Inissialiornermut tapiissuteqartarneq (Boligstøttehuse) aqqutigalugu illumik piginnittut nikinnerat – Qinnuteqarneq

Inissialiornermut tapiissuteqartarneq (Boligstøttehuse) aqqutigalugu illumik piginnittut nikinnerat – Qinnuteqarneq 

Inissialiornermut tapiissuteqartarneq aqqutigalugu illuut tassaavoq, illu inissialiornermut tapiissuteqartarnermik aaqqissuussineq atorlugu sananeqarsimasoq. Tassa imaappoq inissialiornermut tapiissuteqartarnermik aaqqissuussineq malillugu Nunatta karsianiit illumik piginnittoq illup sananissaanut aningaasanik taarsigassarsisimassaaq. Taamaammat taarsigassarsiat tamakkerlugit utertillugit akilernissaasa tungaanut, Namminersorlutik Oqartussanut arlalinnik pisussaaffeqartoqartarpoq. Namminersorlutik Oqartussat sinnerlugit inissialiornermut tapiissuteqartarnermik aaqqissuussineq INI-mit  aqunneqarpoq. Tamatuma kingunerisaanik inissialiornermut tapiissuteqartarneq aqqutigalugu illuutilittut INI attaveqarfigisartussaavat.

Inissialiornermut tapiissuteqartarneq aqqutigalugu illuutit piginnittuisa nikinnerat, periutsit arlallit atorlugit pisinnaavoq. Piginnittulli nikinnera taarsigassarsinermi piumasaqaatit allanngortinnagit pigajuppoq. Tassa imaappoq, illumik tigusisussap taarsigassarsiat sinneruttut kiisalu piginnittuusimasup pisussaaffii pisinnaatitaaffiilu allanngortinnagit illu pigilissavaa.


Piumasaqaatit

Piumasaqaatit allanngortinnagit inissialiornermut tapiissuteqartarneq aqqutigalugu illuummik tigusisinnaaniaruit
  • 18-inik ukioqalereersimassaatit
  • Inissialiornermut tapiissuteqartarneq aqqutigalugu illuummik peqariissanngilatit
  • Illumi najugaqalissaatit

Inissialiornermut tapiissuteqartarneq aqqutigalugu illuutit allamut tigutinniarukku, qaammatikkaartumik akiligassannut kinguaattoorsimassanngilatit.


Qinnuteqarneq

Inissialiornermut tapiissuteqartarneq aqqutigalugu illumik tigusinissat soqutigigukku, qinnuteqarnermi immersugassaq immersussavat. Immersugassami allassimasarpoq suut qinnuteqaammut ilanngullugit nassiutissaneritit. Illumik piginnittuugallartorlu piginnittuulernissamut uppernarsaat immersussavarsi.

Qinnuteqarnermi immersugassaq aamma illumik piginnittuulernermut uppernarsaat, quppernermi uani immersugassat ataanni nassaarisinnaavatit.

Qinnuteqaat piviusoq ilanngussanik pisariaqartunik tamanik ilalik kiisalu illumik piginnittuulernermut uppernarsaat najukkanni INI-p allaffeqarfianut tunniussinnaavat nassiulluguluunniit. Qinnuteqaatip suliarinissaanut ikiortikkumaguit allaffeqarfimmut aamma saaffiginnissinnaavutit.

Pingaartuuvoq uppernarsaatit eqqortut tamaasa ilanngunnissaat eqqaamassallugu. Qinnuteqaatip tunniunneqarnerata kingorna sapaatit akunneri sisamat qaangiunneranni uppernarsaatit tamaasa INI-p tigusimanngippagit qinnuteqaatit unitsikkallarneqassaaq.


Piumasaqaatit eqquutsissimagukkit, qinnuteqaat aamma illumik piginnittuulernermut uppernarsaat INI-p akuerissavai. Tamatuma kingorna illumik piginnittuunermut uppernarsaat eqqartuussiviup illunik piginnittunik nalunaarsuisarfianut nalunaarsugassanngorlugu INI-p nassiutissavaa. Tamatuma kingunerisaanik illumik piginnittutut illit nalunaarsorneqassaatit aammalu qaammatikkaartumik akiligassanik nassitsittalerlutit. Piginnittut nikinnerat pillugu kommune INI-mit nalunaarfigineqassaaq.

Innaallagissamik, imermik aamma kiassarnermik uuttuutinik atuisunngornerit Nukissiorfimmut nammineerlutit nalunaarutigissavat aamma sillimmasiinissaq isumagissavat.

Allaaserisat attuumassutillit

A/S INI
E-mail: ini@ini.gl
Oqarasuaat: 70 10 00
Fax: 86 57 00

Ammasarfii:
Ataasinngornermiit tallimanngornermut 08.00 - 16.00
Inissialiornermut tapiissuteqartarneq 10.00 - 14.00

Toqqaannartumik sianerfissat:
Inissiat attartortittakkat: 70 10 00, 1 tooriarlugu 1 toorlugu
Inissialiornermut tapiissuteqartarneq aqqutigalugu illuutit (Boligstøttehuse): 70 10 00, 1 tooriarlugu 2 toorlugu
Saaffiginnittarfik: 70 10 00, 1 tooriarlugu 9 toorlugu

Nittartagaq: www.ini.gl