Inissialiornermut tapiissuteqartarneq (Boligstøttehuse) aqqutigalugu illuutit – Naammagittaalliuuteqarneq

Inissialiornermut tapiissuteqartarneq (Boligstøttehuse) aqqutigalugu illuutit – Naammagittaalliuuteqarneq 

Inissialiornermut tapiissuteqartarneq aqqutigalugu illuut tassaavoq illu, inissialiornermut tapiissuteqartarnermik aaqqissuussineq atorlugu sananeqarsimasoq. Tassa imaappoq, illumik piginnittoq illup sananissaanut inissialiornermut tapiissuteqartarnermik aaqqissuussineq malillugu Nunatta karsianiit aningaasanik taarsigassarsisimavoq. Namminersorlutik Oqartussat sinnerlugit inissialiornermut tapiissuteqartarnermik aaqqissuussineq INI-mit aqunneqarpoq. Taamaammat inissialiornermut tapiissuteqartarneq aqqutigalugu illuutit pillugit suliassat tamaasa INI-p suliarisarpai.

 
Inissialiornermut tapiissuteqartarneq aqqutigalugu illuutilittut, suliassap INI-mit suliarineqarsimanera pillugu naammagittaalliuuteqarnissamut pisinnaatitaavutit. Assersuutigalugu aalajangiinerit makkununnga tunngasinnaapput:

  • Piginnittut nikinnissaat pillugu qinnuteqaat
  • Taarsigassarsiat naatsorsuusiorneqarnerat pillugu
  • Pitsanngorsaatissanut tapiiffigineqarnissamik imaluunniit taarsigassarsisinneqarnissamik qinnuteqaat
  • Naafferartumik akilersuinissamik aaqqissuussinissaq pillugu qinnuteqaat

 
Aalajangiineq INI-mit suliarineqarsimasoq naammagittaalliuutiginiarukku, allakkatigut naammagittaalliuummik sanassaatit. Naammagittaalliuut minnerpaamik imaqartinneqassaaq:

  • Illit isumaqatigiissuteqarsimanerit pillugu paasissutissat
  • Aalajangiineq naammagittaalliuutigiumasat pillugu nassuiaat

 
Taassuma saniatigut uppernarsaatit suliamut tunngasut tamaasa ilanngutissavatit. Assersuutigalugu tassaasinnaapput:

  • Qinnuteqaatigisimasat
  • Aalajangiineq naammagittaalliuutigiumasat

 
Naammagittaalliuut ilanngussallu pisariaqartut tamaasa ilanngullugit illit najukkanni INI-p allaffeqarfianut nassiussinnaavatit tunniullugilluunniit

Allaaserisat attuumassutillit

INI A/S
E-mail: ini@ini.gl
Oqarasuaat: 70 10 00
Fax: 86 57 00

Ammasarfii:
Ataasinngornermiit tallimanngornermut 08.00 - 16.00
Inissialiornermut tapiissuteqartarneq 10.00 - 14.00

Toqqaannartumik sianerfissat:
Inissiat attartortittakkat: 70 10 00, 1 tooriarlugu 1 toorlugu
Inissialiornermut tapiissuteqartarneq aqqutigalugu illuutit (Boligstøttehuse): 70 10 00, 1 tooriarlugu 2 toorlugu
Saaffiginnittarfik: 70 10 00, 1 tooriarlugu 9 toorlugu

Nittartagaq: www.ini.gl