Inissialiornermut tapiissuteqartarneq (Boligstøttehuse) aqqutigalugu illuutillit pisinnaatitaaffii – Nalinginnaasumik paasissutissiineq

Inissialiornermut tapiissuteqartarneq (Boligstøttehuse) aqqutigalugu illuutillit pisinnaatitaaffii – Nalinginnaasumik paasissutissiineq 

Inissialiornermut tapiissuteqartarneq aqqutigalugu illuut tassaavoq illu, inissialiornermut tapiissuteqartarnermik aaqqissuussineq atorlugu sananeqarsimasoq. Tassa imaappoq illumik piginnittoq inissialiornermut tapiissuteqartarnermik aaqqissuussineq malillugu Nunatta karsianiit aningaasanik, illup sananissaanut taarsigassarsisimassaaq.  Taarsigassarsiat tamakkerlugit utertillugit akilernissaat tikillugu piginnittoq arlalinnik pisussaaffeqarpoq. Illit pisinnaatitaaffigaatit:
  • Erniat akilikkat akileraartarnermi nammineerlutit nalunaarsuininni ilanngaatigisinnaagitit
  • Pitsanngorsaanissamut tapiiffigineqarnissamik qinnuteqarsinnaavutit, ukiumut 180.000 kr.-it sinnerlugit isertitaqanngikkuit aamma Qaqortumi, Nuummi, Sisimiuni Ilulissaniluunniit najugaqanngikkuit
  • Meeqqamut 18-it inorlugit ukiulimmut ataatsimut, amerlanerpaamilli meeqqat arfinillit tikillugit, ineqarnermi meeqqamut tapinik 7,5 %-iusumik pisinnaaneq
  • Salliarnartamik, aneerasaartarfimmik imaluunniit quimik sananeq. Taamaattoq kommunimiit nunaminertamik atugassinneqarnissamik aamma sanaartornermut akuersissummik qinnuteqassaatit
  • Illit kingoqqullutit kina illumik tigusissanersoq siunnersuuteqarsinnaaneq, taarsigassarsinermi piumasaqaatit allanngornagit piginnittup nikinnissaa illit kissaatigigukku
  • Illit katissimasat imaluunniit inooqatigisat illumi najugaqaannarnissaa, assersuutigalugu illit utoqqaat angerlarsimaffiannut nuussagaluaruit
  • Kingornussisussavit imaluunniit illit katissimasavit illu tigusinnaagaat imaluunniit Namminersorlutik Oqartussanut utertillugu, illit toqukkut qimagukkuit
  • Taarsigassarsiat utertillugit akilersornerat immikkut ittumik naafferartumik akiliineq imaluunniit akiitsut sinneri ataatsikkut akilernerat
  • Taarsigassarsiat utertillugit akilereerukkit aamma illu aqqutigalugu pigisat Nunatta Eqqartuussiviani atorunnaarsillugit nalunaarutigineqareerpata, illup qanorluunniit iliuuseqarfigisinnaanera
  • Taarsigassarsiat aamma akiitsut allatut aaqqissuunneqarnissaannik qinnuteqarneq
  • Taarsigassarsiat aamma akiitsut allanngortinneqarnissaannik qinnuteqarneq
  • Akiitsut nutaanngitsut isumakkeerneqarnissaannik qinnuteqarneq
  • Illuit attartortinnera, illoqarfimmi nunaqarfimmiluunniit allami najugaqarallarninni
  • Piffissap ilaani illup inoqannginnissaanik qinnuteqarneq, illit illoqarfimmi nunaqarfimmiluunniit allami najugaqarallarniaruit
  • Akiligassat akilersornissaat pillugu imaluunniit akiligassat unitsikkallarnissaannik qinnuteqarsinnaaneq

Allaaserisat attuumassutillit

A/S INI
E-mail: ini@ini.gl
Oqarasuaat: 70 10 00
Fax: 86 57 00

Ammasarfii:
Ataasinngornermiit tallimanngornermut 08.00 - 16.00
Inissialiornermut tapiissuteqartarneq 10.00 - 14.00

Toqqaannartumik sianerfissat:
Inissiat attartortittakkat: 70 10 00, 1 tooriarlugu 1 toorlugu
Inissialiornermut tapiissuteqartarneq aqqutigalugu illuutit (Boligstøttehuse): 70 10 00, 1 tooriarlugu 2 toorlugu
Saaffiginnittarfik: 70 10 00, 1 tooriarlugu 9 toorlugu

Nittartagaq: www.ini.gl