INI-p aqutaralugit inissianit attartortikkanit anilluni nuunneq – Nalinginnaasumik aserfallanneq imaluunniit paarsinerlunneq

INI-p aqutaralugit inissianit attartortikkanit anilluni nuunneq – Nalinginnaasumik aserfallanneq imaluunniit paarsinerlunneq 

INI-p inissiaataa attartortittagaq pisortat inissiaatigaat attartortittagaq, taanna Namminersorlutik Oqartussanit imaluunniit kommunimit pigineqartarpoq INI-miillu aqunneqartarluni. Tassa imaappoq inimut tunngasut amerlasoorpassuit INI-p isumagisarpai assersuutigalugu, anillutit nuukkuit iluarsartuussinermut aningaasartuutit naatsorsuusiornerat.

Inissiarisannit anillutit nuukkuit taanna INI-mit misissorneqassaaq, taannalu inissiami suliassat pillugit aammalu qanoq annertutigisumik akiliuteqassanersutit naatsorsuummik suliaqassalluni. Nalinginnaasumik aserfallattut pisoqalisullu aamma paarsinerlunneq aserorterinerlu tassunga atatillugu assigiinngitsumik isigineqartarput.


Nalinginnaasumik aserfallanneq aamma pisoqalineq
Soorunami inissiami nalinginnaasumik aserfallaasarneq pisoqalisarnerlu pisarput. Taamaammat nalinginnaasumik aserfallatsaaliinermut aningaasartuutivit ilaannut illit inissiaqarfivit immikkoortoqarfia akiliuteqartarpoq.

Inissiami najugaqarninni qaammatit tamaasa nalinginnaasumik aserfallatsaaliinermi aningaasartuutit 1 %-erisaat inissiaqarfiup immikkoortoqarfiata akilertarpaa. Assersuutigalugu ukiut pingajuata affaa (qaammatit 30-it) inissiarisanni najugaqarsimaguit, nalinginnaasumik iluarsartuussinermut tunngasut aningaasartuutit 30 %-ii, inissiaqarfiup immikkoortortaqarfiata akilertarpai. Illit nammineerlutit inissiaq iluarsartuukkukku, atortussat inissiamik iluarsartuussininni atugassatut pisiatit 30 %-imik ilanngaasertissinnaavatit. Tamakku tassaasinnaapput:
  • Qalipaasiutit
  • Qalipaatit

Inissiarisanni qaammatini 100-juni najugaqarsimaguit, nalinginnaasumik iluarsartuussinermut aningaasartuutit 100 %-ii inissiaqarfiup immikkoortoqarfiata akilissavai illillu taamaallaat akilissavatit, assersuutigalugu
  • Inissiap attartornerani akiligassanut kinguaattoorutit
  • Paarsinerlunneq aamma aserorterineq

Inissiami paarsinerlunneq aamma aserorterineq
Najugaqarnivit nalaani inissiarisavit iluatungaa aserfallatsaalinissaanut akisussaasuuvutit. Tamatuma kingunerisaanik ajoqusernerit iluarsaannerat illit akiligassaraatit, taakku pilersimappata makku pissutigalugit:
  • Paarsinerlunneq
  • Aserorterineq

Paarsinerlunneq aserorterinerlu assersuutigalugu tassaasinnaapput:
  • Matu aserugaq
  • Igaffimmi ilisivik aserugaq, erruissummik ikkussinermut atatillugu pisimasoq
  • Anartarfiup qeqoqalersimanera (kalk)
  • Aalisagaaraasiviup erngarnera pissutigalugu natermi erngup ajoqusiinera

Inissiami illit pulaartuvit iliuuserisaannut aamma illit akisussaasuuvutit.


Malugiuk
Inissiami najugaqarnivit nalaani paarsinerluinermut aserorterinernullu aamma akisussaasuuvutit. Assersuutigalugu illit meeqqavit piaarinani igalaaq aserortoorpagu, ajoqusernerup iluarsinissaa illit nammineq akiligassaraat.

Allaaserisat attuumassutillit

A/S INI
E-mail: ini@ini.gl
Oqarasuaat: 70 10 00
Fax: 86 57 00

Ammasarfii:
Ataasinngornermiit tallimanngornermut 08.00 - 16.00
Inissialiornermut tapiissuteqartarneq 10.00 - 14.00

Toqqaannartumik sianerfissat:
Inissiat attartortittakkat: 70 10 00, 1 tooriarlugu 1 toorlugu
Inissialiornermut tapiissuteqartarneq aqqutigalugu illuutit (Boligstøttehuse): 70 10 00, 1 tooriarlugu 2 toorlugu
Saaffiginnittarfik: 70 10 00, 1 tooriarlugu 9 toorlugu

Nittartagaq: www.ini.gl