinnik sinniisoqarpata, ataatsimut sinniisussamik toqqaasoqarsinnaavoq. Ataatsimoortumik sinniisup suleqatini sinnerlugit sulisunut tamanut tunngatillugu apeqqutit pineqartillugit sulisitsisoq oqaloqatigisarpaa, nalinginnaasumillu sulianut allanut tunngatillugu sulisitsisumik isumaqatiginninniartarluni.

Sulisut sinniisaattut taassumalu sinniisuatut toqqarneqartut pisortamut aamma Sulisoqarnermut tunngatillugu allaffimmut nalunaarutigineqassapput.


Malugiuk
Sulisut sinniisaata sulisitsisoq peqatigalugu sapinngisaminnik sulinermi pissutsit siuarsarniartussaavaat aamma sulinermi pissutsit eqqissisimanartut pitsaasullu ataavartinneqarnissaat isumagisussaavaat.

Suliffimmi suleqatigiinnissamut ataatsimiititaqarpat sulisut sinniisaat pinngitsoorani ilaasortaassaaq.

Qeqqata Kommunia
Postboks 1014
3911 Sisimiut
Oqarasuaat: (+299) 70 21 00
Fax: (+299) 70 21 77
E-mail: qeqqata@qeqqata.gl
Nittartagaq: www.qeqqata.gl