INI-p inissiaataani attartortittakkani innaallagissamut, imermut aamma kiassarnermut uuttuutit – Atuilernermik atuiunnaarnermillu nalunaarneq

INI-p inissiaataani attartortittakkani innaallagissamut, imermut aamma kiassarnermut uuttuutit – Atuilernermik atuiunnaarnermillu nalunaarneq 

INI-p inissiaataa attartortittagaq tassaavoq pisortat inissiaataat attartortittagaq, Namminersorlutik Oqartussanit imaluunniit kommuninit pigineqartoq aammalu INI-mit aqunneqartoq. Tassa imaappoq, INI-p inissiamut tunngasut nalinginnaasut isumagisarpai. Ataaserli illit isumagisussaavat, tassaasoq illit atuilernermik atuiunnaarnermillu nalunaarnissat ukununnga
  • Innaallagissamut uuttuutit
  • Imermut uuttuutit
  • Innaallagissamoortumik kiassaatinut uuttuutit

Iserterluni nuunneq
Illumut aamma illunut arlalinnut (inissiat inissiarsuarniittut aamma uigulukutsuniittut) nalinginnaasumik namminerisaminnik innaallagissamut, imermut aamma innaallagissamoortumik kiassaatinut uuttuutinik peqartarput. Illit inigisat namminerisaminik uuttuuteqarpat, inimik tigusininnut atatillugu Nukissiorfinnut nalunaartussaavutit. Inissiamik tigusiguit nalunaarnissamut immersuiffissamik tunineqassaatit, taanna
  • immersussavat
  • atsiorlugu
  • Nukissiorfimmullu nassiulluguluunniit tunniullugu

Atuilerniarluni nalunaarnissamut immersuiffissamik peqanngikkuit, immersuiffissaq atorsinnaavat: Nukissiorfiit – Atuilerniarluni nalunaarneq.

Inissiamik attartortittakkamik tigusinnginnini inissiat immikkoortortaqarfiata uuttuutinik atuiunnaarneq nalunaarutigissavaa, taamaalilluni illit innaallagissamut, imermut aamma innaallagissamoortumik kiassaatinut atuinerit immikkoortortap akiligassarilissanngilai. Taamaammat pingaartuuvoq illit uuttuutinnik atuilernerit Nukissiorfimmut nalunaarutigissagakku, taamaaliunngikkuit innaallagissap erngullu matuneqarnissaat angoriaannaagakku. Illit uuttuutivit nalunaarutiginissaat illit akisussaaffigaat.


Anilluni nuunneq
Inissiamiit attartukkanniit anillutit nuukkuit, illit innaallagissamut, imermut aamma innaallagissamoortumik kiassaatinnut uuttuutinnik atuiunnaarnerit nalunaarutigissavat. Uuttuutinnik atuiunnaarlutit nalunaaruteqanngikkuit, nooreernivit kingorna innaallagissamut, imermut aamma kiassarnermut atuinermut akilersuinerit ingerlaannassagami. Inissiaq attartukkat atorunnaarlugu nalunaarutigigukku, atuiunnaarnermi immersugassaq ilinnut tunniunneqassaaq, taannalu
  • immersussavat
  • atsiorlugu
  • Nukissiorfimmullu nassiulluguluunniit tunniullugu

Immersuiffissamik peqanngikkuit, immersuiffissaq atorsinnaavat: Nukissiorfiit – Atuiunnaarluni nalunaarneq.

Ullormit inissiamik atuiunnaarlutit nalunaarninniit uuttuutinnik atuiunnaarnerit nalunaarutigissavat. Assersuutigalugu juni-p 30-anni inissiamik atuiunnaarnissat nalunaarutigisimagukku, aatsaat juni-p 30-anni uuttuutinnik atuiunnaartussaanerit nalunaarutigissavat – aamma naak ulloq taanna sioqqullugu inissiamiit anillutit nuussimagaluaruilluunniit.

Inissiaq attartortittagaq najugaqarfigineqanngippat, inissiap innaallagissamut, imermut aamma innaallagissamoortumik kiassaatinut uuttuutaanik atuiunnaarneq inissiat immikkoortortaqarfiata nalunaarutigissavaa, taamaalilluni inissiami sulineq sanasunit aallartinneqarsinnaaniassammat.


Malugiuk
Illumik pisiguit illit innaallagissamut, imermut aamma innaallagissamoortumik kiassaatinut uuttuutit pigisavit saniatigut eqqaamassavat qerinaveersaat aamma kiassarnermi kabel-inut uuttuutit Nukissiorfimmut aamma nalunaarutigissagakkit.
INI A/S
E-mail: ini@ini.gl
Oqarasuaat: 70 10 00
Fax: 86 57 00

Ammasarfii:
Ataasinngornermiit tallimanngornermut 08.00 - 16.00
Inissialiornermut tapiissuteqartarneq 10.00 - 14.00

Toqqaannartumik sianerfissat:
Inissiat attartortittakkat: 70 10 00, 1 tooriarlugu 1 toorlugu
Inissialiornermut tapiissuteqartarneq aqqutigalugu illuutit (Boligstøttehuse): 70 10 00, 1 tooriarlugu 2 toorlugu
Saaffiginnittarfik: 70 10 00, 1 tooriarlugu 9 toorlugu

Nittartagaq: www.ini.gl