Inissialiornermut tapiissuteqartarneq (Boligstøtte) aqqutigalugu akiligassatoqqanik allannguineq – Qinnuteqarneq

Inissialiornermut tapiissuteqartarneq (Boligstøtte) aqqutigalugu akiligassatoqqanik allannguineq – Qinnuteqarneq 

Inissialiornermut tapiissuteqartarneq aqqutigalugu illuut tassaavoq, illu inissialiornermut tapiissuteqartarnermik aaqqissuussineq atorlugu sananeqarsimasoq. Tassa imaappoq  illup sananissaanut illumik piginnittoq Nunatta karsianiit aningaasanik taarsigassarsisimassaaq. Taamaammat taarsigassarsiat tamakkerlugit utertillugit akilernissaasa tungaannut Namminersorlutik Oqartussanut arlalinnik pisussaaffeqartoqartarpoq. Namminersorlutik Oqartussat sinnerlugit inissialiornermut tapiissuteqartarnermik aaqqissuussineq INI-mit aqunneqarpoq. Tamatuma kingunerisaanik inissialiornermut tapiissuteqartarneq aqqutigalugu illuutilittut INI attaveqarfigisartussaavat.

Inissialiornermut tapiissuteqartarneq aqqutigalugu taarsigassarsiat nungussimappata akiitsut kinguaattoornikkut akilinngitsuukkat kiserngorullutik, taakku allanngortinneqarsinnaaneri eqqarsaatersuutigisariaqarpatit. Tassa imaappoq, akiitsut kinguaattoorutit qaammatini 60-ini sivisussusilimmi erniaqanngitsumik taarsersugassaanngitsumillu nungullugit nalikillilertissinnaavatit.


Piumasaqaatit

Kinguaattoorutit allanngortinnissaat pisinnaajumagukku:

  • Inissialiornermut tapiissuteqartarneq aqqutigalugu illuummik imaluunniit nammineerluni illuliamik piginnittuussaatit
  • Illumut taarsigassarsiat naasimassapput akiitsut kinguaattoorutit kiserngorullutik
  • Inoqutigiit isertitai ukiumut 180.000 kr.-nik ikinnerussapput

Isertitanut killigititaq 180.000 kr.-usoq, meeqqamut 18-it inorlugit ukiulimmut ataatsimut najugaqarfimmut nalunaarutigineqarsimasumut 4.000 kr.-nik qaffanneqassaaq. Isertitaqarnermi killigititaq taamaattoq annerpaamik 24.000 kr.-nik qaffanneqarsinnaavoq – tassa meeqqat arfinillit nalingannik.


Qinnuteqarneq

Inissialiornermut tapiissuteqartarneq aqqutigalugu akiitsutoqqavit allannguiffiginissaat soqutigigukku, qinnuteqarnermi immersugassaq immersussavat. Taanna quppernermi uani immersugassat akornanni nassaarisinnaavat. Immersugassami allassimasarpoq suut qinnuteqaammut ilanngutissaneritit.

Qinnuteqaat tassungalu ilanngunneqartussat uppernarsaatit najukkanni INI-p allaffeqarfianut tunniussinnaavatit nassiullugilluunniit. Qinnuteqaatip suliarinissaanut INI-p allaffeqarfianut ikiortissarsiorlutit aamma saaffiginnissinnaavutit.

Uppernarsaatit eqqortut tamakkerlugit ilanngunneqarnissaat pingaaruteqarpoq. Qinnuteqaativit tunniunneraniit sapaatit akunneri sisamat qaangiunneranni ilanngussat tamakkerlugit INI-p tigusimanngippagit qinnuteqaatit suliarineqaqqinnani unitsinneqarallassaaq.

Allaaserisat attuumassutillit

A/S INI
E-mail: ini@ini.gl
Oqarasuaat: 70 10 00
Fax: 86 57 00

Ammasarfii:
Ataasinngornermiit tallimanngornermut 08.00 - 16.00
Inissialiornermut tapiissuteqartarneq 10.00 - 14.00

Toqqaannartumik sianerfissat:
Inissiat attartortittakkat: 70 10 00, 1 tooriarlugu 1 toorlugu
Inissialiornermut tapiissuteqartarneq aqqutigalugu illuutit (Boligstøttehuse): 70 10 00, 1 tooriarlugu 2 toorlugu
Saaffiginnittarfik: 70 10 00, 1 tooriarlugu 9 toorlugu

Nittartagaq: www.ini.gl