Innaallagissamik, imermik kiassarnermillu pilersuineq – Nalinginnaasumik paasissutissiineq

Innaallagissamik, imermik kiassarnermillu pilersuineq – Nalinginnaasumik paasissutissiineq 

Illoqutigiinni innaallagiaq, imeq kiassarnerlu pinngitsoorneqarsinnaanngillat. Imminut pilersortuunngikkuit tamatuma kingunerisaanik illit inigisanni innaallagiaqartussaavutit, imeqarlutit kiassarneqarlutillu, taakkulu suliffeqarfiup pilersuinermik suliaqartuusup pilersuutigisassarai.

Nukissiorfiit illoqarfinni nunaqarfinnilu amerlanerni innaallagissamik, imermik kiassarnermillu pilersuisuuvoq.

Taamaattoq Kangerlussuarmi Narsarsuarmilu pilersuineq Mittarfeqarfinnit isumagineqartarpoq.


Akigititat
Innaallagissamut, imermut kiassarnermullu aki akilertakkat taaneqartarpoq akigititaasoq.

Illit illoqarfigisanni nunaqarfigisanniluunniit innaallagissamik imermilluunniit pilersuinermi uuttuummut ataatsimut aningaasartuutit malillugit innaallagissamut imermullu akigititat aalajangersarneqartarput. Uuttuummut ataatsimut aningaasartuutit, innaallagissamik 1 kwh-imik imaluunniit imermik 1 m3-imik pilersuinermi suliffeqarfiup pilersuinermik ingerlatsisup aningaasartuutai annertoqqatigaat.

Innaallagissamik imermillu tunniussinermi aningaasartuutit sumiiffimmiit sumiiffimmut allanngorartarmata, sumiiffiit ilaanni allaninngarnit innaallagissamut imermullu akigititat aamma qaffasinnerusinnaasarput. Amerlanertigut akit illoqarfinnut sanilliullugit nunaqarfinni akisunerusarput.

Akigititalli ukiumoortumik minnerpaaffittut aamma annerpaaffittut akigititassatut Naalakkersuisunit aalajangersarneqarsimasunit qaffasinnerusinnaanngillat.

Suliffeqarfiit pilersuinermik ingerlataqartut ukiumoortumik akigitinneqartussanik naatsorsuisartuupput. Taamaattorli Peqqissutsimut Attaveqarnermullu Naalakkersuisoqarfik akigitinneqartunik akuersisartuuvoq.

Kiassarnermut akigitinneqartut nuna tamakkerlugu atuuttussatut aalajangersarneqartarput, uuliallu pisiarineqarnerani akigitinneqartoq aallaavigalugu aalajangersarneqartarluni.


Malugiuk
Kalaallit Nunaanni sumiiffiit ilaanni taamaallaat pisortat kiassarnermik pilersuisarput.

Pisuni amerlanerni illit nammineq innaallagissamut, imermut kiassarnermullu atukkatit akilertussaavatit. Nunaqarfiilli ilaanni inissiarsuarnilu innaallagissamut, imermut kiassarnermullu atukkat ataatsimoorussamik akilerneqartarput.

Allaaserisat attuumassutillit

Nukissiorfiit
Postboks 1080
3900 Nuuk

Oqarasuaat: (+299) 80 11 50
Fax: (+299) 34 96 00
E-mail: kundeservice@nukissiorfiit.gl

Ulluinnarni nal. 10 aamma 15 akornanni - pingasunngornerni nal. 18 tikillugu akeqanngitsumik uunga sianerit:
80 11 50