Innaallagissamik, imermik kiassarnermillu pilersuineq – Naammagittaalliuuteqarneq

Innaallagissamik, imermik kiassarnermillu pilersuineq – Naammagittaalliuuteqarneq 

Illoqutigiinni innaallagiaq, imeq kiassarnerlu pinngitsoorneqarsinnaanngillat. Imminut pilersortuunngikkuit tamatuma kingunerisaanik illit inigisanni innaallagiaqartussaavutit, imeqarlutit kiassarneqarlutillu, taakkulu suliffeqarfiup pilersuinermik ingerlataqartup isumagisassarai.

Nukissiorfiit illoqarfinni nunaqarfinnilu amerlanerni innaallagissamik, imermik kiassarnermillu pilersuisuuvoq.

Taamaattoq Kangerlussuarmi Narsarsuarmilu pilersuineq Mittarfeqarfinnit isumagineqartarpoq.

Suliffeqarfimmi pilersuinermik ingerlataqartumi sullitatut naammagittaalliuuteqarsinnaavutit assersuutigalugu:
  • Innaallagissamut imermullu akiligassiissummi kukkusoqarsimappat
  • Innaallagiaq imerlu tunngavissaqanngitsumik suliffeqarfimmit pilersuinermik ingerlatsisumit qaminneqarsimappat
  • Piffissap sivisunerup iluani pilersuineq ingerlasimanngippat

Naammagittaalliuuteqarniaruit suliassiissutinnik suliarinnittussamut pilersuisutut sullissisunnut siullermik saaffiginnissaatit.

Taperserneqanngikkuit aalajangiineq pillugu Peqqissutsimut Attaveqarnermullu Naalakkersuisoqarfimmut naammagittaalliuuteqarsinnaavutit. Naammagittaalliuut allaganngorlugu pisariaqarpoq aammalu makkua assilineri ilaassapput
  • suliffeqarfiup pilersuinermik suliaqartup aalajangiinera
  • aamma uppernarsaatit pisariaqartut allat, assersuutigalugu akiliinermut uppernarsaatit imaluunniit akiligassissutit

Naammagittaalliuutivit Naalakkersuisoqarfiup sukkanerpaamik ajornaannerpaamillu suliarisinnaassappagu paasissutissat taakku pingaaruteqarput.

Naalakkersuisoqarfiup aalajangiinera isumaqatiginngikkukku, taassuma eqqartuussivimmut tunniunissaa kingullertut periarfissaraat.

Allaaserisat attuumassutillit

Nukissiorfiit
Postboks 1080
3900 Nuuk

Oqarasuaat: (+299) 80 11 50
Fax: (+299) 34 96 00
E-mail: kundeservice@nukissiorfiit.gl

Ulluinnarni nal. 10 aamma 15 akornanni - pingasunngornerni nal. 18 tikillugu akeqanngitsumik uunga sianerit:
80 11 50