Inissialiornermut tapiissuteqartarneq (Boligstøttelån) aqqutigalugu taarsigassarsianit akiitsunik nutaanngitsunik – Isumakkeerfigineqarsinnaaneq

Inissialiornermut tapiissuteqartarneq (Boligstøttelån) aqqutigalugu taarsigassarsianit akiitsunik nutaanngitsunik – Isumakkeerfigineqarsinnaaneq 

Inissialiornermut tapiissuteqartarneq aqqutigalugu illuut tassaavoq inissialiornermut tapiissuteqartarnermik aaqqissuussineq atorlugu sananeqarsimasoq. Tassa imaappoq, illumik piginnittoq illup sananissaanut Nunatta karsianiit aningaasanik taarsigassarsisimassaaq. Taamaammat taarsigassarsiat tamakkerlugit utertillugit akilernissaasa tungaannut Namminersorlutik Oqartussanut arlalinnik pisussaaffeqartoqartarpoq. Namminersorlutik Oqartussat sinnerlugit inissialiornermut tapiissuteqartarnermik aaqqissuussineq INI-mit aqunneqarpoq. Tamatuma kingunerisaanik inissialiornermut tapiissuteqartarneq aqqutigalugu illuuteqarsimasutut INI attaveqarfigisartussaavat.

Inissialiornermut tapiissuteqartarneq aqqutigalugu illuutigisimasannut imaluunniit nammineerluni illuliarisimasannut suli akiitsoqaruit, akiitsuit isumakkeerfigineqarsinnaanerat qinnuteqaatigisinnaavat.


Piumasaqaatit

Akiitsutit isumakkeerfigineqassappata:

  • Akiitsutit maannakkut akilersinnaassanngilatit
  • Piffissami kingusinnerusumi akiitsuit akilersinnaalernissaat ilimanaateqassanngilaq

Akiitsutit taamaallaat isumakkeerfigineqarsinnaapput illu pigiunnaareersimagukku.


Qinnuteqarneq

Akiitsuit nutaanngitsut isumakkeerfigineqarnissaat soqutigigukku, qinnuteqarnermi immersugassaq immersussavat. Taanna quppernermi uani immersugassat akornanni  nassaarisinnaavat. Immersugassami allassimasarpoq qinnuteqaammi suut ilisimatitsissutigissaneritit ilanngutissaneritillu.

Inoqutigiit illumik nutaanngitsumik piginneqataasimasut taamaallaat qinnuteqaammi allassavatit. Inoqutigiit maannakkut najugaqatigisatit pineqanngillat.

Qinnuteqaat tassungalu uppernarsaatit ilanngunneqartussat najukkanni INI-p allaffeqarfianut tunniussinnaavatit nassiullugilluunniit. Qinnuteqaatip suliarinissaanut ikiortissarsiorlutit INI-p allaffeqarfia aamma saaffigisinnaavat.

Pingaaruteqarpoq uppernarsaatit eqqortut tamakkerlugit ilanngunnissaasa eqqaamanissaat. Qinnuteqaativit tunniunneraniit sapaatit akunneri sisamat qaangiunneranni ilanngussat INI-p tigusimanngippagit, qinnuteqaativit suliarineqarnera unitsissavaa annertunerusumillu suliareqqinnagu.


Akuersissut

Qinnuteqaat akuerineqassappat Namminersorlutik Oqartussaniit toqqaannartumik nalunaarfigineqassaatit. Akiitsut siusinnerusukkut akiliisitsiniartartumut nalunaarutigineqarsimappata, akiitsuit nutaanngitsut isumakkeerfigineqarnerat akiligassaarunnerillu INI-p akiliisitsiniartartumut nalunaarutigissavaa.

Allaaserisat attuumassutillit

A/S INI
E-mail: ini@ini.gl
Oqarasuaat: 70 10 00
Fax: 86 57 00

Ammasarfii:
Ataasinngornermiit tallimanngornermut 08.00 - 16.00
Inissialiornermut tapiissuteqartarneq 10.00 - 14.00

Toqqaannartumik sianerfissat:
Inissiat attartortittakkat: 70 10 00, 1 tooriarlugu 1 toorlugu
Inissialiornermut tapiissuteqartarneq aqqutigalugu illuutit (Boligstøttehuse): 70 10 00, 1 tooriarlugu 2 toorlugu
Saaffiginnittarfik: 70 10 00, 1 tooriarlugu 9 toorlugu

Nittartagaq: www.ini.gl